അഗർത്ത [ THE WOLRDS ] S2 142

ഒന്ന് നോക്കി..

 

“ കാര്യങ്ങൾ ഇങ്ങനെ ആണേൽ എല്ലയെ കൂടെ വിളിക്കേണ്ടി വരും ചിലപ്പോ ബാക്കി ഉള്ളവരെയും ഇവനെ മാത്രമല്ല ഇങ്ങോട്ട് വന്ന എല്ലാത്തിനെയും നമുക്ക് പിടിക്കേണ്ടി വരും…”

 

അവരെ നോക്കി അവൻ പറഞ്ഞു…ആ സമയം അവർക്ക് വല്ലാത്തൊരു ധൈര്യം നിറയുന്ന ഒരു ഫീൽ ആയിരുന്നു.. രണ്ട് പേരുടെയും മുഖത്ത് ഒരു ചിരി വിരിഞ്ഞു….

 

****

 

രാത്രി പതിനൊന്നു മണി

 

 

ഊട്ടി റോഡിലെ കാട് നിറഞ്ഞ ആളൊഴിഞ്ഞ പ്രദേശം…

 

കാറിയിൽ ഊട്ടിയിൽ നിന്ന് വരികയായിരുന്നു രണ്ട് പേര് പുതുതായി കല്യാണം കഴിഞ്ഞ അവർ കുറച്ചു ദിവസത്തെ ഊട്ടിയിലെ താമസം കഴിഞ്ഞ് വീട്ടിലേക്ക് പോവുകയാണ്..

 

ചിരിച്ചും കളിച്ചും ആസ്വാധിച്ചു പോവുകയാണ്…

 

“ അഭി ഇനി എങ്ങോട്ടാ അടുത്ത ട്രിപ്പ്‌? ”

 

അവൾ കാറോടിക്കുന്ന ആളെ തോണ്ടി കൊണ്ട് ചോദിച്ചു…

 

“ ഹ്മ്മ്.. നമുക്ക് മേഘാലയ പോയാലോ അവിടെ കാണാൻ അടിപൊളി സ്ഥലങ്ങൾ ഉണ്ട് ”

 

“കാര്യമായിട്ട് ? ”

 

അവൾ സന്തോഷത്തോടെ അവനോടായി ചോദിച്ചു

 

“ Ya, നമുക്ക് പോകാം പക്ഷേ അതിന് മുൻപ് ഒരുമ്മ താടി ”

 

അവൾക്ക് നേരെ തിരിഞ്ഞു കൊണ്ട് ചോദിച്ചു.

 

“അയ്യെടാ എനിക്ക് ഇപ്പൊ തരാൻ മനസില്ല…. ”

 

അവൾ അത് പറഞ്ഞു മുന്നോട്ട് നോക്കിയതും ഒരു ആൾ രൂപം കാറിന് മുൻപിൽ കണ്ടതും “അഭി ഒരാൾ ” എന്ന് അലറി അവൻ അത് കേട്ട് മുൻപോട്ട് നോക്കിയതും ഒരു രൂപത്തെ കണ്ട് പെട്ടന്ന് കാർ ഇടത്തോട്ട് ഒടിച്ചു..

 

കാറൊന്ന് കറങ്ങി ശക്തമായി ബ്രേക്കിട്ട് നിന്നു…

 

രണ്ട് പേരും ശക്തമായി ശ്വാസമെടുക്കുന്നുണ്ടായിരുന്നു.. കാറിൽ നിന്ന് ഇറങ്ങിയ അവർ ആ പുറകിലേക്ക് നോക്കി പക്ഷേ അവിടെ ഒരു രൂപവും ഉണ്ടായിരുന്നില്ല…

 

പക്ഷെ അവർക്ക് ഉറപ്പായിരുന്നു ആരോ അവിടെ ഉണ്ടായിരുന്നു എന്ന്..

 

നല്ല നിലാവ് ഉണ്ടായിരുന്നു.. എന്നിട്ടും പുക പോലെ ചുറ്റും നിറഞ്ഞു നിക്കുന്ന മഞ്ഞിൽ വ്യക്തമായി അവർക്ക് ഒന്നും കാണാൻ കഴിഞ്ഞില്ല…

 

ഇടക്ക് കേൾക്കുന്ന ഇലകൾ അനങ്ങുന്ന ശബ്ദം കേട്ട് അവൾക്ക് ആകെ പേടി