🕺കുസൃതികൂട്ടം🕺[രാവണാസുരൻ (Rahul)] 123

ഉച്ചയ്ക്കുള്ള ഇന്റർവെൽ സമയം

ബാവുമോൻ ഉച്ചഭക്ഷണത്തിനു ശേഷം മീനുട്ടിടെ അടുത്തേയ്ക്ക് പോയി

മീനുട്ടി എനിക്ക് എന്നും തരാം എന്ന് പറഞ്ഞു പറ്റിക്കുന്നതല്ലേ ഇന്ന് താ.

ബാവേട്ടൻ കണ്ണടയ്ക്ക്.

ബാവുമോൻ കണ്ണടച്ച് നിന്നു അവളുടെ ചൂട് നിശ്വാസം കവിളിൽ പതിച്ചു.ഇപ്പോൾ ആ മധുരമൂറുന്ന ചുണ്ടുകൾ തന്റെ കവിളിൽ പതിയും എന്ന് കരുതി ബാവുമോൻ നിന്നു.

എന്നാൽ കുറച്ചു നേരം നിന്നിട്ടും ഒന്നും സംഭവിക്കാത്തത്കൊണ്ട് കണ്ണ് തുറന്നു നോക്കിയപ്പോൾ മീനുട്ടിയും ദേവൂട്ടിയും പൊരിഞ്ഞ വഴക്ക്.

അവസാനം ബാവുമോൻ രണ്ടുപേരെയും സമാധാനിപ്പിക്കുന്ന ഇടനിലക്കാരനായി മാറി.അങ്ങനെ മീനുട്ടിയുടെ ഉമ്മ കാൻസൽ ആയി.

ഉച്ചയ്ക്ക് ശേഷമുള്ള പിരിയഡ് ഒരു കുഞ്ഞുറക്കവും കാഴ്ചവച്ചു ഇന്റർവെൽന് ബാവുമോൻ ദേവൂട്ടിയുടെ അടുത്തേയ്ക്ക് പോയി.ദേവൂട്ടി പിണക്കത്തിൽ ആയിരുന്നു.

അവസാനം അവളെ പറഞ്ഞു സമാധാനിപ്പിച്ചു അവൾ കൊടുക്കാമെന്നു പറഞ്ഞിരുന്ന സമ്മാനത്തിനായി കണ്ണുകൾ അടച്ചു കാത്തു നിന്നു.

അപ്പോഴുണ്ട് ക്ലാസ് കഴിഞ്ഞു കളിക്കാൻ പോകാം എന്നും പറഞ്ഞു അജുമോൻ ബാവുമോന്റെ കയ്യും പിടിച്ച് ഓടി.

അങ്ങനെ ദേവൂട്ടിയുടെ ഉമ്മയും മിസ്സ്‌ ആയി.

**************************

ബാവുമോൻ കളിയും ട്യൂഷനും കഴിഞ്ഞു തിരിച്ചു വരുന്ന വഴി…..

കളി കഴിഞ്ഞു ട്യൂഷന് പോകാൻ താമസിച്ചതുകൊണ്ട് ട്യൂഷൻ ടീച്ചർ ബാവുമോനെ താമസിച്ചാണ് പറഞ്ഞയച്ചത്. അങ്ങനെ അമ്പലവും അമ്പലക്കുളവും താണ്ടി യക്ഷിക്കാവിനു സൈഡിൽക്കൂടെ ഒരു ഊട് വഴിയിൽ കൂടെ സങ്കടത്തിൽ നടന്നു വീട്ടിലേക്ക് പോകുകയായിരുന്നു ബാവുമോൻ.

ശേ എല്ലാം കുളമായി മീനുട്ടി ഉമ്മ തെരാൻ വന്നപ്പോ ദേവൂട്ടി കുളമാക്കി.ദേവൂട്ടി ഉമ്മ തെരാൻ വന്നപ്പോ ആ തെണ്ടി അജുമോൻ ഇടയ്ക്ക് കേറി കുളമാക്കി.ചങ്ങായി ഒക്കെ തന്നെയാ പക്ഷെ എനിക്ക് കിട്ടാനുള്ള ഉമ്മയിൽ മണ്ണുവാരി ഇടുന്നത് ശരിയാണോ.
ഇവനോടൊക്കെ ദൈവം ചോദിക്കും എന്നാലും ഇനിയിപ്പോ ഒരുമ്മ ഒപ്പിക്കാൻ എന്താ വഴി ഇതൊക്കെ ആലോചിച്ചു ബാവുമോൻ യക്ഷിയമ്പലത്തിന്റെ അടുത്തെത്തി.

അമർഷം ഉള്ളിൽ നുരഞ്ഞു പൊന്തിയ ബാവുമോൻ ഒരുമ്മ കിട്ടാനുള്ളത് വെറുതെ പോയല്ലോ എന്ന് പറഞ്ഞ് കൈ ദേഷ്യത്തിൽ കുടഞ്ഞു.