?Guardian Ghost? Part -3 ༆ കർണൻ(rahul)༆ 343

അന്ന് ജോലിക്ക് ആണെന്ന് പറഞ്ഞ് ഇറങ്ങിയതാ. പിന്നെ അവൻ ചെയ്യാത്ത ജോലികൾ ഒന്നുമില്ല എന്ന് തന്നെ പറയാം. അങ്ങനെ എന്റെ കൊച്ച് ചോര നീരാക്കി അധ്വാനിച്ചാ തോട്ടത്തിൽ തറവാട് എന്ന് പേര് മാത്രം ഉണ്ടായിരുന്ന ആ വീടിനെ ഇന്ന് കാണുന്ന അത്ര നിലയും വിലയും ഉണ്ടാക്കി എടുത്തത്.

അമ്മച്ചി അതും ആലോചിച്ച് ചുമരിൽ തല ചായ്ച്ച് കസേരയിൽ ഇരിക്കുമ്പോഴാണ് ICU വിൽ നിന്ന് എയ്ഞ്ചൽ ഇറങ്ങി വന്നത്.

മോളെ എയ്ഞ്ചലേ എന്റെ കൊച്ചിന് ഇപ്പോ എങ്ങനെ ഉണ്ട്. അവളെ കണ്ടതും അപ്പച്ചൻ ചോദിച്ചു.

ഇങ്ങനെ ICU വിൽ കിടത്തിയിരിക്കുന്നത് കൊണ്ട് പേടിക്കുവോന്നും വേണ്ട അപ്പച്ച.
അവൾക്ക് പ്രശ്നം ഒന്നുല്ല പിന്നെ കുറച്ചു care കൂടുതൽ കിട്ടാനാ ഇപ്പോഴും ICU ൽ കിടത്തിയേക്കുന്നത്. ശാരീരികമായി ഉള്ളതിനേക്കാൾ മനസ്സിനാ മുറിവ് ഏറ്റിട്ടുള്ളത് അതിനു ഞങ്ങൾക്ക് മരുന്ന് കൊടുക്കാൻ പറ്റില്ലല്ലോ. പക്ഷെ അതിനു അവൾക്കുള്ള മരുന്ന് ഇപ്പോ അവളോടൊപ്പം തന്നെ ഉണ്ട്.
പിന്നെ അവൾ ഇപ്പോ മരുന്നിന്റെ സെടേഷനിൽ ആണ് അത് കഴിഞ്ഞ് എഴുന്നേറ്റാൽ റൂമിലേക്ക് മാറ്റാം വേണമെങ്കിൽ വീട്ടിലും കൊണ്ട് പോകാം. അതൊക്കെ നമുക്ക് അവന്റെ തീരുമാനത്തിന് വിടാം. എയ്ഞ്ചൽ അവരെ ആശ്വാസിപ്പിച്ചുകൊണ്ട് പറഞ്ഞു.

അവർക്ക് ആർക്കും അതിനു മറുപടി ഒന്നും ഇല്ലായിരുന്നു. അവൻ അവളോടൊപ്പം ഉള്ളത് തന്നെ അവർക്ക് വലിയൊരു ആശ്വാസം ആയിരുന്നു.

എയ്ഞ്ചൽ പോയതും ഷെറിൻ ജോണച്ചായന്റെ കയ്യിൽ പിടിച്ചു തോളിൽ തല ചായ്ച്ച് ഇരുന്നു. അവളുടെ മനസ്സിൽ എയ്ഞ്ചൽ പറഞ്ഞ വാക്കുകൾ തന്നെ ആയിരുന്നു. അവൻ തോട്ടത്തിൽ തറവാടിന്റെ നട്ടെല്ല് അത് തന്നെയാണ് മിഖായേൽ.