?കുസൃതികൂട്ടം?[രാവണാസുരൻ (Rahul)] 123

അവർ സന്ധിസംഭാഷണം നടത്തി പിരിഞ്ഞു ക്ലസ്സിലേക്ക് പോയി.ബാവുമോൻ മാത്രം ബാക്കിയുള്ള ഞാവൽപ്പഴങ്ങളുമായി ദേവൂട്ടിയെ കാണാൻ തിരിച്ചു.

സ്കൂളിൽ മൊത്തം അരിച്ചു പെറുക്കിയിട്ടും ദേവൂട്ടിയെ കണ്ടില്ല.ബാവുമോൻ സ്കൂൾ കവാടത്തിലേക്ക് പോയ്‌ നിന്നു അപ്പോഴേക്കും ദൂരെ നിന്നും
അവൾ നടന്നു വരുന്നു.

ദേ അതാണ് എന്റെ നടക്കുന്ന മത്സ്യകന്യക.
അവളുടെ ആ മുല്ലപ്പൂ മൊട്ടുപോലെത്തെ കുഞ്ഞി പല്ലുകൾ കാട്ടിയുള്ള പുഞ്ചിരി കണ്ടോ.ആ ഓറഞ്ചും മഞ്ഞയും കലർന്നുള്ള കളർ പട്ടു പാവാടയും ബ്ലൗസിലും എന്റെ ദേവൂട്ടി ഇങ്ങനെ തിളങ്ങി നിക്കുവല്ലേ.

അവളുടെ കൊലുസു കിലുങ്ങുന്ന ശബ്ദം നിങ്ങൾക്ക് യക്ഷിയമ്പലത്തിലെ അരയാലിൽ കുടിയിരിക്കുന്ന യക്ഷിയമ്മ ചിരിക്കുന്നത് പോലെ തോന്നുന്നില്ലേ.

അവളുടെ ആ ജിമിക്കി കമ്മലുകൾ അവൾ നടക്കുന്ന താളത്തിനൊത്ത് നൃത്തമാടുന്നത് കാണാൻ തന്നെ എന്തൊരു ഭംഗിയാ.

ഗന്ധർവ്വി എന്നൊരു വിഭാഗം ഉണ്ടായിരുന്നെങ്കിൽ അതിന്റെ രാജകുമാരി എന്റെ ദേവൂട്ടി തന്നെ ആയിരിക്കുമായിരുന്നു.
നോ സംശയം ഹേ.

ആരും എന്റെ ദേവൂട്ടിയെ തട്ടിയെടുക്കാം എന്ന് കരുതണ്ട ഓളെ പണ്ടേ നല്ല കുടുംബത്തിൽ പിറന്ന ഒരു ചെക്കൻ book ചെയ്തതാണ്.

ദേവൂട്ടിബാവുമോൻ കണ്ട കണ്ട ആ പേരുകൾ തമ്മിലുള്ള ചേർച്ച കണ്ട.ശിവനും പാർവ്വതിയും പോലെ കൃഷ്ണനും രാധയും പോലെ ടിന്റു മോനും ഡുണ്ടു മോളും പോലെ ഹോ എന്നെക്കൊണ്ട് വയ്യ.

ബാവുമോൻ ഇതൊക്കെ ആലോചിച്ചു
കഴിഞ്ഞപ്പോൾ ദേവൂട്ടി അവന്റെ അരികിൽ എത്തി.

എന്താ ബാവേട്ടാ എന്നെ ആലോചിച്ചു സ്വപ്നം കാണുവാണോ ഒരു നാണത്തോടെ അവൾ ചോദിച്ചു.

എന്റെ ദേവൂട്ടിയെ ആലോചിക്കാതെ പിന്നെ ഞാൻ ആരെക്കുറിച്ച് ആലോചിക്കാനാ.

അല്ല ഇന്നെന്താ എന്റെ ദേവൂട്ടി കളർ ഡ്രെസ്സിൽ?

അപ്പൊ ബാവേട്ടൻ മറന്നല്ലേ ഞാൻ പറഞ്ഞതല്ലേ.അവൾ വിഷമത്തോടെ ചോദിച്ചു

ബാവുമോൻ ഒന്ന് ആലോചിച്ചു അപ്പോഴാണ് അവൾ വെള്ളിയാഴ്ച പറഞ്ഞത് ഓർമ്മ വന്നത്.ഇന്ന് അവളുടെ പിറന്നാൾ ആണ്.

അത് പിന്നെ എന്റെ ദേവൂട്ടി പറയുന്നത് കേൾക്കാൻ വേണ്ടിയല്ലേ ഞാൻ ചോദിച്ചത്.
ബാവുമോൻ അവളുടെ ചോദ്യത്തിന് മുന്നിൽ ഒന്ന് പതറിയെങ്കിലും അത് പുറത്തു കാണിക്കാതെ അവൻ പറഞ്ഞു.

അപ്പൊ അതാണല്ലേ ഇന്ന് ഉമ്മ താരാന്ന് പറഞ്ഞത് കള്ളി.

ഒന്ന് പോ ബാവേട്ടാ അവൾ നാണിച്ചു ബാവുമോന്റെ നെഞ്ചിൽ ഒരു കുഞ്ഞ് നുള്ള് കൊടുത്തു പോകാൻ തുനിഞ്ഞു.

എന്നാൽ ബാവുമോൻ അവളുടെ കുപ്പിവളയിട്ട കൈയ്യിൽ പിടിച്ചു നിർത്തി താൻ കരുതി വച്ച ഞാവല്പഴം അവൾക്ക് കൊടുത്തു.എന്നിട്ട് പറഞ്ഞു

ഇതിലും മധുരിക്കുന്ന സമ്മാനം ദേവൂട്ടി തരുമ്പോ ഞാനും ഒരു സമ്മാനം തരാം.
ശരി എന്നാൽ പൊയ്ക്കോ.

ദേവൂട്ടി ഇടയ്ക്കിടെ ബാവുമോനെ തിരിഞ്ഞു നോക്കി ക്ലാസ്സിലേക്ക് പോയി.