?Guardian Ghost? Part -3 ༆ കർണൻ(rahul)༆ 343

ഇതൊക്കെ ചുരുങ്ങിയ സമയത്തിനുള്ളിൽ തന്നെയാണ് നടന്നത്.

അവർ പടവുകൾ കയറി തുടങ്ങിയപ്പോൾ ഞങ്ങളെ തേടിയെത്തിയ ആദ്യ സന്തോഷ വാർത്ത അത് അവളായിരുന്നു കുഞ്ഞി. അതിൽ ഏറ്റവും കൂടുതൽ സന്തോഷിച്ചത് എന്റെ മോൻ തന്നെ ആയിരുന്നു. അവൻ അന്ന് അമ്മച്ചിയെ കൊണ്ട് പായസം വച്ചാണ് ആഘോഷിച്ചത്.

പിന്നെയുള്ള ഓരോ മാസവും ജോണിനേക്കാൾ കൂടുതൽ എന്നെ ശ്രദ്ധിച്ചിരുന്നതും അവൻ തന്നെയാണ്.അവന് ഞാൻ ആരായിരുന്നു എന്നത് അവന്റെ ചേച്ചിയമ്മേ എന്നുള്ള വിളിയിൽ തന്നെ വ്യക്തമായിരുന്നു.

എന്റെ കൂടെ പിറക്കാത്ത കൂടപ്പിറപ്പ്. എന്റെ വയറ്റിൽ പിറക്കാത്ത എന്റെ മകൻ. അതിനെല്ലാം ഉപരി എന്റെ നല്ലൊരു കൂട്ടുകാരൻ. എല്ലാം അവൻ തന്നെയായിരുന്നു. ജോലിക്ക് പോയിട്ട് വന്ന് ഒഴിവ് സമയം അവൻ അമ്മച്ചിയേക്കാൾ കൂടുതൽ എന്റെ കൂടെ ആണ് സമയം ചിലവഴിച്ചിരുന്നത്.

കുഞ്ഞിയെ കാരീയിങ് ആണെന്ന് എന്റെ വീട്ടിൽ അറിഞ്ഞപ്പോൾ. അവരുടെ പിണക്കവും വാശിയും ഒക്കെ മാറി. അമ്മയും(വർഗീസ്സ്) അമ്മയും(ഷെർളി) ഡെയ്സി( അനിയത്തി) വീട്ടിൽ വന്നിരുന്നു. അങ്ങനെ സന്തോഷം മാത്രം നിറഞ്ഞ കാലം.

അങ്ങനെ ഇരിക്കെ ഒരു ദിവസം അമ്മച്ചിയും അപ്പച്ചനും ഇടുക്കിയിൽ ഒരു കൂട്ടുകാരന്റെ മകളുടെ കല്യാണത്തിന് പോയിരിക്കുന്ന സമയം.ജോൺ കൂപ്പിലെ കാര്യവുമായി ബന്ധപ്പെട്ട് പാലക്കാട്‌ പോയിരിക്കുവായിരുന്നു.

ഹലോ മിഖാ…. നീ…നീ ഇതെവിടാ.

പെട്ടെന്ന് ഒന്ന് ഇങ്ങോട്ട് വാ ചേച്ചിയമ്മയ്ക്ക് വയ്യ മോനെ ഇവിടാരും ഇല്ല ഹോസ്പിറ്റലിൽ പോണം. എന്റെ ബുദ്ധിമുട്ട് മുഴുവൻ ആ വാക്കുകളിൽ ഉണ്ടായിരുന്നു.

അയ്യോ എന്തുപറ്റി? പെയിൻ തുടങ്ങിയതാണോ ചേച്ചിയമ്മേ? ഞാനിദാ വരുന്നു ഒരു രണ്ടു മിനിറ്റ്. അവൻ അതും പറഞ്ഞു ഫോൺ വച്ചു.

ഞാൻ പുറത്തേയ്ക്ക് പതിയെ എത്തിയതും അവൻ വണ്ടിയിൽ എത്തിയതും ഒരുമിച്ചായിരുന്നു. അവൻ അധികം വൈകാതെ തന്നെ എന്നെ ഹോസ്പിറ്റലിൽ എത്തിച്ചു.