💞Lovebirds💞(S1)[രാവണാസുരൻ(Rahul)] 264

സുഭദ്രേ മോളെ വിളിക്ക് അദ്ദേഹം തന്റെ ഭാര്യയോട് പറഞ്ഞു
നല്ല കുലീനയായ ഒരു അമ്മ.
അവിടെ ഞങ്ങളെ നോക്കി നിന്ന ആ അമ്മ അകത്തേയ്ക്ക് പോയി.

എന്നിട്ട് തിരിച്ചു വന്നു അവരുടെ പിന്നിലായി ഒരു സുന്ദരിയായ പെൺകുട്ടി അല്ല
സുന്ദരിയായ എന്ന് പറഞ്ഞാൽ കുറഞ്ഞുപോകും അവൾ ആ മഞ്ഞ ചുരിദാറിൽ ദേവതയെ പോലെ തോന്നിച്ചു.
ഞാൻ അറിയാതെ തന്നെ എന്റെ വാ തുറന്നുപോയെന്ന് അനിയത്തി തട്ടിയപ്പോഴാ മനസ്സിലായത്.ഇങ്ങനെ ഒരു ദേവതയെ കണ്ടാൽ വിശ്വാമിത്രൻ പോലും ഋഷി സ്ഥാനം ഒറ്റ രാജികത്തിൽ ഒതുക്കും അപ്പൊ പിന്നെ ഈ പാവം എന്റെ കാര്യം പറയാനുണ്ടോ.അർജുൻ കൺട്രോൾ കൺട്രോൾ ഞാൻ എന്നെത്തന്നെ പറഞ്ഞു കൺട്രോൾ ചെയ്തു

അവൾ കയ്യിൽ ഒരു ട്രേ ചായയുമായാണ് വന്നത്.ആദ്യം എനിക്ക് ചായകൊണ്ട് തന്നു എന്നിട്ട് ഒളികണ്ണിട്ട് ഒരു നോട്ടം നോക്കി.
എന്റെ സാറേ എന്റെ ഹൃദയമിടിപ്പ് നിന്നു ഞാൻ ചിരിച്ചോണ്ട് മരിച്ചു.ഇല്ല ഇല്ല ഹൃദയം പിന്നേം മിടിക്കുന്നുണ്ട്.അവളുടെ ആ നോട്ടം ഇവള് തന്നെ ഞാൻ ആറ്റുനോറ്റ് കാത്തിരുന്ന ലവൾ fixed.

അവളുടെ മുഖത്ത് ഒരു ആശ്ചര്യം ഇല്ലേ സന്തോഷം തത്തികളിക്കുന്നില്ലെ 🙄ഏയ് എനിക്ക് തോന്നിയതാകും.

പേരെന്താണാവോ 🤔ചോദിച്ചാലോ പണിയാകുമോ. ആ വരുന്നിടത്തുവച്ചു കാണാം
കുട്ടീടെ പേരെന്താ? ഞാൻ അവളോട് ചോദിച്ചു

മഞ്ജിമ ഒരു നാണത്തിൽ കുതിർന്ന പുഞ്ചിരിയോടെ അവൾ മറുപടി തന്നു

ഞാൻ മനസ്സിൽ ഒരാവർത്തി പറഞ്ഞു നോക്കി മഞ്ജിമ. മഞ്ജിമഅർജ്ജുൻ ആഹാ എന്താ ചേർച്ച അലുവയും മത്തിക്കറിയും പോലെ പഴംപൊരിയും ബീഫും പോലെ
ചിക്കനും ബിരിയാണിയും പോലെ. ഇതൊക്കെ ആലോചിച്ചു അറിയാതെ എന്റെ കൂടെ വന്നവർക്ക് പേര് ഇഷ്ടപ്പെട്ടു കാണുമോ എന്നറിയാൻ എന്റെ വലതു സൈഡിലേക്ക് തിരിഞ്ഞു നോക്കി അനിയത്തി തുറിച്ചു നോക്കുന്നു ഇടതു സൈഡിലേക്ക് തിരിഞ്ഞു നോക്കി അമ്മ ഇപ്പൊ എന്നെ കടിക്കുമെന്ന തോന്നുന്നേ.

ഇതുങ്ങക്കിതെന്തു പറ്റി എന്തിനാ എന്നെ ഇങ്ങനെ തുറിച്ചു നോക്കുന്നെ ഇനിയിപ്പോ പേര് ഇഷ്ടപ്പെട്ടു കാണില്ലേ.ശേ അതായിരിക്കില്ല എന്നാലും എന്തിനായിരിക്കും ഇങ്ങനെ നോക്കുന്നെ 🤔

🤯🤯ദേവ്യെ ഈ കൊച്ചിനെ കണ്ടു കിളിപോയതിൽ കാര്യങ്ങളുടെ കിടപ്പുവശം ഞാൻ മറന്നു.
😖😖ഇന്ന് എന്റെ മരണം ഉറപ്പായി
ഞാൻ പതിയെ അവിടുന്ന് ഒന്ന് എഴുന്നേൽക്കാനുള്ള ശ്രമം നടത്തി.
ഈ സെറ്റിയിൽ എന്തോ പ്രശ്നം ഉണ്ട് പൊങ്ങാൻ പറ്റുന്നില്ല പിന്നേം ഒരിക്കൽക്കൂടി നോക്കി ഇല്ല നടക്കുന്നില്ല താഴേക്ക് നോക്കി രണ്ട്‌ സൈഡിൽ നിന്നും അമ്മയും അനിയത്തിയും എന്നെ ക്ലിപ്പിട്ടു ഇനി രക്ഷയില്ല ഞാൻ കീഴടങ്ങി.