??ജോക്കർ 1️⃣3️⃣ [??? ? ?????] 3444

അതിനു ശേഷം അവൾ പറഞ്ഞതൊന്നും എന്റെ കാതിൽ വീണില്ല.. എന്റെ മനസിന്റെ എല്ലാ നിയന്ത്രണവും നഷ്ടപ്പെട്ടിരുന്നു….

വല്ലാത്ത മാനസിക അവസ്ഥയിൽ ആണ് ഞാൻ അവിടെ നിന്നു ബൈക്ക് എടുത്ത് ഇറങ്ങിയത്… മനസ്സ് കയ്യിൽ നിൽകാതെയുള്ള ഓട്ടത്തിൽ വണ്ടി സ്കിഡ് ആയി. ബൈക്കിനു കേടുപാട് പറ്റിയെങ്കിലും ഭാഗ്യത്തിന് എനിക്ക് കാര്യമായ അപകടം ഒന്നും സംഭവിച്ചില്ല…

അങ്ങനെ ഒരു സ്ഥിതിയിൽ വീട്ടിലേക്ക് പോവാൻ തോന്നാത്തത് കൊണ്ടാണ് അടുത്തുള്ള ഇരുമ്പനം പ്ലാന്റേഷന്റെ ഓഫീസിലേക്ക് ചെന്നത്….

അപ്പോഴും എന്റെ മനസ്സു നിറയെ അവളെ എങ്ങനെ സ്വന്തമാക്കാം എന്ന ചിന്ത ആയിരുന്നു….

മാനേജറുടെ കേബിനിൽ ഞാൻ ഇരിക്കുമ്പോഴാണ് യാദൃശ്ചികമായി ദേവയാനി സൂര്യയെ വിളിക്കുന്നതും ഉച്ചയ്ക്ക് ശേഷം ലീവ് ആണെന്ന് അറിയുന്നതും….

ദേവയാനിയെ തനിയെ കണ്ട് സംസാരിക്കാൻ ഒരു ചാൻസ് ആണെന്ന് മനസ്സിലായപ്പോൾ വിട്ടു കളയാൻ തോന്നിയില്ല… ഞാൻ പ്ലാൻ ചെയ്ത പോലെ കാര്യം നടന്നപ്പോൾ അവൾ കാർ പാർക്കിങ്ങിൽ എത്തി… സൂര്യക്ക് പകരം എന്നെ അവിടെ കണ്ടപ്പോൾ ദേവയാനി ഒന്ന് പരുങ്ങി…. എനിക്ക് സംസാരിക്കണം എന്റെ കൂടെ വരണം എന്ന് പറഞ്ഞപ്പോൾ അവൾ തിരികെ പോകാൻ ശ്രമിച്ചു….. ഞാൻ എത്ര ശ്രമിച്ചിട്ടും അവൾ കൂട്ടാക്കാതെ വന്നപ്പോൾ അപ്പോഴത്തെ ദേഷ്യത്തിൽ ഞാൻ അവളെ അടിച്ചു…. അടിയേറ്റ് അവളുടെ ബോധം പോയി….