അനാമിക 3 [Jeevan] 345

നമ്മളെ മല കയറ്റി ഏകാദശി ദ്വീപും ചുറ്റിച്ചു തിരികെ താഴെ എത്തിക്കും. ഞങ്ങൾക്ക് കൂട്ടിന് ”മരുതയ്യാ” എന്ന ഒരു ആളാണ് വന്നത്. 40 വയസ്സിനോട് അടുപ്പിച്ചു പ്രായം. ഒരു മുഷിഞ്ഞ പട്ടാളക്കാരുടെ പോലെ ഉള്ള ഒലീവ് ഗ്രീന്‍ പാന്‍റ്സും ഷര്‍ട്ടും ആണ് വേഷം, ബൂട്ട് പോലെ ഒരു ഷൂ കാലില്‍ ധരിച്ചിരിക്കുന്നു. ആള്‍ തമിഴ് ചുവയുള്ള മലയാളം ആണ് സംസാരികുന്നത്. നല്ല കമ്പനിയും. ഞങ്ങള്‍ അടിച്ചു പൊളിച്ച് തമാശ ഒക്കെ പറഞ്ഞു ആദ്യത്തെ കയറ്റം കയറി തുടങ്ങി.

കാടും, മലയും മറ്റും കയറാന്‍ ഉള്ളത് കൊണ്ട് എല്ലാവരും ജീന്‍സ് , ടി-ഷര്‍ട്ട് ആയിരുന്നു വേഷം. കൂടാതെ ട്രെക്കിംഗ് ഷൂവും. അങ്ങനെ ഏകദേശം 20 മിനിറ്റ് കൊണ്ട് ആദ്യത്തെ കയറ്റം കയറി നിരപ്പായ സ്ഥലം എത്തി. ഞങ്ങള്‍ അവിടെ ഒരു ഏറുമാടത്തില്‍ കയറി അല്പം വിശ്രമിച്ചു, ശേഷം വീണ്ടും യാത്ര തുടര്‍ന്നു. പോകുന്ന വഴിയില്‍ ഒരുപാട് വന്യ ജീവികളെ കണ്ടിരുന്നു, മുള്ളന്‍ പന്നി, കാട്ടു മുയല്‍ , മലമ്പാമ്പ് ഇതൊക്കെ ഉള്‍പ്പെടും. ഇടക്ക് ദൂരെ എവിടെ നിന്നോ ഒറ്റയാന്‍റെ ചിന്നം വിളി കേട്ടു. പോകുന്ന വഴിയില്‍ കാട്ടരുവി ഒഴുകുന്ന ശബ്ദം നന്നായി കേള്‍ക്കാം. മരുതയ്യാ ഞങ്ങളെ ഒരു കാട്ടരുവിയുടെ അടുത്തു കൊണ്ട് ചെന്നു.

പാറയിലൂടെ ഉള്ള ചെറിയ നീരൊഴുക്ക്. ഞങ്ങള്‍ അതില്‍ മുഖം കഴുകി. നല്ല കുളിര്‍മ അതു പോലെ സുഗന്ധവും. ഈ മല മുഴുവന്‍ ഔഷധ സസ്യം ആണ്. അതില്‍ തട്ടി ഒഴുകുന്നത് കൊണ്ട് ആണ് ഈ സുഗന്ധം. പ്രധാന വൈദ്യശാലകളില്‍ നിന്നും ഇവിടെ ആളുകള്‍ മരുന്ന് എടുക്കാന്‍ വരും. പഞ്ചവൻമാരുടെ സഹായത്തോടെ മരുന്ന് എടുത്തു പോകും. പഞ്ചവൻമാര്‍ക്ക് അറിയാത്ത ഒരു ഔഷധ സസ്യം പോലും ഈ പടികെട്ട് മലയില്‍ ഇല്ല. അതു പോലെ ഇവിടെ നിന്നും എടുക്കുന്ന കാട്ടു തേൻ പോലും വലിയ ഡിമാന്‍ഡ് ആണ്. ഇതൊക്കെ ആണ് പഞ്ചവന്‍മാരുടെ പ്രധാന വരുമാന മാര്‍ഗം. അരുവിയിലെ ജലം ഞങ്ങള്‍ കുറച്ചു കുപ്പികളില്‍ ശേഖരിക്കാന്‍ മറന്നില്ല. അങ്ങനെ 2 മണിക്കൂര്‍ എടുത്തു കാട്ടു പാതയിലൂടെ ഞങ്ങള്‍ മല കയറി മുകളില്‍ എത്തി. ഇതിന്‍റെ ഇടക്ക് താഴെ ഉള്ള ഒരു ഏറുമാടത്തില്‍ നിന്നും കാട്ടു കിഴങ്ങുകള്‍ പുഴുങ്ങിയതും,