മീനാക്ഷി കല്യാണം 5 [നരഭോജി] 545

ഓരോ ദിവസവും അവളെ മറക്കണമെന്നു കരുതിയാണ് ഉറക്കമെഴുന്നേൽക്കുന്നത്. അവൾ കൂടുതൽ കൂടുതൽ ആഴത്തിൽ പതിയാതെ, ഒരു ദിവസവും അവസാനിക്കുന്നുമില്ല എന്നതാണ് വാസ്തവം. എന്നിൽ നിന്നും അടർത്തിയെടുക്കാൻ കഴിയാതെ ഭാഗധേയം (destiny) തുടർന്നു കൊണ്ടേയിരിക്കുന്നു. തടുക്കാൻ കഴിയാത്ത ഈ പ്രഹേളിയിൽ ഞാനുഴറി.

സത്യം പറയാമല്ലോ, ഇന്നലെ മുതൽ വടിവെത്ത ആ ശരീരത്തോടും മോഹം തുടങ്ങിയിരിക്കുന്നു. കാമ, പ്രേമ, ലേഭങ്ങൾക്കിടയിൽ ഗതികിട്ടാത്തൊരു ആത്മാവായി ഞാനലഞ്ഞു. 

 

കുനുമ്മേൽ കുരു എന്നോണം, സാധാരണയിൽ  വിപരീതമായി അവളിന്ന് ഉച്ചക്കു ശേഷം ക്ലാസ്സും കട്ട് ചെയ്ത് ഇൻ്റർവ്യൂ കാണാൻ വന്നിരിക്കുന്നു. അന്നു ദിൽബറിൻ്റെ ഇൻ്റെർവ്യൂ ആയിരുന്നു പറഞ്ഞു വച്ചിരുന്നത്. കൊച്ചിന് സുഖമില്ലാത്തതു കൊണ്ട് അവനിന്നു എത്തിപ്പെടാൻ കഴിഞ്ഞില്ല. വിളിച്ച് മറ്റൊരു ദിവസത്തേക്കു മാറ്റി, അപ്പോഴാണ് അവളുടെ വരവ്. ദിൽബൻ ആയിരുണെങ്കിൽ അവൾക്ക് കാണാൻ രസം തോന്നിയേനെ.  

 

അപ്പോഴാണ് പ്രെഡക്ഷൻ കണ്‌ട്രോളർ  മണിവണ്ണൻ ഓടിവന്ന് പറയുന്നത്, തൃഗരാജൻ സാർ എപ്പോൾ വേണമെങ്കിലും തയ്യാറാണെന്ന് പറഞ്ഞിരുന്നു. ഇവിടെ നിന്ന് ഒന്നര കിലോമീറ്റർ ദൂരമേ ഉള്ളൂ അങ്ങോട്ടെക്കെന്ന്. എനിക്കത് രസമായി തോന്നിയില്ല. ആദ്യമായി മീനാക്ഷി ഞാൻ അഭിമുഖം എടുക്കുന്ന കാണാൻ വന്ന ദിവസം ഒരു കിളവനെ കിട്ടിയതിൽ എനിക്കൊരു ഈർഷ്യ തോന്നി. ഞാൻ മുഖം ചുളിച്ച് വേണ്ട എന്നു പറയാൻ പോകുമ്പോൾ ആണ് മീനക്ഷിയുടെ മുഖം ശ്രദ്ധിച്ചത്. അവൾ ആകംക്ഷയോടെ ഇരിപ്പാണ്.

 

“ ഉണ്ണിയേട്ടാ.., നടരാജനിലും, വെള്ളിവർണ്ണത്തേരിലും, പത്മദളത്തിലും എല്ലാം അഭിനയിച്ചിട്ടുള്ള ആ ത്യാഗരാജനാണോ ?” അവള് വളരെ സന്തോഷത്തിൽ ആണ് അത് ചോദിച്ചത്.

 

ഇതിൽ ഇത്ര അത്ഭുതപ്പെടാൻ എന്തിരിക്കുന്നു എന്നെനിക്ക് തോന്നി.

 

“ ആ അയാള് തന്നെ, മക്കള് നിർബന്ധിച്ചപ്പോൾ ഞാൻ ഒരു ദിവസംചെയ്യാം എന്ന് പറഞ്ഞിരുന്നു. പക്ഷെ അത് കാണാൻ അത്രരസം ഉണ്ടായിരിക്കുമെന്നു എനിക്ക് തോന്നുന്നില്ല. വയസ്സായ ആളുകളെല്ലെ, അവരൊക്കെ ഒത്തിരി സീരിയസ്സ് ആയിരിക്കും. ചിലപ്പോൾ നല്ലബോറും ആയിരിക്കും. നാളെയോ, മറ്റന്നാളോ ദിൽബറ് വരും നമുക്ക് അത് കാണാം. അവൻ നല്ല കമ്പനി ആണ്. ഇത് ഞാൻ മറ്റേതെങ്കിലും ദിവസം ചെയ്തേക്കാം.”

