അപരാജിതൻ 2 [Harshan] 6935

ആദി സിബിക്ക് പണി കൊടുക്കുവാന്‍ ആയി തക്കം പര്‍തിരിക്കുക ആയിരുന്നു.
അതിനിടയില്‍ ആണ് സിബി യുടെ ഭാഗത്ത് നിന്നും ഒരു മിസ്റ്റേക്ക് സംഭവിച്ചു ഇരുപതിനായിരം രൂപയുടെ ലോസ്സ് സംഭവിച്ചത്, അപ്പു ആകെ പ്രശ്നം ഉണ്ടാക്കി, അവന്റെ സാലറിയില്‍ നിന്നും അത് വലിക്കും എന്നു കൂടെ പറഞ്ഞു,
സിബിയുടെ പെര്‍ഫോമന്‍സ് റിപ്പോര്‍ട് ആദി വഴി പോകുന്നത് കൊണ്ട് സിബിക്ക് നന്നായി അറിയാമായിരുന്നു പിന്നീടാണെങ്കിലും ആദി പണി തരും എന്നു , പെര്‍ഫോമ്ന്‍സേ റിപ്പോര്‍ട് നോക്കി ആണ് കമ്മീഷനും അതുപോലെ പെര്‍മനന്ട ആകുന്നതും ഒക്കെ. അതൊക്കെ അവന് നല്ല ഭയം ഉണ്ടായിരുന്നു.
അവന്റെ സങ്ക്ടങ്ങള്‍ ഒക്കെ മായചേച്ചിയോടു ആണ് അവന്‍ പറഞ്ഞു കൊണ്ടിരുന്നത്, അപ്പോളൊക്കെ മായ അവനെ ആശ്വസിപ്പിക്കുകയും ചെയ്തിരുന്നു.
ഒരു ദിവസം ആദി ഓഫീസില്‍ വന്നിരുന്നില്ല..
ആദി വരുന്ന വഴിക്കു ചെറിയ ഒരു അപകടം ഉണ്ടായി കൈ കുത്തി വീണു അതുകൊണ്ടു കൈയില്‍ മുറിവും നീരും ഒക്കെ ഉണ്ട്, അത് കൊണ്ട് ഹോസ്പിറ്റല്‍ഇല്‍ ആണ് അടുത്ത ദിവസമേ വരൂ എന്നു …
അന്ന് സിബി രവിലത്തെ വര്‍ക്ക് ഒക്കെ കഴിഞ്ഞു ഓഫീസില്‍ വന്നു , സാധാരണ ആദി സിബിയെ ഓഫീസില്‍ ഇരിക്കാന്‍ സമ്മതിക്കില്ലായിരുന്നു.
അന്നത്തെ ദിവസം ഈ വാര്ത്ത കൂടെ അറിഞ്ഞപ്പോള്‍ സിബി ഏറെ സന്തോഷം ആയിരുന്നു.
അവന്‍ പുറത്തു പോയി ഒരു പാക്കറ്റ് ലഡു വാങ്ങി കൊണ്ട് വന്നു..
ആഹാ ലഡു ഒക്കെ ഉണ്ടല്ലോ .. മായ ചോദിച്ചു
ഉണ്ട് ചേച്ചി , ചേച്ചി എടുക്ക് , ആവശ്യത്തിന് എടുക്ക്.. അവന്‍ പറഞ്ഞു
അല്ല കാരണം പറഞ്ഞില്ല … ലഡു എടുത്തു കൊണ്ട് മായ ചോദിച്ചു
ഇന്നെന്റെ പ്രാര്‍ഥന ദൈവം കേട്ട ദിവസം ആണ്… അയള്ക് ഇന്നൊരു പണി കിട്ടി ഇല്ലേ ..
ആര്‍ക്ക് ..
