🔺🔻ജോക്കർ 1️⃣3️⃣ [𝓢𝓪𝓲 𝓥 𝓐𝓼𝓱𝓪𝓷] 3445

സൂര്യ കാറിനു അടുത്തേക്ക് വരുന്നത് ദൂരെ നിന്ന് കണ്ടപ്പോൾ എന്തു ചെയ്യണം എന്ന് അറിയാതെ ഞാൻ അപ്പോഴത്തെ വെപ്രാളത്തിൽ അവളെ താങ്ങി എടുത്ത് കാറിന്റെ ഡിക്കിയിലേക്ക് കയറ്റി. വഴിയിൽ വെച്ച് ഉണർന്നു പ്രോബ്ലം ഉണ്ടാക്കാതിരിക്കാൻ വേണ്ടി ഞാൻ ഒറക്കം നഷ്ടപ്പെടുന്ന രാത്രികൾ യൂസ് ചെയ്യാറുള്ള zolpidem oral spray എടുത്ത് അവളുടെ വായിൽ അടിച്ചു കൊടുത്തു….

അവിടുന്നു പുറപ്പെട്ട് സൂര്യയെ വീട്ടിൽ ഡ്രോപ്പ് ചെയ്ത് ഏകദേശം രണ്ടര മണിയോടെ ഞാൻ മാനന്തവാടിയിൽ ഉള്ള ഗസ്റ്റ് ഹൗസിൽ എത്തി ….

ഡിക്കിയിൽ നിന്നും ദേവയാനിയെ എടുത്ത് റൂമിൽ കിടത്തുമ്പോൾ ഞാൻ ചെയ്ത കാര്യത്തെ കുറിച് ഓർത്തു എന്റെ കയ്യും കാലും വിറക്കുകയായിരുന്നു…..

കടന്നു പോകുന്ന ഓരോ മിനുട്ടും ഓരോ യുഗം പോലെ തോന്നിയപ്പോൾ ഷെൽഫിൽ നിന്നും ഒരു കുപ്പി ബ്രാണ്ടി എടുത്ത് പൊട്ടിച്ചു…. പിന്നെ എന്തു സംഭവിച്ചു എന്ന് എനിക്ക് അറിയില്ല…

ആരോ ശക്തമായി കുലുക്കി വിളിച്ചപ്പോഴാണ് ഞാൻ എഴുന്നേറ്റത്തു… കണ്ട കാഴ്ച്ച എന്നെ തളർത്തി കളഞ്ഞു… പൂർണ നഗ്നനായി ഞാൻ ദേവയാനിയുടെ ദേഹത്ത് അമർന്നു കിടക്കുകയായിരുന്നു… അവളുടെ ദേഹത്തും വസ്ത്രം ഇല്ലായിരുന്നു… ഒപ്പം ഞങ്ങളുടെ രണ്ടു പേരുടെയും ദേഹത്ത് നഖത്തിന്റെയും പല്ലിന്റെയും പാടുകളും പോറലും ഉണ്ടായിരുന്നു….

തൊട്ടടുത്തു കത്തുന്ന കണ്ണുകളോടെ നിൽക്കുന്ന ഡാഡിയെ കൂടി കണ്ടതും

ആ നിമിഷം എനിക്ക് ഭൂമി പിളർന്നു താഴേക്ക് പോയാൽ മതി എന്നാണ് തോന്നിയത്….

കവിള് പൊളിയെ അടി ആയിരുന്നു ഡാഡിയുടെ ആദ്യ പ്രതികരണം…. എനിക്ക് മറ്റൊന്നും ചെയ്യാനില്ലായിരുന്നു… ആ കോലത്തിൽ തന്നെ ഞാൻ ഡാഡിയുടെ കാലിൽ വീണു കരഞ്ഞു… വർഷങ്ങൾക്ക് ശേഷം എനിക്ക് വീണ്ടും ഫിക്സ് വന്നു….

പിറ്റേന്ന് ഉച്ചയോടെ ആണ് ദേവയാനി മരണപ്പെട്ടതും ബോഡി കാട്ടിൽ ഉപേക്ഷിച്ചതും ഞാൻ അറിയുന്നത്…..”

“ദേവയാനിയുടെ കല്യാണം ഉറപ്പിച്ചത് അറിഞ്ഞ ദേഷ്യത്തിലും സങ്കടത്തിലും നെവിൻ ദേവയാനിയെ കടത്തി കൊണ്ട് പോയി. മദ്യത്തിന്റെ ലഹരിയിൽ ആണെങ്കിലും ദേവയാനിയുടെ മാനവും ജീവനും എടുത്തത് നെവിൻ തന്നെയാണ്…. അപ്പോൾ നെവിനെ കേസിൽ നിന്നും രക്ഷിക്കാൻ ഇടപെട്ട സച്ചിനേയും വർഗീസിനെയും, റിപ്പോർട്ട് തിരുത്തി സഹായിച്ച ബിബിനെയും കേസ്‌ വാദിച്ച വക്കീലിനെയും നെവിൻ തന്നെ കൊലപ്പെടുത്തുന്നതിൽ എന്ത് യുക്തിയാണ് ഉള്ളത്????? ” ഗൗരി നെവിന്റെ നേരെ സംശയ മുന എറിഞ്ഞു.