അനാമിക 3 [Jeevan] 345

അപ്പോള്‍ മറ്റേവന്‍ അടുത്തു എത്തി വലതു കൈ ഉയര്‍ത്തി എന്‍റെ മുഖത്തേക്ക് പഞ്ച് ചെയ്യാന്‍ തുടങ്ങിയപ്പോള്‍ ഞാന്‍ കാല്‍ രണ്ടും നിലത്തു കുത്തി ബാലന്‍സ് ചെയ്തു തലയും അപ്പെര്‍ ബോഡിയും പിന്നിലേക്ക് വളച്ചു പഞ്ചില്‍ നിന്നും ഒഴിഞ്ഞു മാറി , എന്‍റെ മുഖത്തിന് മുകളില്‍ ആയി വന്ന അവന്‍റെ കയ്യില്‍ എന്‍റെ രണ്ടു കൈ കൊണ്ടും പിടിത്തം ഇട്ടു, അതില്‍ ബലം കൊടുത്തു നേരെ നിന്നു എന്‍റെ ഇടം കൈ കൊണ്ട് അവന്‍റെ കൈ പിടിച്ച്, വലം കൈയിലെ മുഷ്ടി ചുരുട്ടി താഴെ നിന്നും മുകളിലേക്കു അപ്പര്‍ കട്ട് രീതിയില്‍ തടിക്ക് ഒരു പഞ്ച് കൊടുത്തു. ഇടത്തേക്ക് പിടിച്ച് തള്ളി, അവന്‍ വായില്‍ നിന്നും ചോര ഒലിപ്പിച്ചു ഡെസ്കില്‍ പോയി വീണു, അവന്‍ കഷ്ടപ്പെട്ട് , ബെഞ്ചില്‍ സൈഡ് തിരിഞ്ഞു ഇരുന്നു അണച്ച് കൊണ്ട് എന്നെ രൂക്ഷം ആയി നോക്കി. ഞാന്‍ അപ്പോള്‍ പിന്നിലേക്ക് നീങ്ങി, ബെഞ്ചിന്‍റെ ഭാഗത്ത് പോയി, ഡെസ്കില്‍ ഇടതു കൈ കൊണ്ട് കുത്തി സപോര്‍ട്ട് കൊടുത്തു വായുവില്‍, പൊങ്ങി കാല് കൊണ്ട് അവന്‍റെ താടിക്ക് കാലിന്‍റെ മുകള്‍ ഭാഗം കൊണ്ട് തൊഴിച്ചു. അവന്‍ ഡെസ്കില്‍ തല ഇടിച്ചു ബോധം കേട്ടു കിടന്നു.

അപ്പോളേക്കും ഞാന്‍ പിന്നില്‍ നിന്നു തള്ളി ഓടി വന്നവന്‍റെ ദേഹത്ത് ഇട്ടപ്പോള്‍ വീണവന്‍ എണീറ്റ് തല്ലാന്‍ വന്നു. ഞാന്‍ രണ്ടു കയ്യിലെയും മുഷ്ടി ചുരുട്ടി തയാര്‍ ആയി നിന്നു. അവന്‍ അടുത്തു വന്നു എന്‍റെ നേരെ പഞ്ചുകള്‍ തൊടുത്തു കൊണ്ടിരുന്നു, ബോക്സിങില്‍ നല്ല പ്രവീണ്യം ഉണ്ടായിരുന്ന ഞാന്‍, അവന്‍റെ ഓരോ പഞ്ച് ബ്ളോക്ക് ചെയ്തു കൊണ്ടിരുന്നു. അവന്‍ തളര്‍ന്ന് തുടങ്ങിയിരുന്നു. അങ്ങനെ വലതു കൈ പൊക്കി മുഷ്ഠി ചുരുട്ടി എന്‍റെ മുഖത്തിന് ഇടതു വശത്തേക്ക് കൊണ്ടുവന്ന പഞ്ച് എന്‍റെ ഇടതു കൈത്തണ്ട കൊണ്ട് ബ്ളോക്ക് ചെയ്തു അവന്‍റെ നെഞ്ചില്‍ ആയി ഇടയില്ലാതെ പഞ്ചുകള്‍ തൊടുത്തു കൊണ്ടിരുന്നു. പിന്നെ അവന്‍റെ കീഴ്ത്താടിയില്‍ താഴെ നിന്നും മുകളിലേക്കു അപ്പര്‍ കട്ട് പഞ്ച് ചെയ്തു പിന്നിലേക്ക് അവന്‍ വീഴാന്‍ പോയപ്പോള്‍, ഞാന്‍ രണ്ടു കാലും നിലത്തു ഉറപ്പിച്ച്, ഇടതു കാലില്‍ ഊന്നി, അപ്പര്‍ ബോഡി വീശി, കറങ്ങി വന്നു , ഇടതു കാലില്‍ ഊന്നി, വീണ്ടും കറങ്ങി വലതു കാല്‍ കൊണ്ട് അവന്‍റെ ഇടതു കഴുത്തിനും തോളിനും ഇടയില്‍ ആയി ഒരു ടോര്‍ണാഡോ കിക്ക് കൂടെ കൊടുത്തു. അതോടെ അവന്‍ നിലത്തു വീണു കിടന്നു പുളഞ്ഞു.

