?Guardian Ghost? Part -3 ༆ കർണൻ(rahul)༆ 343

അതികം വൈകാതെ തന്നെ കുഞ്ഞി ജനിച്ചു. അവളുടെ മുഖം ആദ്യം കണ്ടത് അവൻ തന്നെയായിരുന്നു. ഒരു പതിനാറ് വയസ്സുകാരന്റെ കയ്യിൽ ഒരു ചോരക്കുഞ്ഞിനെ കിട്ടുമ്പോൾ അവന്റെ മാനസസികാവസ്ഥ. പക്ഷെ അവൻ അവളെ അന്ന് സ്വന്തം മകളായി തന്നെയാണ് സ്വീകരിച്ചത്, സ്നേഹിച്ചത്.

അമ്മച്ചിയും അപ്പച്ചനും ജോണും എന്റെ വീട്ടുകാരും കാര്യം അറിഞ്ഞ് എത്തിയപ്പോൾ താമസസിച്ചിരുന്നു.

അവളെ ഏറ്റുവാങ്ങിയ അന്ന് മുതൽ അവൻ അവളുടെ കൊച്ചപ്പൻ എന്നതിലുപരി അപ്പൻ എന്ന സ്ഥാനം തന്നെ ഏറ്റെടുത്തിരുന്നു. അവളും വളരുന്നതിന് അനുസരിച്ച് എന്നെയും ജോണിനെയുംകാൾ അധികമായി അവനെ സ്നേഹിച്ചിരുന്നു. അവളുടെ ഏതൊരു കാര്യത്തിലും ഞങ്ങളെക്കാൾ ശ്രദ്ധ അവനായിരുന്നു അല്ല ഇപ്പോഴും അവന് തന്നെയാണ്.

ഇപ്പോൾ എനിക്ക് ഊഹിക്കാൻ കഴിയും അവന്റെ മകളെ ഉപദ്രവിച്ചവരെ ആര് വെറുതെ വിട്ടാലും അവൻ വെറുതെ വിടില്ല.

ഷെറിനെ എടി ആദം അവിടെ ബഹളം വയ്ക്കുവാണെന്ന്. ചെക്കൻ അവൾക്ക് എന്തോ പറ്റിയെന്ന് പറഞ്ഞ് വീടിനെ പൊളിച്ച് അടുക്കുന്നു എന്ന കേട്ടത്. സജിൻ ഇങ്ങോട്ട് വരുന്നുണ്ടെന്ന് ഞാൻ അവനോട് ആദത്തെയും കൂടെ കൂട്ടാൻ പറഞ്ഞിട്ടുണ്ട്.

കുറച്ചു നിമിഷങ്ങൾക്ക് മുൻപ് ICU വിന് ഉള്ളിൽ…..

ഡാ അവൾ ഇപ്പോ മരുന്നിന്റെ സെടേഷനിൽ ആണ്. കുറച്ചു കഴിയുമ്പോ എഴുന്നേൽക്കും. എയ്ഞ്ചൽ
കുഞ്ഞിയെ കാണാൻ പോകുന്ന എന്നെ തടഞ്ഞു കൊണ്ട് പറഞ്ഞു.

എന്താടി എന്റെ കൊച്ചിന് എന്തെങ്കിലും പ്രശ്നം ഉണ്ടോ? അത് ചോദിക്കുമ്പോൾ നിയന്ത്രണാതീതമായി എന്റെ ഹൃദയം മിടിക്കുന്നുണ്ടായിരുന്നു.

അവൾക്ക് ഒരു പ്രശ്നവും ഇല്ല നീ ചുമ്മ ടെൻഷൻ ആവല്ലേ. ചെറിയ മുറിവുകൾ ഉണ്ടായിരുന്നു ഇപ്പോ അതൊക്കെ ok ആയി വരുന്നു. പിന്നെ അതിലും കൂടുതൽ മുറിവ് പറ്റിയിട്ടുള്ളത് അവളുടെ മനസ്സിനാണ് അത് നിനക്ക് ശരിയാക്കാൻ പറ്റും എന്നാണ് എന്റെ വിശ്വാസം അവളുടെ കൂടെ വേണം നീ
പറയുന്നത് മനസ്സിലാകുന്നുണ്ടോ മിഖാ. എയ്ഞ്ചൽ ചോദിച്ചു.