666 മത്തെ ചെകുത്താൻ -1 [ജൂതൻ] 139

എന്നാൽ ചെറു ചിരിയോടെ ഡാനിയേൽ പറഞ്ഞു തുടങ്ങി

“”ഇതൊരു ഗാങ് വാർ അല്ല…ആരും ക്വട്ടേഷൻ കൊടുത്തു ചെയ്യിച്ചതുമല്ല… ഇതിന് മുൻപ് ആക്രമിക്കപ്പെട്ടവരുടെ ടീമും ഇപ്പൊ ആക്രമിക്കപ്പെട്ടവരുടെ ടീമും അങ്ങനൊരു ആക്രമണം നടത്താൻ പ്ലാനും ചെയ്തിരുന്നില്ല…””

“”പിന്നെ ആരാണ്… ആർക്കാണ് ഈ ചാവാലി പട്ടികളോട് ഇത്രയും വൈരാഗ്യം… താൻ കണ്ടതല്ലേ യാദവ്.. കീറി മുറിച്ചു ഇറച്ചി മാർക്കറ്റ് പോലെ ആക്കിയിട്ട് പോയത്..””

ബെന്നി യാദവിനോദ് പറഞ്ഞു… അയാളും അന്നത്തെ ആ ക്ലബ്ബിന്റെ അവസ്ഥ ഒരു നിമിഷം ഓർത്തു പോയി

“”ആർക്കാണ് എന്ന് അറിയില്ല സർ.. പക്ഷെ രണ്ടു ആക്രമണം ചെയ്തതും ഒരാൾ ആണ്… ഒരേ ഒരാൾ…””

“”ആര്…?

“”അത് കണ്ടു പിടിക്കേണ്ടിയിരിക്കുന്നു സർ..””

“”അപ്പൊ ഈ പെൻഡ്രൈവിൽ…?

“”നമ്മൾ തേടുന്നവൻ… ഒരിടത്തും പോലും തെളിവുകൾ അവശേഷിപ്പിക്കാതെ ഗോവയുടെ ശാപങ്ങൾ ആയ രണ്ടു ഗാങ്ങുകളെ നാമാവശേഷം ആക്കിയവൻ ഒറ്റ ഒരാൾ മാത്രം ആണ്..””

ഡാനിയേൽ പറഞ്ഞു

“”It’s impossible ഡാനിയേൽ… അത്രയും പേരെ ഒരാൾ നിഷ്കരുണം കൊന്ന് തള്ളുക എന്ന് പറഞ്ഞാൽ…എന്താണ് ഇതിനൊക്കെ അർഥം…ഇതെല്ലാം വല്ല സിനിമായോ കഥയോ ആണോ…””

യാദവ് വിശ്വസിക്കാനാവാതെ പറഞ്ഞു

“”സിനിമയും കഥയുമൊന്നുമല്ല സർ… സത്യം ആണ്.. പകൽ പോലെ സത്യം.. അതിനെ സാദൂകരിക്കുന്ന ഒരു ക്ലിപ്പ് ആണ് ആ പെൻഡ്രൈവിൽ…””

പെട്ടെന്ന് തന്നെ അയാൾ പെൻഡ്രൈവ് എടുത്തു തന്റെ കമ്പ്യൂട്ടറിൽ കണക്റ്റ് ചെയ്തു

നിമിഷങ്ങൾ കൊണ്ട് അതിൽ ഒരു important എന്ന് ഫീഡ് ചെയ്ത ഒരു ഫയൽ പ്രത്യക്ഷമായി…. അയാൾ അത് ഓപ്പൺ ചെയ്തു

അകത്തു ഒരു video ഫയൽ ആയിരുന്നു

ഡാനിയേൽ നോക്കി നിൽക്കേ ബെന്നിയും യാദവും കൂടെ അത് പ്ലേ ചെയ്തു

—സമയം 8 മണിയോട് അടുപ്പിച്ചു ബ്ലാക്ക് മൂൺ ബാറിന് പിറകു വശത്തായി ഒരു റെനോൾട്ട് കാർ വന്നു നിൽക്കുന്നു

അഞ്ചു മിനിറ്റോളം സമയത്തിന് ശേഷം കാറിന്റെ പിറകു ഡോർ തുറന്നു കറുത്ത വസ്ത്രം ധരിച്ച ഒരാൾ വെളിയിലിറങ്ങുന്നു

മഴക്കോട്ട് പോലെ തോന്നിച്ചെങ്കിലും അതൊരു ലോങ്ങ്‌ ജാക്കറ്റ് ആയിരുന്നു

അഞ്ചര-ആറ് അടി ഉയരമുള്ള ഒരു ചെറുപ്പക്കാരൻ ആയിരുന്നു അത്

പിറകിൽ ചെറിയൊരു ബാഗും തലയിൽ നിയോൺ ഗ്രീൻ കളർ തൊപ്പിയും ധരിച്ചിരുന്നു

ഇരുട്ട് ആയതു കൊണ്ടും തൊപ്പിയുടെ കളർ നിയോൺ ആയതു കൊണ്ടും ക്യാമറയിൽ തലയുടെ ഭാഗം ബ്ലർഡ് ആയിരുന്നു

മങ്ങിയ ഒരു പ്രകാശം മാത്രമേ തലയുടെ സ്ഥാനത്ത് കണ്ടുള്ളു.. അതുകൊണ്ട് തന്നെ മുഖം വ്യക്തമായില്ല

കാറിന്റെ ടിക്കി തുറന്നു മറ്റൊരു ബാഗ് കൂടെ എടുത്ത ശേഷം അയാൾ തന്നെക്കാൾ ഉയരമുള്ള ആ മതിൽ നിഷ്പ്രയാസം ചാടി കടന്നു ബാറിനുള്ളിലേക്ക് പോയി—-

ഇത്രയും ആയിരുന്നു ആ വിഡിയോയിൽ