🔺🔻ജോക്കർ 1️⃣3️⃣ [𝓢𝓪𝓲 𝓥 𝓐𝓼𝓱𝓪𝓷] 3444

“ശൈവ……”

“ആഹ്… സോറി സർ… ഇവിടുന്നു അവർ എങ്ങോട്ട് പോയത് എന്ന് എനിക്ക് കാണാൻ കഴിഞ്ഞില്ല…. ഞാൻ വൈകി പോയി….”

കാലിൽ നിന്നും അപ്പോഴും ചോര വരുന്നുണ്ടായിരുന്നു….

“ഷിറ്റ്….. ഞാൻ അപ്പോഴേ പറഞ്ഞതല്ലേ തിരിച്ചു പോകാൻ…. ഈ കാലും വെച്….”

“സർ… എനിക്ക് കുഴപ്പമില്ല….”

“ഷട്ടപ് യു…. ചോര പോകുന്നത് കണ്ടില്ലേ….”

മറ്റു വഴിയൊന്നും കാണാഞ്ഞ് മിഥുൻ ഇട്ടിരുന്ന ഷർട്ട് ഊരി അത് കീറി കഷണം ആക്കി മുറിവിന് ചുറ്റും മുറുക്കി കെട്ടി. ശേഷം അവര് വന്ന ജീപ്പിൽ ശൈവയെ ഹോസ്പിറ്റലിലേക്ക് വിട്ടു…

 

മിഥുനും മീരയും പ്രവീണും ചേർന്ന് ചുറ്റുപാടും തിരച്ചിൽ ആരംഭിച്ചിരുന്നു….

ഫാക്റ്ററി പരിസരത്തു നിന്നും തോട്ടത്തിലേക്ക് പോകുന്ന വഴിയിലൂടെ പ്രവീൺ നടന്നു… കുറച്ചു ദൂരം പോയതും പ്രവീണിന്റെ നടത്തതിന്റെ വേഗത കുറഞ്ഞു….

 

“സർ……. മാം….. ഇത് നോക്ക്…….”

പ്രവീൺ നിൽക്കുന്നിടത്തേക് മീരയും മിഥുനും ചെന്നു….

 

“എന്താ പ്രവീൺ….??”

“സർ… ഇതിലൂടെ കുറച്ചു സമയത്തിനുള്ളിൽ ആരോ പോയിട്ടുണ്ട്….”

നിലത്തെ നനഞ്ഞ മണ്ണിൽ പതിഞ്ഞ ചെരുപ്പിന്റെ പാടുകൾ ചൂണ്ടി പ്രവീൺ പറഞ്ഞു……

 

“ആരോ അല്ല ആരൊക്കെയോ….. ….. രണ്ടു പേരുടെ പാടുകൾ ഉണ്ട്… ഒന്ന് ലേഡീസ് ചെരുപ്പ് ആണെങ്കിൽ മറ്റേത് ജന്റ്സ് ഉപയോഗിക്കുന്ന തരത്തിൽ ഉള്ള ബൂട്ടിന്റെ ആണ്….” പാടുകൾ സൂക്ഷിച്ചു നോക്കിയതിനു ശേഷം മിഥുൻ പറഞ്ഞു..