ആ ആദിസാറിന് …അയാളും ഇവിടത്തെ ഒരു ജോലികാരന്‍ അല്ലേ , എന്നിട്ടും ആ ഒരു മര്യാദ പോലും ഇല്ലാതെ അല്ലേ എന്നോടു ഒരു പട്ടിയെ പോലെ പെരുമാറുന്നത് … അയാളിവിടത്തെ ആരാണ് ,, അയാളുടെ ചരിത്രം ഒക്കെ എനിക്കറിയാം … അയാളുടെ അച്ഛന്‍ ഇവിടെ നിന്നു കട്ടുപോയതല്ലേ… ഞാന്‍ എന്തായാലും അങ്ങനെ ഒന്നും ചെയ്തില്ലല്ലോ…എന്തോരം എന്നെ ഉപദ്രവിച്ചു ദുഷ്ടന്‍ അങ്ങനെ വേണം ,…എന്റെ പ്രാര്‍ഥനയുടെ ആണ്‍ ..
ലഡു എടുത്തും പോയി മായ അത് കേട്ടു ആകെ വല്ലാതെ ആകുകയും ചെയ്തു..
സിബി ആകെ സന്തോഷത്തിലും..
മായ ലഡു മേശപ്പുറത്ത് വെച്ചു..
എന്താ കഴിക്കാത്തത്..? സിബി ചോദിച്ചു.
ഞാന്‍ കഴിക്കാം അതിനു മുന്പ് കുറച്ചു കാര്യങ്ങല്‍ പറയാനുണ്ട്.
അവള്‍ തന്റെ മേശയില്‍ നിന്നും ഒരു കവര്‍ എടുത്തു അവന് കൊടുത്തു അത് തുറന്നു വായിക്കാന്‍ പറഞ്ഞു , അവന്‍ കവര്‍ തുറന്നു നോക്കി , തന്റെ പെര്‍ഫോമന്‍സ് റിവ്യൂ റിപ്പോര്‍ട് ആണ് .
ആദി സൈന്‍ ചെയ്തു വെച്ചിരിക്കുന്നത്, അതില്‍ എല്ലായിടത്തും ഔട്ട്സ്റ്റാഡിങ് മാത്രം കൊടുത്തിരിക്കുന്നു , അതിനു താഴെ തന്നെ അവന്‍ സര്‍ടിഫി കൂടെ ചെയ്തിരിക്കുന്നു , കമ്പനിയുടെ റോളിലേക്ക് മസ്റ്റ് ആയും സിബിയെ പെര്‍മനന്റ്റ ആകണം എന്നു..
അത് കണ്ടപ്പോള്‍ സിബി ആകെ വല്ലാതെ ആയി..
മായ തുടര്‍ന്നു..
സിബി നമ്മുടെ ആദി നീ കരുത്തുന്ന പോലെ ഒരു ദുഷ്ടന്‍ ഒന്നുമല്ല ..
നിന്നോടു ഹര്‍ഷ് ആയി പെരുമാറുന്നത് കണ്ടപ്പോ ഒരിക്കല്‍ ഞാന്‍ ആദിയെ വിലക്കി , അങ്ങനെ ചെയ്യാതിരിക്കാന്‍ , അപ്പോ അവന്‍ പറഞ്ഞത് എന്താണെന്ന് അറിയോ,, നീ ഒരു പാവം ആണ് , ആര്‍ക്കും നിന്റെ മേല് കുതിര കയറാന്‍ എളുപ്പം ആണ് , ഇപ്പോ നിന്നെ പിടിച്ചില്ലെങ്കില്‍ പിന്നെ നീ കൈവിട്ടു പോകും ,,, നിന്നോടു കാണിച്ചതൊക്കെ അഭിനയം ആയിരുന്നു . ഞാനും അതൊക്കെ ആസ്വദിക്കുക അല്ലായിരുന്നോ … അവന്‍ നിന്നെ ഒരുപാട് ചീത്ത പറയുമ്പോ , നിനക് വിഷമം ആയി എന്നു അവനും അറിയാം , നീ തളര്‍ന്ന് പോകാതിരിക്കാന്‍ അപ്പോലൊക്കേ ഞാന്‍ നിന്നെ ഫോണില്‍ സംസാരിച്ചിരുന്നതും ഒക്കെ അവന്‍ പറഞ്ഞിട്ടു തന്നെ ആണ്.
