🔺🔻ജോക്കർ 🔟 [𝓢𝓪𝓲 𝓥 𝓐𝓼𝓱𝓪𝓷] 3375

“ഗൗരി… തന്ന വാക്ക് ഞാൻ പാലിക്കുവാണ് … നാളെ രാത്രി 9 മണി അതേ പെട്രോൾ പമ്പ്…..”

“കുറച്ചു വൈകി പോയോ എന്ന് ഡൌട്ട്….. നാളെ എന്റെ 15 ദിവസത്തെ നോട്ടീസ് പീരീഡ് കഴിയും…..”

“ഹഹഹഹ…. നാളെ നിന്റെ കയ്യിൽ വരാൻ പോകുന്ന വാർത്തയുടെ വലുപ്പം നിനക്ക് അറിയാഞ്ഞിട്ട ഗൗരി… ”

“എന്തായാലും ഞാൻ വരാം…..”

പിറ്റേന്ന് (11/21)

വൈകിട്ടോടെ ഗൗരി ചുരം കയറി ഒപ്പം അധീനയും… അന്ന് നടന്ന കാര്യങ്ങൾ മറച്ചു വെച്ചതിൽ അധീനയ്ക് പിണക്കം ഉണ്ടായിരുന്നെങ്കിലും പിന്നെ അത് മാറി..

എട്ടെമുക്കാലോടെ അവർ പമ്പിനു സമീപം എത്തി… ഒൻപതു മണിക്ക് അടുപ്പിച്ചു മുഖം മുഴുവൻ മൂടുന്ന തരത്തിൽ ഹെൽമെറ്റ് ധരിച്ചു ഒരു ചെറുപ്പക്കാരൻ ബൈക്കിൽ വന്നു ഗൗരിയുടെ കാറിനുള്ളിലേക്ക് ഒരു പൊതി എറിഞ്ഞിട്ട് അവിടെ നിന്നും പോയി….

ആദ്യം ഒന്ന് അമ്പരന്നെങ്കിലും ഗൗരി പെട്ടെന്ന് തന്നെ ആ പൊതി എടുത്തു തുറന്ന്… ഉള്ളിൽ ഒരു പെൻഡ്രൈവ് …

ഗൗരി പെൻഡ്രൈവ് ലാപ്ടോപ്പിൽ കണക്ട് ചെയ്ത്, അതിനുള്ളിലെ വീഡിയോ പ്ലേ ചെയ്‌തു ….

കുറച്ചു നിമിഷങ്ങൾ എന്തു ചെയ്യണം എന്നറിയാതെ കണ്ട കാഴ്ചയുടെ ഷോക്കിൽ ഗൗരിയും അധീനയും ഇരുന്നു….

“ഡീ……” സ്വബോധത്തിലേക്ക് വന്ന അധീന ഗൗരിയെ തട്ടി വിളിച്ചു….

“ആം… എഹ്……”

“ഗൗരി….. This is hot…… നിന്റെ കരിയർ മാറാൻ ഈ ഒരൊറ്റ വാർത്ത മതി …….”

ഗൗരിയുടെ കാർ ബത്തേരി ലക്ഷ്യമാക്കി കുതിച്ചു…. ഇരുമ്പനം പ്ലാന്റേഷൻറെ ഓഫീസിന് മുന്നിൽ എത്തിയപ്പോൾ അധീന കാർ സൈഡിൽ ഒതുക്കി…

“എന്താടി…”

“നിന്റെ ഇൻട്രോ ഷൂട്ട് എല്ലാം തുടങ്ങിയ ഇടത്തു നിന്നു തന്നെ ആവട്ടെ….”

“ഹാം….”

അധീന ക്യാമറ സെറ്റ് ചെയ്തു…. ഒന്ന് ശ്വാസം എടുത്ത് ഗൗരി സംസാരിക്കാൻ ആരംഭിച്ചു….

” ഒരു തെറ്റിന് മറുപടി മറ്റൊരു തെറ്റല്ല…. ഒരു ജീവൻ മറ്റൊരു ജീവന് പകരവുമല്ല…. നമുക്ക് ചുറ്റും നടക്കുന്ന പല കുറ്റകൃത്യങ്ങൾക്കും പിന്നിൽ ഒരു പ്രതികാരം ഉണ്ടാകാം…. സംരക്ഷിക്കേണ്ടവർ തന്നെ ജീവനെടുക്കുമ്പോൾ പൊതുജനം ഇങ്ങനെയും ചിലപ്പോൾ പ്രതികരിച്ചേക്കാം ….

നിങ്ങൾ കാണുക… നിങ്ങൾ തീരുമാനിക്കുക… ശെരിയോ തെറ്റോ എന്ന്….. ”

ഗൗരി അധീനയെ നോക്കി…

“പെർഫെക്റ്റ്…..”
*********************************************