 

“ ഉണ്ണിയേട്ടൻ എന്നാ അന്ന് എന്നെയും കൊണ്ടു പോകുമോ, അദ്ദേഹത്തെ കാണാൻ. എനിക്ക് നല്ല ആഗ്രഹം ണ്‌ണ്ടായിരുന്നു. ഭയങ്കര ഇഷ്ടാ ചെറുപ്പം മുതലേ അദ്ദേഹത്തിൻ്റെ അഭിനയം. എല്ലാ പടങ്ങളും ഞാൻ ഒരുപാടു വട്ടം കണ്ടിട്ടുണ്ട്. ദിൽബറിനെ ഒന്നും എനിക്ക് കാണണ്ട, എന്നെ അദ്ദേഹത്തെ കാണാൻ പോകുമ്പോ കൊണ്ട് പോകോ….?”

 

മീനാക്ഷിക്കു ദിൽബറിനേക്കാൾ പ്രിയം, പഴയ നടൻ ത്യാഗരാജന്നോടാണെന്നത് എനിക് അതിശയോക്തി കലർന്ന പുതിയൊരറിവായിരുന്നു.

 

“എല്ലാം തയ്യാറാണ്, ഇന്ന് വേണമെങ്കിൽ ഇന്ന് ചെയ്തേക്കാം. ഞാൻ നിനക്കത് ബോറായാലോന്ന് വിചാരിച്ചാണ് വേണ്ടന്ന് വച്ചത്.”

 

“ അയ്യോ….. എൻ്റെ ഭാഗ്യത്തിനാണ് ഈ സമയത്ത് എനിക്ക് വരാൻ തോന്നിയത്. നമ്മുക്ക് ഇന്ന് തന്നെ പോകാം ഉണ്ണിയേട്ടാ, എന്നെയും കൊണ്ട് പോകോ….” 

 

“ ഏയ്, ഇല്ല്യാ, പറ്റില്ല്യാ…..”

 

“ എന്താ ഉണ്ണിയേട്ട….. എനിക്ക് അത്ര ഇഷ്ടം ഇള്ളോണ്ടല്ലെ, ഞാൻ വേറെ വല്ല ആഗ്രഹോം പറയാറിണ്ടോ? ” അവൾ ഒരു കൗമാരക്കാരി കാമുകിയെപ്പോലെ നിന്നു ചിണുങ്ങി.

 

“ എടീ മണ്ടി, നീ കാരണം മാത്രമാണ് ഇന്നു ഇപ്പോൾ  തന്നെ ഈ ഇൻ്റർവ്യൂ എടുക്കണത് തന്നെ പിന്നെ നിന്നെ കൊണ്ട് പോകാതിരിക്കോ ? ഇത് നല്ല കൂത്ത്”

 

ആ മുഖത്ത് ഹൈ വോൾട്ടേജിൽ ഒരു ചിരിവന്നു.

 

“ എനിക്ക് അറിയാ, ഉണ്ണിയേട്ടന്ന് എന്നെ നല്ല ഇഷ്‌ടാന്ന് ”

 

“പോടിയവടന്ന് എനിക്ക് അങ്ങനൊന്നും ഇല്ല്യ, മാത്രമല്ല എനിക്കിത്തിരി ചന്തം കുറവുള്ള പെൺകുട്ട്യോളനെയാ ഇഷ്ടം, അവർക്കിത്തിരി സ്നേഹോം, കാര്യപ്രാപ്തീം ഒക്കെ കൂടുതലായിരിക്കും. ഇതൊരുമാതിരി ഐശ്വര്യാരായിടെ ശരീരോം, മാമാട്ടികൂട്ടിയമ്മേടെ കാര്യപ്രാപ്തീം, ആവ്… എനിക്കൊന്നും വേണ്ട ഇതിനെ” ഞാൻ വെറുതെ അവളെ ഒന്ന് ചൂടാക്കാൻ പറഞ്ഞു.

 

അത് പക്ഷെ ശരിക്ക് ഏറ്റു. അവളുടെ ചുണ്ടുകൾ മുന്നിലേക്ക് കൊറുവിച്ച് വന്നു, നുണക്കുഴികൾ എനിക്കിപ്പോൾ തെളിഞ്ഞ് കാണാം,  മിഴികളിൽ പരിഭവം വന്ന്നിറഞ്ഞു, അവളുടെ  മുഖമഴക്ക് പതിൻമടങ്ങ് ഇരട്ടിച്ചു.

