🕺കുസൃതികൂട്ടം🕺[രാവണാസുരൻ (Rahul)] 123

അങ്ങനെ ആ നിമിഷം വന്നു യക്ഷി ബാവുമോനും ബാവുമോൻ യക്ഷിക്കും ഉമ്മ കൊടുക്കുന്ന സുവർണ്ണ നിമിഷം.
അതിനു അകമ്പടിയായി പാലപ്പൂക്കളുടെ സുഗന്ധം അവർക്ക് ചുറ്റും കാറ്റിൽ ഒഴുകി നടന്നു.

ആദ്യം യക്ഷി ബാവുമോന് ഉമ്മ കൊടുത്തു.
യക്ഷിയുടെ അധരമുദ്ര തന്റെ കവിളിൽ പതിഞ്ഞപ്പോൾ കുളിര് കോരി മായികലോകത്ത് എന്നപോലെ ബാവുമോൻ ഒഴുകി നടന്നു.

യക്ഷി തട്ടിവിളിച്ചപ്പോഴാ ബാവുമോൻ ആ മായികാലോകത്ത് നിന്ന് തിരിച്ചു വന്നത്.

ഇനി ബാവുമോൻ ഗംഗമോൾക്ക് ഉമ്മ താ.
യക്ഷി നാണത്തോടെ ബാവുമോനോട് പറഞ്ഞു.

ബാവുമോൻ നാണത്തോടെ ഗംഗമോളുടെ ചുമന്നു തുടുത്ത തൂവെള്ള കവിളിൽ തന്റെ അധരമുദ്ര പതിപ്പിച്ചു.അതിന് അകമ്പടിയായി കാറ്റ് ആഞ്ഞു വീശി.ആ കാറ്റിൽ അടുത്തുള്ള പാലമരത്തിൽ നിന്ന് പാലപ്പൂക്കൾ അവരുടെ മേലേക്ക് പുഷ്പ വൃഷ്‌ടി നടത്തി.

ബാവുമോൻ ഉമ്മ വച്ചു കഴിഞ്ഞപ്പോൾ യക്ഷി വിരൂപയായി മാറി.ബാവുമോൻ അത് കണ്ടപ്പോൾ ഇവൾക്കാണല്ലോ ഞാൻ ഉമ്മ കൊടുത്തത് എന്ന രീതിയിൽ വല്ലാണ്ടായി.

യക്ഷി പിന്നെയും ആദ്യം വന്ന സുന്ദരിയുടെ രൂപം പ്രാപിച്ചു.യക്ഷിയുടെ കണ്ണുകൾ നിറഞ്ഞൊഴുകി.

എന്തിനാ യക്ഷി കരയുന്നത്? ബാവുമോൻ ചോദിച്ചു

ഇതുവരെ എനിക്ക് ഉമ്മ തന്ന ആരും തിരിച്ചു ജീവനോടെ പോയിട്ടില്ല.

ബാവുമോന് ആ വാക്കുകൾ ഒരു ഇടിമുഴക്കത്തോടെയാണ് കേട്ടത്.

അപ്പൊ യക്ഷി എന്നെ കൊല്ലാൻ പോകുവാണോ? ബാവുമോൻ പേടിയോടെയും എന്നാൽ സങ്കടത്തോടെയും ചോദിച്ചു

ഞാൻ മുഴുവൻ പറഞ്ഞു തീർന്നില്ലല്ലോ ബാവുമോനെ.ബാവുമോന്റെ കവിളിൽ നുള്ളിക്കൊണ്ട് ഒരു കൊഞ്ചലോടെ യക്ഷി പറഞ്ഞു.

ഇതുവരെ എനിക്ക് ഉമ്മ തന്ന ആരും അടുത്ത പുലരി കണ്ടിട്ടില്ല.കാരണം അവർ എല്ലാവരും കാമത്തോടെയയും ഭയത്തോടെയുമാണ് എനിക്ക് ഉമ്മ തന്നിട്ടുള്ളത്.അത്കൊണ്ട് തന്നെയാണ് അവർ അടുത്ത പുലരി കാണാതിരുന്നതും.

അപ്പൊ ഞാനോ? ബാവുമോൻ ഇടയ്ക്ക് കേറി ചോദിച്ചു

ഈ ചെക്കനെ ഞാനിന്ന്.ഇനി ഇടയ്ക്ക് കയറിയാൽ നല്ല അടി വച്ചു തരും ഞാൻ.