അതുകൊണ്ടേന്താ നിണക്കിപ്പൊ ഒറ്റയ്ക്ക് എല്ലാ കാര്യങ്ങളും ഭംഗി ആയി ചെയ്യാന്‍ സാധിക്കുന്നില്ലേ , അവനോടുള്ള ദേഷ്യത്തിലും വാശിയിലും നീ എല്ലാം കൈകാര്യം ചെയ്യാന്‍ പഠിച്ചില്ലെ … അവനും അത്രയേ വേണ്ടി ഇരുന്നുള്ളൂ… അല്ലാതെ നിന്നോടു അവ്ന് ഒരു ദേഷ്യവും ഇല്ല , നിന്നെ ഭയങ്കര ഇഷ്ടമാണ് അവന് , നിന്നെ കാണുമ്പോ നിന്നില് അവനെ തന്നെ ആണ് അവന്‍ കാണുന്നത് എന്നാ പറഞ്ഞത്. അവന്റെ പണ്ടത്തെ കാലം ഒക്കെ അവനും ഒരുപാട് ക്ഷ്ടപ്പെട്ടത് ആണ് നിന്നെ പോലെ ,,
നീ സ്ട്രോങ് ആകാന്‍ അവന് ഹാര്‍ഷ് ആകേണ്ടി വന്നു ..
അവന് ഏറെ സന്തോഷിച്ചത് അന്ന് നീ അവനോടു റിയാക്റ്റ് ചെയ്തു വഴക്കുണ്ടാക്കിയപ്പോ ആണ് , അങ്ങനെ നീ ആരോടും മുഖത്ത് നോക്കി പ്രതികരിക്കാന്‍ പഠിച്ചില്ലെ ..
ഇതൊക്കെ കേള്‍ക്കുമ്പോ ആകെ ഒരു മനോവിഷമം കൊണ്ട് സിബിക്ക് മിണ്ടാട്ടം ഇല്ലാതെ ആയി.
നിനക്കു എത്ര രൂപ ഇപ്പോ കിട്ടുന്നുണ്ട് എങ്ങനെ പോയാലും ഒരു ഇരുപതു ഇരുപത്തി രണ്ടു രൂപ ഒക്കെ ഉണ്ടാകും ല്ലേ ..അവന് ആകെ പതിനായിരം രൂപ ആണ് ഇവിടെ സലറി. അന്ന് നിന്റെ ഭാഗത്ത് നിന്നു ഓര്‍ക്കുന്നുണ്ടോ കുറച്ചു നഷ്ടം ഉണ്ടായത്, അവന്‍ അന്ന് പറഞ്ഞിരുന്നു നിന്റെ ശംബളത്തില്‍ നിന്നു കുറവ് ചെയ്യും എന്നു … എന്നിട്ട് ഇത്രയും നാള്‍ നിനക്കു ഫുള്‍ സലറി അല്ലേ കിട്ടിയിരുന്നത് ,, സിബി , അവന്‍ അത് അവന് കിട്ടുന്ന തുച്ഛമയ തുകയില്‍ നിന്നു കട് ചെയ്തു കൊടുക്കുക ആയിരുന്നു ,,, നിനക് ഒരുപാട് ബാധ്യതകള്‍ ഉണ്ട് , നിനക്കു കിട്ടുന്ന തുകയില്‍ ഒരു രൂപ കുറഞ്ഞാല്‍ പോലും നിന്റെ കുടുംബത്തെ പല കാര്യങ്ങളെയും മോശമായി ബാധിക്കുമെന്ന് അവന് നന്നായി അറിയാം.. അതുകൊണ്ടാണ് അവന്‍ നിന്റെ കുറ്റം കൂടെ സ്വയം ഏറ്റെടുത്തത്, അന്ന് ആ നഷ്ടം ഉണ്ടാക്കിയതിന് ഹെഡ് ഓഫീസിലേക്ക് വിളിപ്പിച്ചു എലാരുടെയും മുന്നില്‍ വെച്ചു അവനെ ഒരുപാട് ചീത്ത പറഞ്ഞു രാജശേഖരന്‍ സര്‍ .. അവനത് ആരോടും പറഞ്ഞിരുന്നില്ല , എന്റെ കൂടുകാരികള്‍ അവിടെ ജോലി ചെയ്യുന്നവര്‍ ആണ് എന്നോടു പറഞ്ഞത്…