🔺🔻ജോക്കർ 1️⃣3️⃣ [𝓢𝓪𝓲 𝓥 𝓐𝓼𝓱𝓪𝓷] 3444

” കണ്ടതും കേട്ടതും അറിഞ്ഞതും ഒക്കെയും സത്യമല്ല എന്ന് വീണ്ടും തെളിയുകയാണ്……. കുറെ ഏറെ ദിവസങ്ങളായി നമ്മളുടെ ഒക്കെ മനസ്സിൽ കിടന്നു മറിഞ്ഞ ഒരു ചോദ്യമാണ്… ആരാണ് ജോക്കർ????

ജോക്കർ കില്ലിങ് സീരിസിലെ കൊലപാതകങ്ങൾക്ക് പിന്നിലെ കഥ എന്തു….. കഥ കഥാകാരനിൽ നിന്നു തന്നെ നേരിട്ട് അറിയാം… This is Gouri Parvathi for 24×7 news…..”

കുറച്ചു നിമിഷത്തെ ഇരുട്ടിനു ശേഷം സ്‌ക്രീനിൽ ജോക്കറിന്റെ മുഖം മൂടി തെളിഞ്ഞു….

 

“പലരും പറയുന്നത് പോലെ ജോക്കർ ഒരു സൈക്കോ അല്ല…. ഗൗരി പറഞ്ഞത് പോലെ ഇതൊരു സീരിയൽ കില്ലിങ്ങും അല്ല….. ഇത് വരെ നടന്ന 5 മരണങ്ങളും ഞാൻ അർപ്പിച്ച ബലി ആണ്….. നല്ല നാളെക്ക് വേണ്ടി ഉള്ള ബലി…..

എന്തിനു എന്ന ചോദ്യത്തിന് ഉത്തരം തരുന്നതിനു മുൻപ് ഞാൻ ആര് എന്ന ചോദ്യത്തിന് ഉത്തരം വേണ്ടേ….”

 

വിനുവിന്റെയും ശൈവയുടെയും മുഖത്ത് ജോക്കർ ആര് എന്നറിയാനുള്ള ആകാംക്ഷ… ഇവർക്ക് മാത്രം അല്ല… ഈ വാർത്ത കാണുന്ന ഓരോ ആളും ആകാംക്ഷയുടെ മുൾ മുനയിൽ ആണ്….

ജോക്കർ തന്റെ മുഖം മൂടി വലിച്ചു ഊരി…..

 

സ്ക്രീനിൽ തെളിഞ്ഞ മുഖം കണ്ട് വിനുവും ശൈവയും ഞെട്ടി തരിച്ചിരുന്നു…..

“നെവിൻ…….” രണ്ടു പേരുടെയും നാവിൽ നിന്നും ഒരെ സമയം അവർ പോലും അറിയാതെ ആ പേര് പുറത്തേക്ക് വന്നു…..

 

മണിക്കൂറുകൾക്ക് മുൻപ്…..

*******************************

ബസ് സ്റ്റോപ്പിൽ നിന്നും ജോക്കറിനു പുറകെ ഉള്ള നടത്തം തുടങ്ങിയിട് ഏകദേശം അര മണിക്കൂറായി…. കാട്ട് വഴി കയറി ഇടിഞ്ഞു പൊളിഞ്ഞ പഴയ ബിൽഡിങ്ങിന് അടുത്തു എത്തിയപ്പോഴേക്കും ഗൗരി തളർന്നിരുന്നു….

 

“ക്ഷീണിച്ചോ…..”

“വെറും വയറ്റിൽ രാവിലെ തന്നെ ഇത്രേം നടന്ന ക്ഷീണിക്കാതെ ഇരിക്കുവോ…..”

“ഇനി ഇത്തിരി കൂടെയേ ഉള്ളു….”

രഹസ്യ വാതിൽ തുറന്ന് തുരങ്കത്തിലേക്ക് കയറിയപ്പോൾ അത്രയും നേരം കൂട്ടി പിടിച്ച ഗൗരിയുടെ ധൈര്യം ഒക്കെ ചോർന്നു പോയി….