കഥ ഇത് വരെ

മനു ഹോട്ടലിൽ പല ആഹാരസാധനങ്ങൾ ചൂണ്ടി കാണിച്ചു പാക്ക് ചെയ്യിപ്പിച്ചു.

ആതി: ഏട്ടാ… ക്ക് ആ ലോലിപ്പോപ് വേണം…

മനു: ചേട്ടാ… ആ ലോലിപ്പോപ് ഒന്നെടുത്തെ….

ആ കടക്കാരൻ ഒരു ലോലിപ്പോപ്പ് എടുത്ത് കൊടുത്തു.

അപ്പോൾ തന്നെ അത് വാങ്ങി അവൾ വായിൽ ഇട്ടു.

വീണ്ടും അവൾ എന്നെ തോണ്ടി…

മനു: മ്മ്……….

ആതി: സ്നിക്കേഴ്സ്……

മനു അവളെ നോക്കി ഒന്നു ചിരിച്ച ശേഷം

മനു: ചേട്ടാ സ്നിക്കേഴ്സ് ഒരു 10 എണ്ണം….

അതെല്ലാം വാങ്ങി അവർ അവിടുന്നു ഇറങ്ങി…

കൊറേ ചെക്കന്മാർ ആതിയെ നോക്കുന്നുണ്ട്…

മനുവിന് അൽപ്പം ദേഷ്യം വന്നെങ്കിലും മൈൻഡ് ചെയ്യാതെ അവിടുന്ന് പോയി. റോഡ് ക്രോസ്സ് ചെയ്യുമ്പോൾ ആതിയുടെ കൈ പിടിച്ചാണ് അവൻ നടന്നത്..

കാറിൽ കയറി രണ്ട് പൊതി പിന്നിലിരിക്കുന്ന അമ്മക്കും അഞ്ജുവിനും നീട്ടി. ഒരു പൊതി മാത്രം ആതി വണ്ടിയിൽ ബോക്സിൽ ഇട്ടു

അഞ്ചു: എന്താടി അത്…

ആതി: അത് ഇന്റെ സ്നിക്കേഴ്സ് ആണ്

അഞ്ചു: ഓഹ് ഇങ്ങനെ ഒരു സ്നിക്കേഴ്സ് പ്രാന്തി…

അവൾ അഞ്ജുവിനെ നോക്കി കൊഞ്ഞനം കുത്തി.

പിന്നെ വണ്ടി നേരെ രാജീവിന്റെ വീട്ടിലേക്ക് തിരിച്ചു…

തുടർന്ന് വായിക്കുക…
വീട്ടുമുറ്റത്തു വണ്ടി എത്തുമ്പോൾ ഉള്ളിൽ നിന്നും രാജീവും രൂപയും അച്ഛനും അമ്മയും എല്ലാം ഇറങ്ങി വന്നു.( രാജീവിന്റെ അച്ഛന്റെ പേര് ഗോപകുമാർ എന്നാണ്. അമ്മയുടെ പേര് ശോഭ എന്നും. ആദ്യ ഭാഗത്തിൽ അവരുടെ പേര് വെളിപ്പെടുത്തിയിരുന്നില്ല..)
രൂപ വന്ന് ആതിയുടെ കയ്യിൽ പിടിച്ച് അകത്തേയ്ക്ക് കൊണ്ടുപോയി. രാധമ്മയും കൂടെ പോയി. അഞ്ചു നേരെ രാജീവിന്റെ കയ്യിൽ തൂങ്ങി അവന്റെ പ്പവും പോയി.
അവർ പോകുന്നത് മനു നോക്കി നിന്നും. മനുവും ആതിയും എങ്ങനെയോ അത് തന്നെയാണ് രാജീവും അഞ്ജുവും…