?കരിനാഗം 18?[ചാണക്യൻ] 349

യക്ഷമി പതിയെ തന്റെ മുല്ലമൊട്ടു പോലത്തെ ദന്തങ്ങൾ കാട്ടി പുഞ്ചിരിച്ചു.

അവർക്കിപ്പോ എങ്ങനുണ്ട്? കുറവുണ്ടോ?

അന്ന് രുദ്രരൂപയുടെ ആക്രമണത്തിൽ നിന്നും രക്ഷിച്ച അലോകിനെയും വാഖയെയുമാണ് മഹി ഉദ്ദേശിക്കുന്നതെന്ന് യക്ഷമി മനസിലാക്കി.

ഉവ്വ് മഹി കുറവുണ്ട്……ഇപ്പൊ ഡിസ്ചാർജ് ആയി വീട്ടിൽ ഉണ്ട് രണ്ടാളും….. റെസ്റ്റിലാ.

നല്ലതന്നെ……. നല്ലോണം റസ്റ്റ്‌ എടുക്കാൻ പറാട്ടോ അവരോട്

തീർച്ചയായും

യക്ഷമി തലയാട്ടി.

അല്ല എന്തോ ഹെല്പ് വേണമെന്ന് പറഞ്ഞല്ലേ എന്നെ വിളിച്ചു വരുത്തിയത്? എന്താ സംഭവം?

യക്ഷമി തിരക്കി.

അത്‌……… അത്‌ പിന്നെ……… ഞാൻ…… പിന്നെ

മഹി കിടന്ന് വിക്കുന്നത് കണ്ടു യക്ഷമിയ്ക്ക് ചിരി പൊട്ടി.

എന്താണ് മഹി ഒരു പരുങ്ങലൊക്കെ? ധൈര്യായിട്ട് പറയെടോ

യക്ഷമി ധൈര്യം കൊടുത്തതും ഉള്ളിലെ ആ ചളിപ്പ് ഓക്കെ വിട്ടു മാറുന്ന പോലെ മഹിക്ക് തോന്നി.

ഇപ്പൊ ഇച്ചിരി ധൈര്യം വച്ച പോലെ.

യക്ഷമി……. അത്‌ പിന്നെ……. എനിക്ക് ഒരു പെണ്ണിനെ കണ്ടു പിടിച്ചു തരണം

മഹി പറയുന്നത് കേട്ട് യക്ഷമി അവനെ കൂർപ്പിച്ചു നോക്കി.

പെണ്ണോ? ഏത് പെണ്ണ്?

അവളിലെ ആകാംക്ഷ മഹിക്കും തിരിച്ചറിയാൻ പറ്റുന്നുണ്ടായിരുന്നു.

അങ്ങനെ ചോദിച്ചാൽ അത്‌ ആരാണെന്നൊന്നും എനിക്ക് അറിഞ്ഞൂടാ

മഹിയുടെ മറുപടി കേട്ട് യക്ഷമി മിഴുങ്ങസ്യയായി.

ആരാണെന്ന് അറിയാത്ത പെണ്ണിനെ കണ്ടു പിടിക്കണമെന്നോ? എന്താ സംഭവം? ഫോട്ടോ വല്ലതുമുണ്ടോ?

മ്ച്ചും.

യക്ഷമിയുടെ ചോദ്യത്തിന് ഇല്ലെന്ന് അവൻ തലയാട്ടി.

പിന്നെങ്ങനെ കണ്ടു പിടിക്കും മഹി

യക്ഷമി നിസ്സഹായതയോടെ ചോദിച്ചു.

പെണ്ണ് എന്റെ കോളജിൽ പഠിക്കുന്നതാ.

പിന്നെയാണോ കണ്ടു പിടിക്കാൻ പാട്?

യക്ഷമി അസൽ തുറിച്ചു നോട്ടം തന്നെ അവന് സമ്മാനിച്ചു.

ആ പെണ്ണ് ആരാണെന്ന് അറിയാഞ്ഞിട്ടല്ലേ ഞാൻ തന്റെ സഹായം തേടിയെ

മഹി തന്റെ ഭാഗം ന്യായീകരിച്ചു.

ഇതൊക്കെ കേട്ട് യക്ഷമിയുടെ കിളികൾ പറന്നു നടക്കുകയാണെന്ന് പറഞ്ഞാൽ മതിയല്ലോ

മഹിയുടെ ദുരുദ്ദേശം അവൾക്ക് പിടി കിട്ടിയില്ല.

എന്റെ പോന്നു യക്ഷമി……. എന്നെ കുറെ നാളായിട്ട് വട്ടം കറക്കുന്ന ഒരു പെണ്ണുണ്ട്…… അവളെ കണ്ടു പിടിക്കുന്ന കാര്യമാ പറഞ്ഞെ

മഹി ചിരിയോടെ പറയുന്നത് യക്ഷമി അത്ഭുതത്തോട് കേൾക്കുകയായിരുന്നു.

ങ്‌ഹേ……. വട്ടം കളിപ്പിക്കുന്ന പെണ്ണോ? ഡീറ്റൈൽഡ് ആയിട്ട് പറ