അപരാജിതൻ 2 [Harshan] 6961

അങ്ങനെ പൂജയും ദീപാരാധനയും ഒക്കെ കഴിഞ്ഞു അന്നത്തെ കാര്യമാണ് ഒക്കെ ഭംഗി ആയി.
പ്രസാദവും നൈവേദ്യവും ഒക്കെ കഴിചു .
അവർക്കുള്ള ദക്ഷിണകൾ ഒക്കെ ചെയ്തു ഭംഗി ആയി എല്ലാരേയും തൃപ്തരാക്കി അവിടെ താനെന്ന എല്ലാരും പാത്രത്തിൽ ചോറും കറികളും ഒക്കെ കഴിച്ചു …ഇനി എന്നാ പറയാൻ ആണ് …എല്ലാം ഭംഗി ആയി അത്ര തന്നെ..
……
അപ്പു ഏറെ ആഹ്ലാദഭരിതൻ എന്തായാലും അവന്റെ പാറുവിനെ കണ്ടു കൊണ്ട് അവനു പൂജയിലും പങ്കെടുക്കാൻ സാധിച്ചല്ലോ..ഒരുപാട് പേ൪ പൂജയില്‍ പങ്കെടുക്കാന്‍ എത്തിയിരുന്നു. അത് മാത്രവും അല്ല രാത്രി പ്രസാദ വിതരണത്തിന് ശ്രിയ ഭക്ഷ്ണം വിളമ്പുവാന്‍ കൂടിയിരുന്നു , അതില്‍ അവള്‍ അവളുടെ കൈ കൊണ്ട് അച്ചാര് വിളമ്പി.
നമ്മുടെ കാര്‍ന്നോര്‍ അപ്പു വിന് അതില്‍ പരം ആനന്ദം എന്തു വേണം ,,വേറെ കറികള്‍ കെ ഒരു വശത്തേക്ക് മാടിവെച്ചു പാവം ആ അച്ചാര് മാത്രം കൂട്ടി ഊണ് കഴിച്ചു.,,, അവളുടെ കൈ കൊണ്ട് വിളമ്പിയ അച്ചാര്‍ണ്ടെ രുചി വേറെ ഏത് കറികള്‍ക്ക് കിട്ടും… പാവം അപ്പു വേറെ ഒരു കറിയും തൊട്ട് നോക്കി ഇല്ല , ആ അച്ചാര് തൊട്ട് മാത്രം ഊണ് കഴിച്ചു.
പ്രേമം ഒരുപാട് കണ്ടിട്ടുണ്ട് , പക്ഷേ ഇങ്ങനെ ഒരു പ്രേമം ആദ്യമായി ആണ് കാണുന്നത് , അച്ചാറില്‍ പൊതിഞ്ഞ പ്രേമം…
എല്ലാ പരിപാടികളും കഴിഞ്ഞു അപ്പു നേരെ തന്റെ റൂമിലേക്ക് പോയി.ആഹാ എന്തൊരു ഉന്മാദം എന്തൊരു ആവേശം ,,എന്റ്റെ മരീചികേ ,,എന്നൊക്കെ മൂളി അവന്‍ നേരെ ബെഡില്‍ കിടന്നു…
നാളെ നേരത്തെ എഴുന്നേല്‍കണം ജോലിക്കു പോകാനായി ഉള്ളതാണ്..
ആഹാ മനോഹരമായ ഒരു ഉറക്കം….
…………..
രാത്രി ചീവീടുകളുടെ ശക്തിയായ ശബ്ദം, റോഡിലൊക്കേ പട്ടികളുടെ ഒരു ഓരിയിടല്‍ പോലെ ഒക്കെ കേള്‍ക്കുന്നുണ്ട്,,, അപ്പു ഉണര്‍ന്നു.. ഇതെന്തു പട്ടികള്‍ ആണ് ഇങ്ങനെ ഒക്കെ ഓരിയിടുന്നത്.. ഓ ആകെ തലവേദന എടുക്കുന്ന പോലെ… കുറച്ചു നേരം കഴിഞില്ല… പട്ടിയുടെ ഓരിയിടല്‍ ശബ്ദം ഒക്കെ നിലച്ചു…
ആഹാ നന്നായി… അപ്പു സ്വയം പറഞ്ഞു.
