🔱കരിനാഗം 5🔱

Author : ചാണക്യൻ

[ Previous Part ]

 

ഹാളിലേക്ക് എത്തി ചേർന്ന മഹാദേവ് കാണുന്നത് ആസാദി കുടുംബങ്ങൾക്കൊപ്പം വെടി വർത്തമാനം പറയുന്ന രാധമ്മയെ ആയിരുന്നു.

അവൻ അങ്ങോട്ടേക്ക് കടന്നു വന്നതും അവർ പൊടുന്നനെ നിശബ്ദരായി.

അപ്പോഴാണ് ചന്ദ്രശേഖർ അവനെ കാണുന്നത്.

“ഹാ മഹി നിനക്കൊരു ജോലിയുണ്ട്”

“എന്താ ദാദ ?”

മഹി ഔൽസുക്യപൂർവ്വം ചോദിച്ചു.

“നീ മുക്തപൂർ റെയിൽവേ സ്റ്റേഷനിൽ പോകണം…………… അവിടെ 12 മണിക്ക് മുംബൈയിൽ നിന്നുമുള്ള ട്രെയിനുണ്ട്……………….അതിൽ ആലിയയുടെ ടീച്ചറിന്റെ സുഹൃത്ത് വരും…………..കേരളത്തിൽ നിന്നാ…………….നമ്മുടെ രംഗോലി ഉത്സവം ആദ്യമായി കാണാൻ വരുന്നതാ……………നമ്മുടെ ആലിയ മോളാ അവരെ ക്ഷണിച്ചത്……………….അപ്പൊ അവർ നമ്മുടെയും ഗസ്റ്റ് ആണ്…………….അപ്പൊ അവരെ നീ വേണം പോയി കൂട്ടിക്കൊണ്ടു വരാൻ…………….. അവർക്കുവേണ്ട എല്ലാ സഹായങ്ങളും നീ വേണം ചെയ്യാൻ………………നിന്നെ ഞാൻ ആ ഉത്തരവാദിത്തം ഏൽപ്പിക്കുന്നു”

ചന്ദ്രശേഖർ അവനെ ചുഴിഞ്ഞു നോക്കിക്കൊണ്ട് പറഞ്ഞു.

അദ്ദേഹം പറയുന്ന ഏതൊരു ആജ്ഞയും അവൻ ശിരസാൽ വഹിച്ചിട്ടേയുള്ളൂ.

“ശരി ദാദ ഞാൻ പോയി വരാം”

മഹി സമ്മതം അറിയിച്ചു.

“മഹി അമിത്തിന്റെ ജീപ്പ് എടുത്തോളൂ കേട്ടോ”

ഉമാദേവി അവനെ നോക്കി പറഞ്ഞു.

അതുകേട്ടതും മഹി വീണ്ടും തലയാട്ടി.

രാധമ്മ അവനെ നോക്കി കളിയാക്കി ചിരിച്ചു.