?കുസൃതികൂട്ടം?[രാവണാസുരൻ (Rahul)] 123

ദൂരെ ആ സ്കൂൾ വരാന്തയുടെ മറ്റൊരു കോണിൽ…

അഖിമോനെ ദേണ്ടടാ ആ തെണ്ടി ബാവുമോൻ നിന്റെ മീനുട്ടിയോട് നിന്ന് കൊഞ്ചുന്നു.അപ്പുമോൻ ഓടിക്കിതച്ചു വന്നു അഖിമോനോട് പറഞ്ഞു.

ഞാനിന്ന് ആ തെണ്ടിയെ തീർക്കും കുറച്ചു നാളായി അവനീ പുഷ്പ്പിക്കൽ തുടങ്ങിയിട്ട്.അവനോട് പലവട്ടം പറഞ്ഞിട്ടുള്ളതാ എന്റെ മീനുട്ടിയോട് അവന്റെ പുഷ്പ്പിക്കൽ ഇറക്കരുതെന്ന്.
അതും പറഞ്ഞ് അഖിമോനും അപ്പുമോനും ബാവുമോനും മീനുട്ടിയും നിൽക്കുന്നിടത്തേയ്ക്ക് പോയി.

മീനുട്ടി പൊയ്ക്കോ ദേണ്ടെ ആ തെണ്ടി അഖിമോനും അവന്റെ ശിങ്കിടി അപ്പുമോനും വരുന്നുണ്ട്.ബാവുമോൻ പറഞ്ഞത് കേട്ട് മീനുട്ടി തിരിഞ്ഞു അഖിമോനെ നോക്കിയിട്ട് ക്ലാസ്സിലേക്ക് പോയി.

ടാ കോഴി ബാവു നിന്നോട് ഞാൻ പലവട്ടം പറഞ്ഞിട്ടുള്ളതാ എന്റെ മീനുട്ടിയ്ക്ക് ഞാവൽപ്പഴവും പേരക്കയും കൊണ്ട് കൊടുത്ത് കറക്കിയെടുക്കാൻ നോക്കരുതെന്ന്.

അങ്ങനെ കറക്കിയെടുക്കുന്നെങ്കിൽ അത് എന്റെ കഴിവ് ഒന്ന് പോയെടാ കിഴങ്ങൻ അഖി.

കിഴങ്ങൻ നിന്റെ കൊച്ചാപ്പൻ കാട്ടുകോഴി.നിന്നെ ഞാനിന്ന് എന്റെ പെൻസിലിൽ കോർക്കുമെടാ തെണ്ടി ബാവു.

എങ്കിൽ നിന്നെ ഞാനിന്ന് ഞാവലിന് എറിഞ്ഞിടുമെടാ തെണ്ടി അഖി.

നോക്കി നിൽക്കാതെ ഇവനെ അടിച്ചിടെടാ അപ്പു.അഖിമോൻ അപ്പുവിനോട് പറഞ്ഞു

ഏത് നാറിയാടാ എന്റെ ചെക്കനെ പിടിച്ചു വച്ച് അടിക്കാൻ പോകുന്നത്.അപ്പുമോൻ ബാവുമോനെ അടിക്കാൻ കയ്യോങ്ങിയതും അവരുടെ പിന്നിൽ നിന്ന് അജുമോൻ വിളിച്ചു ചോദിച്ചു

അജുമോൻ അവരുടെ അടുത്തേയ്ക്ക് വന്നിട്ട് പറഞ്ഞു ടാ നാറികളെ ഒരേ ക്ലാസ്സിൽ പഠിച്ചിട്ട് ഒരു പെണ്ണിന് വേണ്ടി പരസ്പരം അടിവയ്ക്കുന്നോ.

അജു നീ ഇതിൽ ഇടപെടരുത് ദേണ്ടെ ഈ ഞാവൽകോഴിയാണ് എന്റെ അഖിമോന്റെ മീനുട്ടിയെ കറക്കിയെടുക്കാൻ നോക്കുന്നത്.അപ്പുമോൻ പറഞ്ഞു

ഇവന് ദേവൂട്ടിയെ നോക്കിയാൽ പോരെ പിന്നെ എന്തിനാ മീനുട്ടിയെ നോക്കുന്നെ
അഖിമോൻ ചോദിച്ചു

അത് പിന്നെ എനിക്ക് സ്നേഹം കൊടുക്കുന്നത് ഒരു വീക്ക്നെസ് ആയിപ്പോയി സ്നേഹം കൊടുക്കുന്നത് തെറ്റല്ലല്ലോ.സ്നേഹം ഞാനിങ്ങനെ വാരിക്കോരി കൊടുക്കും അതിൽ ഞാൻ പിശുക്ക് കാണിക്കാറില്ല.

ഇതിനെയാണ് കോഴി എന്ന് പറയുന്നത്.അപ്പുമോൻ പറഞ്ഞു

നീ പോടാ നിക്കറീമുള്ളി.

നിക്കറീമുള്ളി അന്റെ അതും പറഞ്ഞു അപ്പുമോൻ അടിക്കാൻ കയ്യോങ്ങി

നിങ്ങൾ ഇങ്ങനെ അടിവയ്ക്കാതെ ഈ പ്രശ്നം പരിഹരിക്കാൻ എന്തെങ്കിലും വഴി കണ്ടുപിടിക്ക് അജുമോൻ രണ്ടുപേരുടെയും ഇടയ്ക്ക് കേറി നിന്നുകൊണ്ട് പറഞ്ഞു

നാലുപേരും നാല് ദിക്കിലേക്ക് നോക്കി ഗഹനമായ ആലോചനയിൽ മുഴുകി

ഒരു കാര്യം ചെയ്യാം മ്മക്ക് ഒരു ഡീലിൽ എത്താം ബാക്കിയുള്ളവരുടെ ആലോചനയ്ക്ക് ഭംഗം വരുത്തിക്കൊണ്ട് ബാവുമോൻ പറഞ്ഞു

എന്തു ഡീൽ ബാക്കി മൂന്നുപേരും ഒന്നിച്ചു ചോദിച്ചു.

മീനുട്ടിയെ ആദ്യം ആരാണോ വളയ്ക്കുന്നത് അവൾ അയാൾക്ക് സ്വന്തം മറ്റേയാൾക്ക് പിന്നെ അവൾ സഹോദരി ok?

Ok പക്ഷെ നിന്റെ ഉടായിപ്പ് ഒന്നും ഇവിടെ ഇറക്കരുത് എങ്കിൽ എന്റെ പെൻസിൽ നിന്റെ പിന്നിക്കൂടെ കേറ്റി മുന്നിക്കൂടെ ഇറക്കും അഖിമോൻ പറഞ്ഞു.

(ഇപ്പൊ ഇവിടെക്കണ്ട നാല് കഥാപാത്രങ്ങൾ
അവരാണ് ഈ കഥയുടെ നട്ടെല്ല് അവരെ മറക്കരുത്.ഇവർ നാലുപേരും മ്മടെ കഥയിലെ നായകന്മാരും വില്ലന്മാരുമാണ്)