അപ്പു എഴുന്നേറ്റ് ഒരു പാരസെറ്റമോള്‍ ഗുളിക എടുത്തു കഴിച്ചു , ഇന്നലത്തെ ഉറക്കത്തിന്റെ കെ ക്ഷീണം കാണുമല്ലോ…അതായിരിക്കും തലവേദന കുറച്ചു കഴിഞ്ഞപ്പോളേക്കും അവന് തലവേദന ഒക്കെ കുറവായി.
അവന്‍ പതുക്കെ കിടന്നു , നല്ല തണുപ്പുണ്ട് മൂടിപ്പുതച്ചു…അവന്റെ കണ്ണുകള്‍ ഉറക്കത്തിലേക്ക് വീണു..
പിന്നീട് അവന്‍ കാണുന്നത് ശ്രിയ ബെഡില്‍ കിടന്നുറങ്ങുന്നത് ആണ്, മന്ദസ്മിതത്തോടെ അവള്‍ കിടന്നുറങ്ങുന്നു. മുടിയൊക്കെ നെറ്റിയിലേക്ക് വീണു കിടക്കുന്നുണ്ട്. പെട്ടെന്നു എവിടെ നിന്നോ ഒരു ചിറകടി ശബ്ദം. പിന്നെ കാണുന്നത് അവരുടെ വീടിന് ചുറ്റും ഒരു വലുപ്പം ഉള്ള പക്ഷി വട്ടമിട്ട് വട്ടമിട്ട് പറക്കുന്നു. അതിനു ശേഷം ശ്രിയ കിടക്കുന്ന റൂമിന്റെ ജനാലയില്‍ പുറത്തു നിന്നു നോക്കുന്നു ഉള്ളിലേക്ക്. അത് പിന്നിലേക്ക് തിരിയുന്നു , മൂങ്ങയെ പോലെ ഒക്കെ ഇരിക്കുന്നു, കാണുംബോള്‍ ഭയം ആകുന്നു .
അവിടെ നിന്നു അത് താന്‍ കിടക്കുന്ന ഔട്ട് ഹൌസിലേക്ക് പറന്നു വരികയാണ്. വന്നിട്ട് ഔട്ട് ഹൌസിന് പുറകില്‍ ഉള്ള താന്‍ പണ്ട് പാറുവിന്റെ നൃത്തം കാണാന്‍ കയറിയ മരത്തില്‍ വന്നിരിക്കുന്നു…
ഇരുന്നിട്ട് പാറുവിന്റെ റൂം ഉള്ള വശത്തേക്ക് നോക്കി ഇരിക്കുന്നു.
അപ്പോളേക്കും പട്ടിയുടെ വൃത്തികെട്ട ഒരിയിടല്‍ തുടങ്ങി…
പതുകേ ആ പക്ഷി ഒന്നു ചിറകടിച്ചു …
അതേ ആ ശബ്ദം കാലന്റെ ദൂതന്‍ എന്നു പറയുന്ന മരണത്തിന്റെ സന്ദേശകന്‍ എന്നു വിളിക്കുന്ന കാലന്‍ കോഴി/ തച്ചന്‍ കോഴിയുടെ ശബ്ദം… കര്‍ണ്ണ കടോരമായ ശബ്ദം… അപ്പു ചെവി പൊത്തി..
അവന്‍ പെട്ടെന്നു കണ്ണു തുറന്നു……സ്വപ്നം ആണ്
ഹൂഹൂ ഹുഹ എ ………… ഹൂഹൂ ഹുഹ എ ………… ഹൂഹൂ ഹുഹ എ
ഹൂഹൂ ഹുഹ എ ………… ഹൂഹൂ ഹുഹ എ …………
ആ ശബ്ദം… ആ ശബ്ദം അതിപ്പോളും കേള്‍ക്കുന്നു,,
തന്റെ വീടിന് പുറകില്‍ നിന്നു തന്നെ ..
അപ്പു വേഗം ടോര്‍ച്ച് എടുത്തു.
വീടിന്റെ പുറകുവശം തുറന്നു. അമാവാസി ആണ് അതുകൊണ്ടു നിലാവില്ല.
അപ്പു ടോര്‍ച്ച് അടിച്ചു ആ മരത്തിന് മുകളിലേക്കു നോക്കി,,,,
അതേ ….. അതേ ഇതത് തന്നെ ..താന്‍ സ്വപ്നത്തില്‍ കണ്ട പക്ഷി….
