?Guardian Ghost? Part -3 ༆ കർണൻ(rahul)༆ 343

ഇച്ചായൻ ഇനി ഒന്നും ഓർത്തു വിഷമിക്കണ്ട. ഇനി എന്റെ മോൻ  നോക്കിക്കോളും, മിഖാ അവനെക്കൊണ്ട് മാത്രമേ നമുക്ക് ആ പഴയ കുഞ്ഞിയെ തിരികെ തരാൻ പറ്റു. ഷെറിൻ അത് പറയുമ്പോഴും അവളുടെ തൊണ്ട ഇടറിയിരുന്നു. അവളുടെ മനസ്സിൽ അപ്പോ അവന്റെ മുഖമായിരുന്നു അന്ന് സ്വന്തം അനിയത്തിക്ക് വേണ്ടി, അവളെ വിശ്വസിച്ച് അമ്മയുടെ സ്ഥാനം തന്നിരുന്ന, താനൊരു മകനെപ്പോലെ കണ്ടിരുന്ന അവന് നേരെ വിരൽ ചൂണ്ടിയപ്പോൾ നിസ്സഹായതയോടെ അതിലേറെ ഹൃദയം പൊട്ടുന്ന വേദനയോടെ തന്നെ നോക്കുന്ന ആ പഴയ മിഖാ യുടെ മുഖം.

എന്റെ പേടി അതൊന്നുമല്ല പഴയ മിഖായേലിനെ നമുക്ക് അറിയാം അവൻ എന്തൊക്കെ ചെയ്യും ഏതുവരെ പോകും എന്നൊക്കെ നമുക്ക് അറിയാം. പക്ഷെ ഇപ്പോൾ അവൻ മുറിവുകൾ ഏറ്റുവാങ്ങി എല്ലാവരാലും വെറുക്കപ്പെട്ട് ഒറ്റപ്പെട്ട് വേദനകൾ മാത്രം സഹിച്ചു ജന്മം കൊണ്ട ഗോസ്റ്റ് ആണ്. അവന്റെ ചെയ്തികൾ ചിന്തകൾ അത് എന്താകും എന്ന് നമുക്ക് ചിന്തിച്ചു പോലും നോക്കാൻ കഴിയില്ല.
ജോണച്ചായൻ ആകുലതയോടെ അതിലേറെ ഭയത്തോടെ പറഞ്ഞു.

ഇച്ചായന് എന്താ സംശയം എന്റെ മോൻ അവൻ നമ്മുടെ കുഞ്ഞിയെ ദ്രോഹിച്ച ആരെയും വെറുതെ വിടില്ല ഓരോന്ന് ഓരോന്ന് ആയി കണക്കുകൾ തീർക്കും.
അതുപോലെ തന്നെ അവൾക്ക് ആപത്ത് വരുന്ന ഒന്നും അവൻ ചെയ്യുകയും ഇല്ല. കാരണം അവന് എന്തൊക്കെ മാറ്റം വന്നാലും അവൾക്ക് അവളുടെ മുന്നിൽ അവൻ ഇപ്പോഴും അവളുടെ കൊച്ചൻ തന്നെയാണ്. ഷെറിൻ ഉറച്ച ശബ്ദത്തിൽ പറഞ്ഞു.
ആ വാക്കുകളിൽ മകളെ ദ്രോഹിച്ചവരെ ഇല്ലാതാക്കാനുള്ള ഒരു അമ്മയുടെ കോപം അടങ്ങിയിരുന്നു. അവർ അതിനായി ആഗ്രഹിക്കുന്നു എന്നത് അവരുടെ വാക്കുകളിലും കണ്ണുകളിലും പ്രകടമായിരുന്നു.

അപ്പോഴും അമ്മച്ചി മൗനമായി തന്നെ ഇരിക്കുവായിരുന്നു. അവർ ആ പഴയ മിഖാ യെ കുറിച്ച് ഓർക്കുവായിരുന്നു….