MOONLIGHT VI (മാലാഖയുടെ കാമുകൻ) 816

ട്രിനിറ്റി എല്ലാവരോടും ചോദിച്ചു.

“അതെ..”

അവർ ഒരുമിച്ചാണ് മറുപടി കൊടുത്തത്..

“ഞങ്ങൾക്ക് മൂൺലൈറ്റ് എവിടെ ഉണ്ടെന്ന് അറിയണം.. അതാണ് ഞങ്ങളുടെ തീരുമാനം..”

മീനാക്ഷി എഴുന്നേറ്റ് നിന്ന് അത് പറഞ്ഞപ്പോൾ അവൾ ചിരിച്ചു..

“മീനാക്ഷിക്ക് എതിരിടാൻ ആകുമോ അവരെ ഒക്കെ..? ഇന്ന് തന്നെ നീ വല്ലാതെ പതറി..”

അത് കേട്ടപ്പോൾ മീനാക്ഷി അവളുടെ വലത്തേ കൈ ഉയർത്തി കാണിച്ചു..

“ഈ ബന്ധനം ഒന്ന് അഴിച്ചു മാറ്റിയാൽ ഞാൻ എന്ത് ആയി മാറും എന്ന് നിനക്ക് അറിയില്ലേ..?”

മീനാക്ഷി അവളുടെ കയ്യിലെ വള കാണിച്ചു.. അത് കേട്ട് അവൾ ഒന്ന് പുഞ്ചിരിച്ചു..

“അപ്പോൾ നിങ്ങൾ പുറകിലേക്ക് ഇല്ല അല്ലെ..? ഒന്നുകൂടെ ചോദിക്കുന്നു.. നിങ്ങൾ പഴയ ജീവിതത്തിലേക്ക് പോകുന്നോ അതോ എൽവിഷ് ലോകത്തിന്റെ രക്ഷക്ക് പുറകെയോ..?”

“എൽവിഷ് ലോകത്തിന്റെ രക്ഷക്ക് പിറകിൽ തന്നെ.. അതിൽ ഒരു മാറ്റവും ഇല്ല..”

മീനാക്ഷി ഉറപ്പിച്ചു പറഞ്ഞപ്പോൾ അവൾ ഒന്ന് പുഞ്ചിരിച്ചു.. അതിന് ശേഷം ഒരു കുറിപ്പിൽ എന്തോ എഴുതി അത് മടക്കി മീനാക്ഷിക്ക് കൊടുത്ത ശേഷം തിരിഞ്ഞു നടന്ന് പുറകിലെ വാതിൽ വഴി പുറത്തേക്ക് പോയി.

“എവിടെയാണ്..?”

ട്രിനിറ്റി മീനാക്ഷിയെ നോക്കി ചോദിച്ചു.. അവൾ ആ കുറിപ്പ് തുറന്ന് നോക്കിയപ്പോൾ അവൾ ഒന്ന് ഞെട്ടിയത് എല്ലാവരും കണ്ടു.. അവൾ അത് ഒരു ദീർഘ നിശ്വാസത്തോടെ അവർക്ക് നേരെ കാണിച്ചു.

അത് വായിച്ച ട്രിനിറ്റി ഒന്ന് ഞെട്ടി.. ബാക്കി ഉള്ളവർക്ക് സംശയവും വന്നു…

“എൽവേടർ..”

അതായിരുന്നു ആ അതിൽ എഴുതിയ സ്ഥലത്തിന്റെ പേര്.. മീനാക്ഷിയുടെയും ട്രിനിറ്റിയുടെയും മുഖം മാറിയത് അവർ ശ്രദ്ധിച്ചു..

•••