കഴിഞ്ഞ part വായിച്ചു അഭിപ്രായം തന്ന എല്ലാവർക്കും നന്ദി.ഇനിയും നിങ്ങളുടെ support പ്രതീക്ഷിക്കുന്നു

ഈ കഥയ്ക്ക് ജീവിച്ചിരിക്കുന്നവരുമായും മരിച്ചവരുമായും യാതൊരു ബന്ധവും ഇല്ല.അങ്ങനെ എന്തെങ്കിലും തോന്നുന്നുണ്ടെങ്കിൽ യാദൃശ്ചികം മാത്രം.
നിയമവിരുദ്ധ പ്രവർത്തനങ്ങൾക്ക് ഞാനും കുട്ടേട്ടനും ഈ site ഉം എല്ലായ്പോഴും എതിരാണ്.

കഴിഞ്ഞ part വായിക്കാത്തവർ അത് വായിച്ചിട്ട് ഇത് വായിക്കുക

അങ്ങനെ ഡൽഹിയിൽ വന്ന ആവശ്യം കഴിഞ്ഞു ഇനി മുത്തശ്ശന് വാക്ക് കൊടുത്തത് പോലെ നാട്ടിൽ ഉത്സവത്തിന്

ഇനിയുള്ള വിശേഷങ്ങൾ ശിവപുരത്താണ്
നമുക്ക് അവിടെ വച്ചു പിന്നെയും കാണാം

കഥ തുടരുന്നു…

രുദ്ര (Story of a Queen)

രുദ്ര 2

Rudhra Part 2 | Author : Ravanasuran [Rahul]

[ Previous Part ]

ശിവപുരം
————-

ദൈവത്തിന്റെ സ്വന്തം നാട്ടിൽ ഒരു കുഞ്ഞു ഗ്രാമം അതാണ് ശിവപുരം.ജാതിമത വ്യത്യാസമില്ലാതെ ജനങ്ങൾ ഒത്തൊരുമയോടെ കഴിയുന്ന ഇവിടം നെൽപ്പാടവും,കാവും, ശിവക്ഷേത്രവും അതിനോട് ചേർന്നു തന്നെ അമ്പലകുളവും,പള്ളിയും, മസ്‌ജിതും, സ്കൂളും,ആൽത്തറയും അവിടെ എന്നും വൈകുന്നേരങ്ങളിൽ പ്രായഭേദ്യമന്യേ കൂടാറുള്ള ഗ്രാമവാസികളും അടങ്ങിയതാണ് ശിവപുരം.ഞാൻ ചെറുതായൊന്ന് പരിചയപ്പെടിത്തിയെന്നേ ഉള്ളു ബാക്കി നേരിൽകാണാൻ പോകുവല്ലേ.

ഉപ്പൂപ്പ ഒരു സ്പെഷ്യൽ കട്ടൻ പിന്നെ ഈ കുരങ്ങന് ഒരു ഗ്ലാസ്‌ ബൂസ്റ്റ്‌ രണ്ടും ശടേന്ന് പോരട്ടെ.

ഹാ ഇതാര് രുദ്ര മോളോ ഇജ്ജ് എന്താ ഇത്ര പെട്ടന്ന് തിരിച്ചു വന്നത് സാധാരണ ചേച്ചിയും അനിയനും പോയാൽ തിരിച്ചു വരാൻ ഒരുമാസം ഒക്കെ ആകുമല്ലോ? ഇതിപ്പോ ഒരാഴ്ച കഴിഞ്ഞതല്ലേ ഉള്ളു?ഉപ്പൂപ്പ ചോദിച്ചു

ടാ കുഞ്ഞി ശിവൻ ഇവർക്ക് ഇരിക്കപ്പൊറുതി കൊടുത്ത് കാണില്ല.മോളെ രുദ്ര യാത്ര ഒക്കെ എങ്ങനെ ഉണ്ടായിരുന്നു.നിങ്ങടെ മയിൽ വാഹനം എവിടെ കാണാനില്ലല്ലോ?നായർ മുത്തശ്ശൻ ചോദിച്ചു

(ഇവിടെ കണ്ട രണ്ടുപേർ ഒന്ന് കുഞ്ഞിക്കാദർ. എല്ലാ ഗ്രാമങ്ങളിലും ഒരു ചായക്കട കാണില്ലേ ഇവിടെ അത് കുഞ്ഞിക്കാദർ എന്ന ഞങ്ങളുടെ ഉപ്പൂപ്പയുടെത് ആണ്.രണ്ടാമത്തെ ആള് മാധവൻ നായർ ഞങ്ങളുടെ നായർമുത്തശ്ശൻ പുള്ളി ഇവിടെ പഞ്ചായത്ത്‌ പ്രസിഡന്റ് ആണ്.രണ്ടുപേരും മുത്തശ്ശന്റെ ചങ്കുകളാണ് കുഞ്ഞുനാള് മുതലേ മൂന്നുപേരും കൂട്ടുകാരാണ്)