അവന്മാര്‍ എല്ലാം, ഒരു പരുവം ആയിരുന്നു അതോടെ. ആദ്യം അടികിട്ടി ബോധം തെളിഞ്ഞവനമാര്‍ ജീവനും കൊണ്ട് ഓടുന്നത് കണ്ടു കൂട്ടച്ചിരി ഉയര്‍ന്നു. രണ്ടുമൂന്നു പേര് അപ്പോഴും ബോധംകെട്ടു കിടക്കുന്നുണ്ടായിരുന്നു. കടയിലെ ചേട്ടന്‍ ഇതൊക്കെ കണ്ടു വാ പൊളിച്ച് നിക്കുന്നുണ്ടായിരുന്നു. കുഞ്ഞൂസ് പൊട്ടിച്ച കുപ്പിയ്ടേത് അടക്കം പൈസ കൊടുത്തു ഞങ്ങള്‍ വീട്ടിലേക്ക് തിരിച്ചു.
(എൻ.ബി- പിന്നീട് ഒരിക്കല്‍ അമൃത മലയില്‍ പോയപ്പോള്‍ അവന്മാരുടെ ശല്യം ആ ദിവസത്തോടെ അവസാനിച്ചു എന്നു അറിയാന്‍ സാധിച്ചു. )

തിരിച്ചുള്ള യാത്രയില്‍ രേഷ്മയ്ക്കും കുഞ്ഞൂസിനും തല്ലിന്‍റെ കാര്യം മാത്രം പറയാന്‍ ആയിരുന്നു നാവ്. വിഷ്ണു ആണേല്‍ എന്‍റെ ടോര്‍ണാഡോ കിക്കിന്‍റെ ആരാധകന്‍ ആയി മാറി. ഇതിന്‍റെ ഇടയില്‍ ശ്രീ ഇന്ന് കണ്ട കാഴ്ചകളുടെയും, അടിയുടെയും അന്ന് കണ്ട അടിയുടെയും ഒക്കെ എക്സ്സൈറ്റ്മെന്‍റില്‍ ആയിരുന്നു. ഞങ്ങള്‍ പോകുന്ന വഴിയില്‍ ഒരു ഹോട്ടലില്‍ നിര്‍ത്തി, കഴിച്ചു, വീണ്ടും തിരിച്ചു. അങ്ങനെ രേഷ്മയുടെ വീട് ഏത്താറായപ്പോളേക്കും , വണ്ടി ശോകമൂകം ആയിരുന്നു. എല്ലാവര്‍ക്കും പിരിയുന്ന വിഷമം. പക്ഷേ ശ്രീയും രേഷ്മയും നല്ല ക്ലോസ് ആയിരുന്നു. അങ്ങനെ രേഷ്മയുടെ വീട് എത്തി അവള്‍ ബാഗ് എടുത്തു ഇറങ്ങി. ഞങ്ങള്‍ എല്ലാവരും കാറില്‍ നിന്നു ഇറങ്ങിയിരുന്നു. അവളെയും കൂട്ടാന്‍ സമ്മതിച്ചതിന് അവള്‍ ഒരുപാട് നന്ദി പറഞ്ഞു, അല്പം വികാരഭരിതയായി. ഞങ്ങള്‍ അവളെ സമാധാനിപ്പിച്ചു, തിരിച്ചു വണ്ടിയില്‍ കയറി യാത്ര ചോദിച്ചു ശ്രീയുടെ വീട്ടിലേക്ക് തിരിച്ചു.

രേഷ്മ ഇറങ്ങി കഴിഞ്ഞു, കുഞ്ഞൂസ് ഒരു പടക്കം പൊട്ടിച്ചു –