💞Lovebirds💞(S1)[രാവണാസുരൻ(Rahul)] 264

പിന്നെ ഒരു ചേട്ടൻ ഉണ്ട് അതുൽ അവൻ അങ്ങ് അമേരിക്കയിൽ ഒരു കമ്പനിയിൽ സോഫ്റ്റ്‌വെയർ എഞ്ചിനീയർ ആയി work ചെയ്യുന്നു.മൂന്നുമക്കൾ ഉള്ള വീടുകളിലെ നടുക്കഷ്ണത്തിന്റെ അവസ്ഥ ഞാൻ നിങ്ങൾക്ക് പറഞ്ഞു തരണ്ടല്ലോ.അത് തന്നെ പട്ടി വില 🥺മൊത്തം പുകഴ്ത്തലും മൂത്ത സന്താനത്തിനും മൊത്തം വാത്സല്യവും ഇളയ സന്താനത്തിനും ഉള്ള ട്രോള് മൊത്തം എനിക്കും അതാണ് ചുഹൃത്തുക്കളെ എന്റെ അവസ്ഥ.എന്നെ തവിട്‌കൊടുത്തു വാങ്ങിയതാണോ എന്ന് പോലും തോന്നാറുണ്ട്.പ്യാവം ഞ്യാൻ അല്ലേ
ഇങ്ങൾക്ക് ഒരു സ്നേഹം അനുകമ്പ സഹാനുഭൂതി ഒക്കെ എന്നോട് തോന്നുന്നില്ലേ? അതൊക്കെ മനസ്സിൽ തന്നെ ഇരിക്കട്ടെ ഇവിടെ എങ്ങാൻ അതിനെക്കുറിച്ചു പറഞ്ഞാൽ എനിക്ക് കിട്ടുന്നതിന്റെ ബാക്കി ട്രോള് ഇങ്ങടെ മണ്ടയ്ക്കിട്ടായിരിക്കും.

അപ്പൊ നമുക്ക് പിന്നേം present ലേക്ക് വരാം….

അച്ഛൻ ഫോണിൽ ആരോടോ ചോദിച്ചാണ് വഴികൾ പറഞ്ഞു തരുന്നത്.
അങ്ങനെ ഞങ്ങൾ ഒരു രണ്ടുനില വീടിന്റെ മുന്നിൽ എത്തി. ഇപ്പോഴാ അമ്മ രണ്ടുദിവസം മുന്നേ പറഞ്ഞ കാര്യം ഓർമ്മ വന്നത്.
അപ്പൊ അതിനായിരുന്നല്ലേ രാവിലെ തൊട്ടുള്ള പ്രഹസനങ്ങൾ? ഞാൻ ശബ്ദം താഴ്ത്തി മൂന്നുപേരോടുമായി ചോദിച്ചു.അമ്മ മറുപടി ഒരു ഇളിയിൽ ഒതുക്കി.

ആ വീട്ടിൽ നിന്ന് ഒരു 50-55വയസ്സ് തോന്നിക്കുന്ന ഒരാൾ വന്നു അച്ഛനോടായി ചോദിച്ചു.
വഴികണ്ടുപിടിക്കാൻ ബുദ്ധിമുട്ടായി അല്ലേ?
പെണ്ണുകാണലിനു വരുമ്പോൾ ഈ ഒരു ചോദ്യത്തിന് മാത്രം ഇപ്പോഴും ഒരു മാറ്റവും ഇല്ലല്ലോ ദൈവമേ.നവകേരളമേ ഉണരൂ ആധുനികതയിലേക്ക് ചുവട് വയ്ക്കു
ഇതൊക്കെ നിമിഷനേരത്തിൽ ആലോചിച്ചു നിന്നപ്പോഴാ അച്ഛന്റെ മറുപടി കേട്ടത്

ഇല്ല അജയൻ പറഞ്ഞു തന്നത് കൊണ്ട് ബുദ്ധിമുട്ടായില്ല അച്ഛൻ മറുപടി പറഞ്ഞു

അച്ഛനാണത്രെ അച്ഛൻ ഇങ്ങനെ കല്ലുവച്ച നുണപറയാൻ നാണമില്ലേ മനുഷ്യാ.എന്നെക്കൊണ്ട് റോഡായ റോഡെല്ലാം തേരാപ്പാരാ വണ്ടിയോടിപ്പിച്ചിട്ട് ഇപ്പൊ വഴി കണ്ടുപിടിക്കാൻ ബുദ്ധിമുട്ടിയില്ലെന്ന് (ആരും തെറ്റുദ്ധരിക്കണ്ട ഇതൊക്കെ ഞാൻ മനസ്സിൽ ചിന്തിക്കുന്നതാ ഇത് വല്ലതും അച്ഛനോട് നേരിട്ട് ചോദിച്ചാൽ എന്നെ തിരിച്ചു വീട്ടിൽ കൊണ്ടുപോയി ചിതയിൽ വയ്ക്കാം )

വരൂ അകത്തേയ്ക്കിരിക്കാം അദ്ദേഹം പറഞ്ഞു
ഞങ്ങൾ നാലുപേരും അകത്തേയ്ക്ക് കേറി.ഒരു ഇടത്തരം വീട് വലിയ ആഡംബരങ്ങൾ ഒന്നുമില്ല.
അവിടെ ഒരു സെറ്റിയിൽ ഞങ്ങൾ ഇരുന്നു.

അച്ഛൻ അമ്മയും അനിയത്തിയും വീട് നല്ലോണം സ്കാൻ ചെയ്യുന്നുണ്ട്.സ്ത്രീധനം എത്ര ഒപ്പിക്കാൻ പറ്റുമെന്ന നോട്ടമാണ്
ബ്ലഡി ഗ്രാമവാസീസ് സ്ത്രീ ആണ് ധനം എന്ന് ഇവർ ഇനി എപ്പോഴാണാവോ പഠിക്കുന്നത് 😒