 

“ എന്നെ ആരുക്കും ഇഷ്ടല്ല (അവളുടെ മിഴികൾ കൂടുതൽ നിറഞ്ഞ് വന്നു) ഉണ്ണിയേട്ടനും കൂടി അങ്ങനെയാണെങ്കി ഞാഞ്ചത്ത് കളയും. സത്യായിട്ടും  ചത്ത്കളയും. ” അവളു തകർന്ന ശബ്ദത്തിൽ പറഞ്ഞു. 

 

ഞാൻ പെട്ടന്ന് അവളെ ചേർത്തു പിടിച്ചു. അങ്ങനൊരു പ്രതികരണം ഞാൻ പ്രതീക്ഷിച്ചിരുന്നില്ല.

 

“അയ്യേ എന്തായിത്, ഇത്രയ്ക്കോള്ളോ ഈ സുന്ദരിക്കുട്ടി. എത്രപേര് കാത്ത് നിക്കുന്ന് അറിയോ, ൻ്റെ മീനക്ഷീനെ ഒരു നോക്ക് കാണാൻ മാത്രം, അപ്പോഴാണ്” ഞാൻ പറഞ്ഞത് വാസ്തവം മാത്രമായിരുന്നു. ഞാൻ കാണുന്നതല്ലെ, എന്നും അവളുടെ മിഴിപ്രസാദത്തിനു മാത്രമായി, ഇക്കണ്ട വഴികളിലെല്ലാം ആരാധകവൃന്ദം കാത്തു നിൽക്കുന്നത്. അവളവരെയൊന്നും കണ്ടതായിപ്പോലും നടിക്കാറില്ല.

 

അവൾ പുറംകൈയിൽ കണ്ണു തുടച്ച് ചെരിഞ്ഞ് എന്നെ നോക്കി. 

“എന്നെ ആരും കാത്തുനിക്കണ്ട, ന്നെ ഉണ്ണിയേട്ടൻ കാത്തു നിന്നാ മതി.”

 

“ശരി ഞാ മാത്രാ കാത്ത് നിക്കണുള്ളൊ, ഇനി അതിന് ചിണുങ്ങണ്ട”

 

“എന്നാലും എനിക്കറിയാ ….”

 

“എന്തറിയാന്നാ ൻ്റെ വാര്യംമ്പിളളിലെ മീനാക്ഷിക്കുട്ടിക്ക്”

 

“ ന്നെ ഒത്തിരി ഇഷ്ടാന്ന് ”

 

“ അതെന്താ?? ”

 

“ ഇന്നലെ ന്നെ ന്തൊക്കെയാ ചെയ്തതേ, ഇഷ്ടം ഇല്ലാത്തോരെ അങ്ങനെ ഒക്കെ ആരെങ്കിലും ചെയ്യോ ദുഷ്ടാ… ”

 

“ ൻ്റെ മീനാക്ഷി ഒന്നു പതുക്കെ പറ, പറ്റിപ്പോയി, ഇഷ്ടയോണ്ടെന്ന്യാ.” അവൾ അത് കേട്ട് ഒരു വിജയിയെ പോലെ ചിരിച്ചു. “ അല്ലേ….. എന്താ വിളിച്ചേ, ദുഷ്ടാ ന്നൊ ”

 

“ അതെ ദുഷ്ടനെന്ന്യാ, ന്നെ കരയിപ്പിച്ചില്ലെ ” അവൾ കെച്ചുകുട്ടികൾ പിണങ്ങും പോലെ ചുണ്ട്കൂർപ്പിച്ചു.

 

ബാലചാപല്യങ്ങൾ വിട്ട് മാറാത്ത ആ ദേവമനോഹരിയായ കോളേജ് അധ്യാപികയെ ഞാൻ അത്ഭുതത്തോടെ നോക്കി. ഇവളെന്നും എനിക്കൊപ്പം ഉണ്ടായിരുന്നെങ്കിൽ ജീവിതം എത്ര അർത്ഥവത്തായേനെ.

 

“ വാ…., ദുഷ്ടൻ നിനക്ക് തൃഗരാജൻ സാറിനെ കാട്ടിത്തെരാം, ബാ….മേളെ ബാ…”

ഞാൻ അവളെയും അണച്ച് പിടിച്ച് നടന്നു.

 

എന്തായാലും വിവരങ്ങൾ  എവിടെയും അധികം ഇല്ലാതിരുന്നത് കൊണ്ടു നേരത്തേ തന്നെ അന്വേഷിച്ച് എല്ലാം തയ്യാറാക്കി വച്ചത് വളരെ നന്നായി. അതോണ്ടിപ്പൊ ചാടിക്കേറിപ്പോയി ഇൻ്റർവ്യൂ എടുക്കാൻ പറ്റി.

 

*************