🔺🔻ജോക്കർ 🔟 [𝓢𝓪𝓲 𝓥 𝓐𝓼𝓱𝓪𝓷] 3375

ഇരുമ്പനം പ്ലാന്റേഷൻ ഗസ്റ്റ് ഹൗസ്

വർഗീസിന്റെ മുന്നിൽ നെവിൻ തല കുനിച്ചു നിൽപ്പുണ്ട്….

“ജോക്കറിനെ കണ്ടു പിടിക്കാൻ പോയിട്ട് എന്തായി….?”

“ഡാഡി അത്….”

“നാട് നീളെ തെണ്ടി നടന്നു തിരിച്ചു വന്നു അല്ലെ….”

“പിന്നെ ഞാൻ എന്തു ചെയ്യണമായിരുന്നു… ഇതൊക്കെ കണ്ടു ചുമ്മാ ഇരിക്കണോ …????

“വേണ്ട… പക്ഷെ ഇത് പോലെ വിറളി പിടിച്ചു ഓടുവല്ല വേണ്ടത്…..”

“മ്മ്….”

“അന്വേഷിച്ചിട്ട് എന്തായി….?”

“ഒന്നും കിട്ടിയില്ല… അവളുടെ അനിയൻ ദേവദത്തൻ വർക്ക് ചെയ്യുന്ന കമ്പനിയിൽ ഞാൻ പോയിരുന്നു… കഴിഞ്ഞ 3 കൊല്ലത്തിത്തിനിടയ്ക്ക് മൂന്ന് ദിവസം മാത്രമാണ് അവൻ ലീവ് എടുത്തത്… അതും ഒരു വർഷം മുൻപ്… അപ്പൊ പിന്നെ അവനെ സംശയിക്കുന്നതിൽ കാര്യം ഇല്ലാലോ…

ദേവൂന്റെ ഫ്രണ്ട്‌സ് എല്ലാരോടും അന്വേഷിച്ചു… അവൾക്ക് കാമുകൻ ഉള്ളതായി അവർക്ക് ആർക്കും അറിയില്ല…. ഇനി അഥവാ ആർക്കും അറിയാത്തൊരു കാമുകൻ ഉണ്ടെങ്കിൽ നമ്മൾ എങ്ങനെ കണ്ടെത്തും….”

“മ്മ്…..”

“നോക്കാം… നമ്മൾക്കു മുന്നിൽ ഇനിയും 11 ദിവസം ഉണ്ട്….”
*********************************************
Day 11/21

രാവിലെ യാത്ര പറഞ്ഞു ഇറങ്ങുമ്പോൾ സൂചിയുടെ മുഖം മേഘാവൃതം ആയിരുന്നു…. വിനുവിന്റെ അവസ്ഥയും മറിച്ചല്ല….

കാറിൽ കയറുന്നതിനു മുന്നേ മിഥുൻ സൂചിക്ക് നേരെ തിരിഞ്ഞു….

“കോഴിക്കോട്നു തിരിച്ചു പോകുമ്പോൾ വിനുന്റെ കൂടെ സൂചിയും ഉണ്ടാവും… സങ്കടം വേണ്ടാട്ടോ…..” അത് കേട്ടപ്പോഴേക്കും സൂചിയുടെ മുഖം ഒന്ന് തെളിഞ്ഞു….

അവിടെ ക്വാർട്ടേഴ്‌സ് ഉണ്ടല്ലോ…. ആ പിന്നെ…. ഇന്നലെ വിളമ്പിയ സ്പെഷ്യൽ ഒക്കെ ഉണ്ടാക്കാൻ പഠിച്ചിട്ട് വേണം വരാൻ കേട്ടോ….

കൈലാസത്തിന്റെ ഗേറ്റ് കടന്നു കാർ മുന്നോട് നീങ്ങി…. 15 മിനിറ്റ് നേരത്തെ യാത്രക്കൊടുവിൽ ഒരു ചെറിയ പഴക്കം തോന്നിക്കുന്ന ഓടിട്ട വീടിനു മുന്നിൽ കാർ നിന്നു….. കാറിന്റെ ശബ്ദം കേട്ട് അകത്തു നിന്നു സൗമ്യനായ ഒരു ആൾ പുറത്തേക്ക് വന്നു…

മൂന്ന് പേരെയും അയാൾ ഒരു പുഞ്ചിരിയോടെ അകത്തേക്ക് ക്ഷണിച്ചു….

“ഓരോ ചായ ആകാം അല്ലെ….”

“കട്ടൻ മതി രാമേട്ട….”

അഞ്ച് മിനുട്ടിനുള്ളിൽ ആവി പറക്കുന്ന ചായയുമായി രാമേട്ടന്റെ മകൾ അവിടേക്ക് വന്നു….

“എന്റെ മോളാ… അദിതി…”