സുശീൽ : സർ, വൺ മോർ ടോർപിടോ ഈസ്‌ കമിംഗ്…. ആൻഡ് ഓൺളി 140 സെക്കൻഡ് റ്റു ഹിറ്റ്‌….

രണ്ടു മിനിറ്റും ഇരുപത് സെക്കണ്ടും….

ഓടി MBSS 3 ആക്ടിവേറ്റ് ചെയ്തു ഫയർ ചെയ്യുമ്പോളേക്ക് കപ്പൽ അതിശക്തമായി കുലുങ്ങി കീഴ്ഭാഗം മുകളിലേക്ക് ഉയർന്നു കുത്തനെ പോലെയായി….

അരിഹാന്തിലെ പ്രെഷർ ലെവൽ അഡ്ജസ്റ്റർ എന്ന ഓട്ടോമാറ്റിക് സംവിധാനം കപ്പലിനെ പൂർവസ്ഥിതിയിലേക്ക് പതിയെ കൊണ്ടുവരുമ്പോളേക്ക് കപ്പലിലെ പകുതിയിലേറെ പേർക്ക് പരിക്കും ഏഴു മരണവും സംഭവിച്ചു കഴിഞ്ഞിരുന്നു…..

“ഹൾ നമ്പർ 3 ആൻഡ് 5 ബ്ലാസ്റ്റഡ്…. റൈസ് മാനുവലി ഇമ്മീഡിയറ്റ്ലി….”

എന്നൊരു വാണിങ് മെസ്സേജ് സ്‌ക്രീനിൽ തെളിഞ്ഞു കിടന്നു….

♥️♥️♥️♥️♥️♥️

ഓപ്പറേഷൻ ഗ്രേറ്റ് വാൾ സീസൺ  2-മിസ്റ്റീരിയസ് ഐലൻഡ്

Operation Great Wall Season 2-Mysterious Island| Author :അപ്പൂസ്

Previous Part

View post on imgur.com

പ്രഷർ മാനേജ്‌മെന്റ്നായി ആകെയുള്ള എട്ട് ഹൾ കളിലെ രണ്ടെണ്ണം ആണ് തകർന്നത്…. വേറെ എന്തൊക്കെ സംഭവിച്ചു എന്നു ഇനിയും കണ്ടെത്തേണ്ടി ഇരിക്കുന്നു…

ഏതാനും മിനിറ്റുകൾക്ക് അതുലിന്റെ മരവിച്ച തലച്ചോറിന് എന്താണ് സംഭവിച്ചത് എന്ന് മനസിലായില്ല…

പതിയെ കൺട്രോൾ റൂമിലെ നിരവധി സെൻസറുകളുടെ അപായ സൈറനുകളും പരിക്കേറ്റവരുടെ നിലവിളികളുമായി അയാൾ പൊരുത്തപ്പെട്ട് തുടങ്ങി…

പക്ഷേ എല്ലാവരുടെയും, എന്തിന് കടൽ ജീവികളുടെ വരെ ലൈഫിന് ആശ്വാസം നൽകാൻ എന്നവണ്ണം ഗിഗർ കൗണ്ടറിൽ നിന്ന് മാത്രം അപായസൂചനകൾ ഒന്നും ലഭിച്ചില്ല…

അപ്പോളും ടോർപിടോ ആക്രമണം കൊണ്ടു സബ്മറൈന്റെ മുൻഭാഗം കുത്തനെ മുകളിലേക്ക് ഉയർന്നാണ് നിൽപ്പ്… അതിനാൽ കീഴോട്ട് വീണ അതുൽ ഉരുണ്ട് നീങ്ങിയെങ്കിലും കൺട്രോൾ റൂമിന്റെ GI ഷീറ്റ് കൊണ്ടുള്ള ചുവരിൽ തടഞാണ് കിടപ്പ്…

അപ്പോളാണ് അടുത്തു നിന്നൊരു ഞെരക്കം അയാളുടെ ശ്രദ്ധയിൽ പെടുന്നത്….

കമാൻഡർ അശുതോഷ്…. വരുണോദയയുടെ കൺട്രോൾ പാനൽ തകർന്ന് വീണു അതിനടിയിൽ ശരീരത്തിന്റെ പകുതി പെട്ടുകിടപ്പാണ് അദ്ദേഹം…..

നേരെ നില്ക്കാൻ കഴിയാത്തത് കൊണ്ടു അദ്ദേഹത്തിന്റെ അടുത്തേക്ക് അതുൽ നിരങ്ങി നീങ്ങി..

“എന്നെ നോക്കണ്ട… ലുക്ക് അറ്റ് ഷിപ്പ്…”