🕺കുസൃതികൂട്ടം🕺[രാവണാസുരൻ (Rahul)] 123

ഞാൻ നേരെപ്പോയി ഡ്രസ്സ്‌ മാറി കണ്ണാടിയിൽ നോക്കി കുറച്ചു പൗഡർ ഒക്കെയിട്ട് കുറച്ചൂടെ സുന്ദരനായി.ഞാൻ നേരത്തെ സുന്ദരനാണ് പിന്നെ ആരും കണ്ണുവയ്ക്കരുതല്ലോ അതിനാ പൗഡർ ഇട്ടത്.

എന്നിട്ട് ഇന്നത്തെ പരിപാടികളെ കുറിച് ഒന്ന് ആലോചിച്ചു.
ഹോ ഇന്ന് എന്തൊക്കെ പണി ഉള്ളതാ.സ്കൂളിൽ പോയ്‌ രണ്ടു പീരിയഡ് ദേവൂട്ടിയെയും മീനുട്ടിയെയും വായിന്നോക്കി ഇരിക്കണം.

പിന്നെ മൂന്നാമത്തെ പീരിയഡ് അത് പി.ടി പീരിയഡ് കളിക്കാൻ പോണം പിന്നെ ഉച്ചയ്ക്ക് അമ്മ തന്നയക്കുന്നത് കൂട്ടുകാർക്ക് കൊടുത്തു കഴിക്കണം.

പിന്നെ ഉച്ചയ്ക്ക് ശേഷം അവസാന ബഞ്ചിൽ ഇരുന്ന് ഒരു കുഞ്ഞ് ഉറക്കം.
അവസാനത്തെ ഇന്റർവെല്ലിന് പോകുമ്പോഴാ ദേവൂട്ടി ഉമ്മ താരാന്ന് പറഞ്ഞേക്കണേ.

ഇപ്പൊ ഇങ്ങക്കെല്ലാം മനസ്സിലായല്ലോ ഞാൻ ഭയങ്കര ബിസി ആയ വിദ്യാർത്ഥി ആണെന്ന്.

അങ്ങനെ സ്കൂളിലേക്ക് തിരിച്ചു.
നടന്നാ പോകുന്നത് നേർവഴി ആണേൽ കുറച്ചു കൂടുതൽ നടക്കാൻ ഉള്ളത്കൊണ്ട് ഷോർട്കട്ട് വഴിയാ എന്റെ സഞ്ചാരം

വീട്ടീന്ന് നേരെ നാഗക്കാവ് കടന്ന് യക്ഷി അമ്പലത്തിന്റെ സൈഡിൽക്കൂടെ പോയി ക്ഷേത്രക്കുളം താണ്ടി ക്ഷേത്രത്തിന്റെ അടുത്തുള്ള ആലിന്റെ സൈഡിക്കൂടേ സ്കൂൾ ഗ്രൗണ്ടിൽ എത്തി അവിടുന്ന് സ്കൂളിലേക്ക് ഇതാണ് എന്റെ സ്ഥിരം റൂട്ട് മാപ്.

ഞാനേ ഈ റൂട്ട് മാപ് വഴി ദിവസവും ഒന്നര കിലോമീറ്റർ ആണ് ലഭിക്കുന്നത്. വേറാരൊടും പറയില്ലെങ്കിൽ ഞാനൊരു രഹസ്യം പറയാം ഈ ഞാനില്ലേ ഞാനൊരു വല്യ സംഭവമാ.പിന്നെ യക്ഷിയമ്പലത്തിന്റെ അവിടെ ഞാവൽ മരം ഉണ്ട് അതിന്ന് ഞാവലും പറിക്കാല്ലോ.

ഞാവൽ മീനുട്ടിക്കും ദേവുട്ടിക്കും കൊടുത്തു അല്പം…ചെറുങ്ങനെ…ഇള്ളോളം പുഷ്പ്പിക്കുകയും ചെയ്യാം. 😁

ഇപ്പൊ നിങ്ങളൊക്കെ ഞാൻ ഒരു പുഷ്പൻ ആണെന്ന് കരുതും ഇല്ല ഒരിക്കലുമില്ല നാൻ പ്യാവം ഹേ ഹി ഹോ. പിന്നെ മീനുട്ടിയും ദേവുട്ടിയും രണ്ടും എന്റെ വീക്ക്നെസ് ആയിപ്പോയി അതൊരു തെറ്റാണോ സേട്ടൻമാരെ? നിങ്ങളെങ്കിലും പറയു സേച്ചിമാരെ അതൊരു തെറ്റാണോ?

ഇള്ളോളം സ്നേഹം രണ്ടു പ്യാവം പെൺകുട്ടികൾക്ക് കൊടുക്കുന്നത് തെറ്റാണെങ്കിൽ നാൻ തെറ്റുകാരൻ തന്നെയാണ്.

ഹോ നിങ്ങളോട് സംസാരിച്ചു സ്കൂളിൽ എത്തിയത് അറിഞ്ഞില്ല.
അപ്പൊ ഇനി എന്റെ മീനുട്ടിയെയും ദേവൂട്ടിയെയും പരിചയപ്പെടാം.

ഞാൻ നേരെ ബാഗ് കൊണ്ട് ക്ലാസ്സിൽ വച്ചു മീനുട്ടി വന്നിട്ടുണ്ട്.പുറത്തെവിടെയെങ്കിലും കാണും അങ്ങനെ തപ്പി പിടിച്ചു L.P സ്കൂളിന്റെ വരാന്തയിൽ കൂടെ കിഴക്കൻ കാറ്റും രസിച്ചുവരുന്ന അവളെ കുറച്ചു ദൂരെ നിന്ന് ഞാൻ കണ്ടു.

ദാ ആ വരുന്നതാണ് മീനുട്ടി.
വെള്ള ഷർട്ടും നീല പാവാടയും കാലിൽ വെള്ളികൊലുസും അണിഞ്ഞ് തലമുടി രണ്ടു വശത്തേക്കും മെടഞ്ഞു കെട്ടി അതിൽ ചുമല റിബണ്ണും വച്ച് ആ പേടമാൻ മിഴികളിൽ അഞ്ജനവുമെഴുതി നെറ്റിയിൽ കുഞ്ഞ് പൊട്ടും വച്ച് മന്ദം മന്ദം അരയന്ന ചേലോടെ നടന്നുവരുന്നതാണ് എന്റെ ദേവ സുന്ദരി.

ബാവേട്ടാ എനിക്ക് ഞാവൽ കൊണ്ടൊന്നൊ അതോ മറന്നോ അവൾ ഒരു കൊഞ്ചലോടെ ചോദിച്ചു

ഞാൻ എന്റെ മീനുട്ടിയെ മറക്കോ.ഇതാ നിനക്കുള്ള ഞാവൽ.അതേയ് മീനുട്ടി എന്നെ കുറച്ചു ദിവസമായി ഒരു സാധനം താരാന്ന് പറഞ്ഞു പറ്റിക്കുവാ.

അത് ബാവേട്ടാ പിന്നെ തെരാ.ഇപ്പൊ പിള്ളേരെല്ലാം ഇല്ലേ എനിക്ക് നാണവാ.
അവൾ നാണിച്ചു തലതാഴ്ത്തി പറഞ്ഞു.