MOONLIGHT VI

മാലാഖയുടെ കാമുകൻ

Moonlight

നീ ഓക്കേ ആണോ മീനാക്ഷി..?”

ജൂഹി മീനാക്ഷിയുടെ കൈ പിടിച്ച് അത് ചോദിച്ചു. മീനാക്ഷി ആകെ ക്ഷീണിച്ചത് പോലെ അവർക്ക് തോന്നി.. അത് ശരിയും ആയിരുന്നു..

പെട്ടെന്ന് ഉണ്ടായ ആക്രമണം അവരെ രണ്ടുപേരെയും തളർത്തിയിരുന്നു.. ജൂഹി അവളുടെ കണ്ണിലേക്ക് നോക്കി..

“ആആആ..”

പെട്ടെന്ന് ജൂഹി കൈ വലിച്ചു..കൈ പൊള്ളിയത് പോലെ തോന്നി അവൾക്ക്.. അത്രക്കും ഒരു ചൂട് മീനാക്ഷിയിൽ നിന്നും അവളുടെ ദേഹത്തേക്ക് കയറി..

“ഞാൻ ഓക്കേ ആണ് ജൂഹി..”

മീനു ഒന്ന് പുഞ്ചിരിച്ചു..

ജൂഹിക്ക് എന്തോ പോലെ തോന്നി.. സാധരണയിൽ നിന്നും എന്തോ ഒരു പ്രേത്യേകത പോലെ.. അവളുടെ കൈ തൊട്ടപ്പോൾ എന്തോ ഒരു ശക്തി ഉള്ളിലേക്ക് കയറിയത് പോലെ..

ഇരുട്ടിൽ കൂടെയും ദൂരെ നിന്നും എന്തോ ഒന്ന് അവർക്ക് പാഞ്ഞു വരുന്നത് അവൾ കണ്ടു. അവൾ സൂക്ഷിച്ചു നോക്കി..

മീനാക്ഷിയുടെ കഴുത്തിന് നേരെ വെട്ടി തിളങ്ങി വരുന്ന ഒരു അസ്ത്രം അവൾ ആ ഇരുട്ടിലും കണ്ടു.. മീനാക്ഷിയും അത് മനസ്സിലാക്കി അതിന് നേരെ വെട്ടി തിരിഞ്ഞു.

“നോ..”

അതിനും മുൻപേ ജൂഹി ഒരു സ്വപ്നത്തിൽ എന്നവണ്ണം കൈ നീട്ടി.. അത് തടയാൻ വേണ്ടി എന്നത് പോലെ കൈ വിരലുകൾ നിവർത്തി മുൻപിലേക്ക് പിടിച്ചു..

“വുസ്ഷ്.!”

മീനാക്ഷിയുടെ തല തകർക്കാൻ വന്ന അസ്ത്രം ജൂഹിയുടെ കൈപ്പത്തിക്ക് മുൻപിൽ അനുസരണയോടെ പിടിച്ചു കെട്ടിയത് പോലെ നിന്നു..

“വാട്ട്‌..?”

എല്ലാവരും ഒന്ന് പകച്ചു.. പകച്ചു എന്നല്ല ഞെട്ടി പോയി.. ജൂഹി മറ്റേതോ ലോകത്ത് ആണെന്ന് അവർക്ക് തോന്നി..

പക്ഷെ ആ നിമിഷം അവർ തിരിച്ചറിഞ്ഞു.. ജൂഹി ഒരു മനുഷ്യ സ്ത്രീ അല്ല. അവൾ ഒരു എൽഫ് ആണ്. മായ ജാലങ്ങൾ കൊണ്ട് മാരീചിക തീർക്കുന്ന ഒരു എൽഫ്..

അത് കണ്ട മീനാക്ഷിയും ഞെട്ടിയിരുന്നു.. അവൾക്ക് നേരെ വന്ന അസ്ത്രം അവൾക്ക് മുൻപേ ജൂഹി തടുത്തിരിക്കുന്നു..

അസ്ത്രം അയച്ചയാൾ ഒന്ന് പകച്ചു..

“നോ നോ നോ..”

അയാൾ വേഗം അടുത്ത അസ്ത്രം വില്ലിൽ കോരുത്ത ശേഷം സർവ്വ ശക്തിയും എടുത്ത് വീണ്ടും അയക്കാൻ ശ്രമിച്ചു.. പക്ഷെ അതിനും മുൻപേ തനിക്ക് നേരെ എന്തോ വരുന്നത് അയാൾ കണ്ടു..