😈Guardian Ghost😈 Part -3 ༆ കർണൻ(rahul)༆ 342

അവൾ പഴയ ഓർമ്മകളിലേക്ക് ഊളിയിട്ടു….

ജോണും ഞാനും ഒരുമിച്ചു പഠിച്ചിരുന്നതാ
BBA ക്ക് അപ്പോൾ മുതൽ ഞങ്ങൾ ഇഷ്ടത്തിൽ ആയിരുന്നു. ജോണിനു ജോലി എന്തെങ്കിലും ശരിയായിട്ട് വീട്ടിൽ പറയാം എന്നായിരുന്നു ഞങ്ങളുടെ തീരുമാനം. അങ്ങനെ ഇരിക്കെയാണ് ജോൺ MBA ക്ക് കോട്ടയത്ത്‌ ചേർന്നത്. ഞാൻ വീട്ടിൽ വഴക്ക് ഉണ്ടാക്കി അവിടെ തന്നെ MBA ക്ക് ചേർന്നു. ഏകദേശം ആറു മാസം ഒക്കെ കഴിഞ്ഞു. ഞങ്ങളുടെ പ്രണയം പടർന്നു പന്തലിച്ചു വരുമ്പോഴാണ് എന്റെ വീട്ടിൽ ഞങ്ങളുടെ കാര്യം അറിഞ്ഞത് അതോടെ വലിയ പ്രശ്നം ഒക്കെ ആയി. ജോൺ എന്നെയും ചാടിച്ച് നേരെ വീട്ടിലേക്ക് പോയി. അവിടെ ചെറിയ വഴക്കൊക്കെ ഉണ്ടായെങ്കിലും അമ്മച്ചിയും അപ്പച്ചനും എന്നെയും ജോണിനെയും സ്വീകരിച്ചു.അവർ എന്നെ മരുമകൾ ആയല്ല സ്വന്തം മകളായി തന്നെയാണ് സ്വീകരിച്ചതെന്ന് കാലം തെളിയിച്ചു.

അങ്ങനെ സ്നേഹം മാത്രം വിളങ്ങുന്ന വീട്ടിൽ നിന്ന് എനിക്ക് കിട്ടിയ നിധി അതായിരുന്നു മിഖാ. അവൻ എല്ലാവർക്കും പ്രീയപ്പെട്ടവൻ ആണ്. അതികം വൈകാതെ തന്നെ എനിക്കും.
എനിക്ക് ഒരു അനിയനെപ്പോലെ കൂട്ടുകാരനെ പോലെ അതിനെല്ലാം ഉപരി ഞാൻ പ്രസവിക്കാതെ എനിക്ക് കിട്ടിയ എന്റെ മകൻ. അന്ന് അവന് വെറും പതിനാറ് വയസ്സ് മാത്രേ ഉണ്ടായിരുന്നുള്ളു എനിക്ക് 26 ഉം 10 വയസ്സിന്റെ വ്യത്യാസം.

പക്ഷെ എന്റെ മോൻ അവനാണ് ആ വീടിന്റെ നട്ടെല്ല് എന്ന് മനസ്സിലാക്കാൻ അധികം സമയം വേണ്ടി വന്നില്ല. അവൻ ആ പതിനാറാം വയസ്സിൽ തന്നെ ലോറി ഡ്രൈവർ ആയിരുന്നു കൂപ്പിലെ തടികൾ കൊണ്ടുപോകുന്നത് അവനായിരുന്നു. ജോൺ ജോലി അന്വേഷിച്ചു തളർന്നപ്പോൾ അവൻ മുന്നോട്ട് വച്ച ആശയം ആയിരുന്നു ഒരു ലോറി വാങ്ങുക എന്നത്.

അവൻ സ്വരുക്കൂട്ടിയതും വീടിന്റെ ആധാരം പണയപ്പെടുത്തിയതും ചേർത്ത് ഒരു ലോറി വാങ്ങി. പിന്നെ കൂപ്പിലെ തടി കയറ്റുന്നത് സ്വന്തം ലോറിയിൽ ആയി അധികം വൈകാതെ തന്നെ ഒന്ന് രണ്ടായി രണ്ടെണ്ണം മൂന്ന് അങ്ങനെ ലോഡ് കയറ്റി പോകാൻ വേണ്ടി കുറയെ വണ്ടികൾ വാങ്ങി. കൂപ്പ് മുതലാളിക്ക് അത് നടത്താൻ പറ്റാത്ത അവസ്ഥ വന്നപ്പോൾ അവർ രണ്ടുപേരും ചേർന്ന് അതും വാങ്ങി. എല്ലാത്തിനും മുന്നിൽ നിന്നത് മിഖാ തന്നെയായിരുന്നു.