ഇല്ല ഇനി ഇടയ്ക്ക് കേറില്ല.

ഉറപ്പാണല്ലോ അല്ലേ? എങ്കിൽ ബാക്കി പറയാം.
പക്ഷെ ബാവുമോൻ പേടിയോ കാമമോ ഉള്ളിൽ വച്ചിട്ടല്ല എനിക്ക് ഉമ്മ തന്നത്.ബാവുമോന്റെ സ്നേഹം അത് എനിക്ക് ആ ഉമ്മയിലൂടെ തിരിച്ചറിയാൻ കഴിഞ്ഞു.

സ്നേഹത്തോടെ ഉള്ള ഒരുമ്മയിലൂടെ മാത്രമേ എനിക്ക് ശാപമോക്ഷം കിട്ടൂ.
ഇപ്പോൾ ബാവുമോൻ കാരണം എനിക്ക് ശാപമോക്ഷം കിട്ടിയിരിക്കുന്നു.

ബാവുമോന് എന്തുവേണം പറ ബാവുമോന്റെ ഒരു ആഗ്രഹം ഞാൻ സാധിച്ചു തരാം.

ബാവുമോൻ കിളിപോയ അവസ്ഥയിലായിരുന്നു.എനിക്ക് എനിക്കൊരുമ്മ വേണം അറിയാതെ വേറെന്തോ പറയാൻ വന്ന ബാവുമോൻ അത് പറഞ്ഞുപോയി.

യക്ഷി ബാവുമോന് ഒരു ദീർഘചുംബനം കൂടെ നൽകി.

ബാവുമോൻ തന്റെ കിടക്കയിൽ മൂടിപ്പുതച്ചു കിടന്നുറങ്ങുകയാണ്.അവന്റെ ചുണ്ടിൽ ഒരു കുഞ്ഞ് പുഞ്ചിരി വിടർന്നു.കണ്ടതൊക്കെ ഒരു സ്വപ്നം മാത്രമാണെന്ന് നാളെ അവൻ കരുതും.

പക്ഷെ അത് അങ്ങനെയല്ലെന്ന് തെളിയിക്കാൻ കാറ്റിൽ ഒഴുകി നടക്കുന്ന പാലപ്പൂവിന്റെ ഗന്ധവും.
ഇരുട്ടിലേക്ക് അലിഞ്ഞു ചേർന്ന് ആകാശത്തിലെ നക്ഷത്രമായി മിന്നി തിളങ്ങുന്ന ആ യക്ഷിയുടെ ആത്മാവും. പിന്നെ എല്ലാത്തിനും മൂക സാക്ഷികളായ നമ്മളും മാത്രം.

അവസാനിച്ചു…

ഇത് നമ്മൾ പരിചയപ്പെട്ട നാലുപേരുടെ കഥയാണ് അവർ തന്നെയാണ് നായകന്മാരും വില്ലന്മാരും.ഓരോ ഭാഗം വരുമ്പോഴും നായകനും വില്ലനും വ്യത്യാസം വരും.പിന്നെ ഓരോ പാർട്ടും വ്യത്യസ്തമായ തീം ആയിരിക്കും എന്നാൽ ഇതുവരെയുള്ള കഥയുടെ തുടർച്ചയും ആ തീമിനുള്ളിൽ കാണും.

ഈ നാലുപേരും മ്മടെ സൈറ്റിൽ തന്നെ ഉള്ളവർ തന്നെയാണ്.അത് ആരൊക്കെയാണെന്ന് നിങ്ങൾക്ക് വഴിയേ മനസ്സിലാകും.

കുറച്ചു break ൽ ആയിരുന്നു തിരിച്ചു വരാൻ വേണ്ടി ഇങ്ങനെ ഒരു കഥ തിരഞ്ഞെടുത്തു.കോമഡിയാണ് ഉദ്ദേശിച്ചത് പക്ഷെ അത് ഞാൻ പറഞ്ഞു മനസ്സിലാക്കി തരേണ്ട ആവശ്യം വരുമോ എന്ന് അവസാനം എത്തിയപ്പോൾ എനിക്ക് തന്നെ തോന്നി😁.

നിങ്ങളുടെ വിലപ്പെട്ട അഭിപ്രായങ്ങൾ പ്രതീക്ഷിക്കുന്നു.