??ജോക്കർ ? [??? ? ?????] 3376

Day 12/21

24X7 ന്യൂസ് ഓഫീസ്

9.00am

പ്രോഗ്രാം ഹെഡ് മുബഷിനയുടെ റൂമിലേക്ക് ഗൗരി കയറി…

“ആരിത്… ഗൗരിയോ… യാത്ര പറയാൻ വന്നു കണ്ടില്ലലോ എന്ന് ഞാൻ ഇപ്പൊ കൂടെ വിചാരിച്ചതെ ഉള്ളു….”

“മ്മ്….”

“പിന്നെ… എന്താ നെക്സ്റ്റ് പ്ലാൻ…. വേറെ ഓപ്പണിങ്സ് നോക്കുന്നുണ്ടോ….”

“ഏയ്യ്.. ഞാൻ എവിടെ പോകാനാ നിങ്ങളെയൊക്കെ വിട്ട് … ഇവിടെ തന്നെ തുടരാനാ എന്റെ പ്ലാൻ….”

“ഹഹഹഹ… ജോക്ക്…

“മുബഷിനക്ക് ജോക്ക് ആയിട്ട് തോന്നുവായിരിക്കും…. സാരല്ല….”

ഗൗരി തന്നെ പേരെടുത്ത് വിളിച്ചത് കേട്ട് മുബഷിന ഒന്ന് ഞെട്ടി…

“ടെർമിനേഷൻ ലെറ്റർ അടിച്ചു തന്നത് മറക്കണ്ട….”

“ഏയ്യ് നല്ല ഓർമയുണ്ട് …. ഇന്നലെ വൈകിട് 6 മണി വരെ എനിക്കുള്ള ടൈം…. എന്ന് വെച്ചാൽ ഇപ്പോൾ ഞാൻ നിങ്ങളുടെ സ്റ്റാഫ് അല്ല എന്ന് അല്ലെ….”

“ഹ….”

“അപ്പൊ മുബഷിന ഒരു കാര്യം ചെയ്യു…. ദേ ഈ പെൻഡ്രൈവിൽ ഒരു ചെറിയ വീഡിയോ ഉണ്ട്…. ഒന്ന് കണ്ട് നോക്ക്….”

ഗൗരി കയ്യിലിരുന്ന പെൻഡ്രൈവ് മുബഷിനയ്ക്ക് നേരെ നീട്ടി… ആദ്യം ഒന്ന് മടിച്ചെങ്കിലും പിന്നീട് സിസ്റ്റത്തിൽ കണ്ണക്ട് ചെയ്ത് പ്ലേ ചെയ്തു….

സ്ക്രീനിൽ സച്ചിന്റെയും ജോക്കറിന്റെയും മുഖം കണ്ടതും മുബഷിനയ്ക്ക് പരവേശം ….

“ഇത് 10 സെക്കന്റെ ഉള്ളു… സാമ്പിൾ…. ഒറിജിനൽ വീഡിയോ 30 മിനുട്ടോളാം ഉണ്ട്….”

മുബഷിന കയ്യിലുള്ള കർച്ചിഫ് കൊണ്ട് വിയർപ്പ് തുടച്ചു….

“എനിക്ക് മുബഷിനയോട് ഒന്നും പറയാൻ ഇല്ല… ചീഫ് ഓപ്പറേറ്റിംഗ് ഓഫീസർ രവികുമാർ സർമായ് എനിക്ക് ഒരു അപ്പോയിന്റ്മെന്റ്റ് വേണം… മുബഷിന എടുത്തു തരുമോ അതോ ഞാൻ വിളിക്കണോ… അതോ വേറെ ചാനലിലേക്ക് പോകണോ……”

COO ഓഫീസ്

ഗൗരി കൊടുത്ത പെൻഡ്രൈവ് ലാപ്ടോപ്പിൽ കണക്ട് ചെയ്തു COO പ്ലേ ചെയ്തു….

“സോ… ഈ വീഡിയോ ചാനലിൽ പബ്ലിഷ് ചെയ്യുന്നതിനു ഗൗരിയുടെ ഡിമാൻഡ് എത്രയാ….”

“സർ…????”

“ഗൗരി ഇപ്പൊ ഈ ചാനലിലെ സ്റ്റാഫ് അല്ലാലോ… ഈ വീഡിയോ ഞങ്ങൾക്ക് തരുന്നതിനു പകരം ഞങ്ങൾ എത്ര രൂപയാണ് തരേണ്ടത്…. ഗൗരി പറയുന്നതാണ് ഈ വീഡിയോയുടെ വില…..”

“എന്തു തരും……”