💞Lovebirds💞(S1)[രാവണാസുരൻ(Rahul)] 264

പരീക്ഷണങ്ങൾ അവസാനിക്കുന്നില്ല അതിങ്ങനെ തുടർന്നുകൊണ്ടിരിക്കും.
വെറുപ്പിക്കാനും ആരെങ്കിലുമൊക്കെ വേണ്ടേ

ഇത് പ്രണയ കഥകളുടെ ഒരു series പോലെയാണ്.ഒന്നോ രണ്ടോ part ആയുള്ള love stories.ഓരോ കഥകൾക്കും subtitle കാണും.എന്റെ ഒരു ചെറിയ വട്ട് നിങ്ങൾ സ്വീകരിക്കും എന്ന് വിശ്വസിക്കുന്നു.

കഴിഞ്ഞ കഥയ്ക്ക് തന്ന സപ്പോർട്ടിനും വിലയേറിയ അഭിപ്രായങ്ങൾക്കും വളരെയേറെ നന്ദി. ഇനിയും നിങ്ങളുടെ പിന്തുണ പ്രതീക്ഷിക്കുന്നു

👰ഒരു പെണ്ണുകാണൽ 👰
—————————————-

രാവൺ

ഹായ് ഞാൻ അർജുൻ ഇത് എന്റെ കഥയാണ് നിങ്ങൾക്ക് ഒക്കെ ഇഷ്ടപ്പെടുമോ എന്നറിയില്ല.എന്തായാലും പറയാം ഇഷ്ടമായില്ലേൽ പ്യാവം എഴുത്തുകാരനെ ഒന്നും ചെയ്യരുത് പ്ലീച്.അങ്ങേര് തൂലിക മറന്നുവച്ചിട്ട് പോയപ്പോ അടിച്ചുമാറ്റി ഞാൻ എഴുതുന്നതാ 😜

അപ്പൊ മ്മക്ക് കഥയിലേക്ക് കടക്കാം…

ഞാനും അമ്മയും അച്ഛനും അനിയത്തിയും ഏട്ടന്റെ മാരുതി swift ൽ യാത്രയിലാണ്.ഡ്രൈവിംഗ് സീറ്റിൽ വേറാരുമല്ല ഞാൻ തന്നെയാണ്.മ്മക്ക് പണ്ടേ ഡ്രൈവിംഗ് ക്രൈസ് ആണല്ലോ.പക്ഷെ ഇപ്പൊ പോകുന്നത് എങ്ങോട്ടാണെന്ന് ഒരു അറിവുമില്ല.

ഞായറാഴ്ച പ്രത്യേകിച്ച് പണിയൊന്നും ഇല്ലാത്തത്കൊണ്ട് ചുമ്മാ പുതപ്പും മൂടി കിടന്നുറങ്ങിയ എന്നെ അനിയത്തി ചവിട്ടി എഴുന്നേൽപ്പിച്ചു എങ്ങോട്ടോ പോകണം ready ആകാൻ പറഞ്ഞു. ഈ വെളുപ്പാൻകാലത്ത് എങ്ങോട്ടാന്ന് ചോദിച്ചതിന് മറുപടി തന്നത് അമ്മയാണ്.

മൂട്ടിൽ വെയിലടിക്കുന്നത് വരെ പോത്ത് പോലെ കിടന്നുറങ്ങിയിട്ട് ഒരു സ്ഥലത്തു പോകാൻ വിളിച്ചപ്പോ എങ്ങോട്ടാണെന്നോ.ഞാൻ അങ്ങോട്ട് വന്നാലുണ്ടല്ലോ നിന്റെ തലമണ്ട അടിച്ചു പൊട്ടിക്കും സമയം ഏഴുമണി ആയി എന്നിട്ട് അവനു ഇപ്പോ വെളുപ്പാങ്കാലം ആണ് പോലും.അമ്മ എവിടെയോ നിന്ന് അശരീരി പോലെ വിളിച്ചു പറഞ്ഞു.

ഹാ ബെസ്റ്റ് രാവിലെ തന്നെ കിട്ടേണ്ടത് കിട്ടി.
ഇനി ready ആയില്ലെങ്കിൽ എന്നെ വല്ല ആശുപത്രിയിലും അഡ്മിറ്റ്‌ ചെയ്യേണ്ടിവരും.

ഞാൻ കുളിച്ചു ready ആയി ഒരു നീലകളർ ഷർട്ടും ബ്ലാക്ക് പാന്റും ഒരു ഫോർമൽ ഷൂസും ഇട്ട് പുറത്തിറങ്ങി.അമ്മ ഭക്ഷണം ഒക്കെ എടുത്ത് വച്ചിട്ടുണ്ട് കഴിച്ചോണ്ടിരുന്നപ്പോൾ എന്റെ പുന്നാര പെങ്ങൾ ഒരുങ്ങി വരുന്നു.

ആഹാ നീയും വരുന്നുണ്ടോ? അല്ല എങ്ങോട്ടാ ഈ ഒരു ലോഡ് പുട്ടി ഒക്കെയിട്ട് ഒരുങ്ങി കെട്ടി പോകുന്നത് എന്ന് വല്ല പിടിയും ഉണ്ടോ?

ഒരു ഉപകാരവും ഇല്ലാത്ത നിന്നെ കൊണ്ടുപോകുമ്പോൾ പിന്നെ ഞാൻ എന്തായാലും വരണമല്ലോ.അവൾ നൈസ് ആയിട്ട് എനിക്കിട്ട് കൊട്ടി.

അച്ഛനും ready ആയി വന്നു.

അച്ഛാ നമ്മൾ ഇപ്പൊ എങ്ങോട്ടാ പോകുന്നത്? ഞാൻ ചോദിച്ചു.

അറിഞ്ഞിട്ടിപ്പോ എന്തിനാ നിനക്ക് വേറെ പണി ഒന്നുമില്ലല്ലോ പിന്നെ എന്താ.അച്ഛൻ മറുപടി തന്നു