??ജോക്കർ 1️⃣3️⃣ [??? ? ?????] 3444

“പുറകെ ആള് വന്നിട്ടുണ്ട്…. ” cctv ഡിസ്പ്ലേ ചൂണ്ടി നെവിൻ പറഞ്ഞു….

ഫെക്ടറിയും പരിസരവും പരിശോധിക്കുന്ന മിഥുനെയും കൂട്ടറെയും സ്ക്രീനിൽ വ്യക്തമായി കാണാമായിരുന്നു….

നെവിൻ മറ്റൊരു ക്യാമറ കൊണ്ട് വന്നു സെറ്റ് ചെയ്തു…..

“തുടങ്ങാം…..”

“മ്മ്….”

“അറിഞ്ഞ സത്യത്തിന്റെ ഞെട്ടലിൽ നിന്നും ഇതുവരെ പുറത്തു കടക്കാൻ കഴിഞ്ഞിട്ടില്ല…. ഇരയും വേട്ടക്കാരനും ഒരാൾ ആകുന്ന അപൂർവ സന്ദർഭം….

SP സച്ചിൻ പ്രസാദിന്റെ വാക്കുകളിൽ ദേവയാനിയെ നെവിൻ പിടിച്ചു കൊണ്ട് വന്നതാണ് എന്ന് ഉണ്ടായിരുന്നു… ഇപ്പൊ അതേ നെവിൻ തന്നെ ദേവയാനിയെ ഉപദ്രവിച്ചവർക്കെതിരെ….. അപ്പോൾ സച്ചിൻ പറഞ്ഞത് അല്ല സത്യം….????”

“സച്ചിൻ പറഞ്ഞതൊക്കെ സത്യമാണ്…. സച്ചിൻ അറിയുന്ന സത്യം… അറിയാത്ത കാര്യങ്ങൾ കൂടി ഉണ്ട്…. ഒരു ചതിയുടെ കഥ കൂടി….

ദേവയാനി എന്റെ ആത്മാവിലെ പ്രണയം ആയിരുന്നു…. ഒരിക്കൽ ഞാൻ എന്റെ ഇഷ്ടം അവളോട് പറഞ്ഞപ്പോൾ ക്വാളിറ്റി ഇല്ലാത്ത ഐഡന്റിറ്റി ഇല്ലാത്ത ഒരാളെ അവൾക്ക് വേണ്ടെന്നു പറഞ്ഞു…..

പിന്നീടുള്ള എന്റെ ലക്‌ഷ്യം സ്വന്തമായി ഒരു ഐഡന്റിറ്റി ഉണ്ടാക്കുന്നതിനു വേണ്ടി ആയിരുന്നു…

ആറു വർഷം…… അതിനിടയിൽ അമ്മച്ചിയെ കാണാൻ വല്ലപ്പോഴും വന്നു പോകും എന്നല്ലാതെ നാട്ടിൽ മാറ്റാരുമായും കോൺടാക്ട് ഇല്ലാതെ മറ്റൊന്നും ചിന്തിക്കാതെ പഠിച്ചത് മുന്നിലിലൊരു ലക്‌ഷ്യം കണ്ടത് കൊണ്ട് തന്നെയാണ്….