വെളിച്ചം കണ്ടു ആ പക്ഷി തിരിഞു നോക്കി … അതിന്റെ പേടിപ്പെടുത്തുന്ന മുഖം… വീണ്ടും അത് തിരിഞു ഒന്നു ചിറകടിച്ചു കൂവുകയാണ് … മരണത്തിന്റെ നിലവിളി
ഹൂഹൂ ഹുഹ എ ………… ഹൂഹൂ ഹുഹ എ ………… ഹൂഹൂ ഹുഹ എ ……
അപ്പുവിന് ആകെ ഒരു പ്രത്യേക ഭാവം പോലെ.. അവന്‍ താഴെ കിടന്ന നല്ല മുഴുപ്പുള്ള ഒരു ഓടിന്‍ കഷ്ണം എടുത്തു … ആഞ് മുകളിലേക്ക് ഒരു ഏ൪ വെച്ചു കൊടുത്തു…
ഹൂ ഹേ ഹോ … ആ ഏര്‍ നല്ല ശക്തി ആയി ആ കാലങ്കോഴിയുടെ ദേഹത്ത് കൊണ്ട്,,
ആ പക്ഷി പേടിച്ച് തിരിഞു നോക്കി..
അപ്പുവിന്റെ മുഖത്തിന് ആ സമയം ഒരു പ്രത്യേക മുഖഭാവം ആയിരുന്നു .. അപ്പുവും അല്ല ആദിയും അല്ല…
ഞാന്‍ ഇവിടെ ഉള്ളപ്പോ … നീ തൊള്ള തുറക്കുമോ …….അവന്‍ കൈ ചൂടി ആ കാലന്കോഴിയോടു പറഞ്ഞു… നിമിഷങ്ങള്‍ക്കുളില്‍ പട്ടികളുടെ ഓരിയിടലും നിന്നു.
ആ കാലങ്കോഴി .. അവനെ നോക്കി ചിറകടിച്ചു എങ്ങോട്ടോ പറന്നു.

അവന്റെ ഇരു കണ്ണുകളും ചേബരത്തി പൂ പോലെ ചുവന്നിരിക്കുന്നു….ഒരു അവ്യക്തമായ രീതിയില്‍ ഒരു മുരള്‍ച്ച അവനില്‍ നിന്നും വരുന്നു.ഒരു ഘനഗംഭീരമായ ശബ്ദത്തില്‍….
അവന്‍ ആ കാലംകോഴി പറന്നു പോകുന്നത് നോക്കി നിന്നു..ഇടക്ക് ആ കാലങ്കോഴി തിരിഞു നോക്കിയോ എന്തോ….
====
എന്താണ് ഇതിനൊക്കെ അര്‍ത്ഥം..?
എന്താണ് ഇവിടെ സംഭവിക്കുന്നത്..?
എന്താണ് അപ്പു ഇങ്ങനെ സ്വപ്നങ്ങള്‍ കാണുന്നത്..?
ഇത്രയും ചെയ്ത പൂജകള്‍ പരാജയം ആണോ … ?
മരണം ശ്രീയയുടെ ഒപ്പം ആണോ .. ?
അപ്പു എങ്ങനെ ഒരു സമയം സ്വപ്നത്തിലും യഥാര്‍ത്യത്തിലും ഒരെ പക്ഷിയെ നേരിട്ടു കണ്ടു, ?
അപ്പുവില്‍ ആദിയില്‍ എന്താണ് ഇതുവരെ കാണാത്ത മറ്റൊരു രൂപം… ?
ആദി ആണോ ശ്രീയയുടെ രക്ഷക൯,?
എങ്കില്‍ ആദി ആണോ അവളുടെ ഗന്ധര്‍വ൯… ശ്രീയയുടെ രാജകുമാര൯…. ?
എങ്കില്‍ പിന്നെ എന്തിന് ശ്രിയ അപ്പുവിനെ അഥവാ ആദിയെ വെറുക്കുന്നു അകാരണമായി ?
( എന്താണ് ആര്‍ക്കും പിടികൊടുക്കാത്ത രഹസ്യങ്ങള്‍ )

https://kadhakal.com/aparajithan-part-11-12-author-harshan/