?കരിനാഗം 18?[ചാണക്യൻ] 349

അലോക് അതൊക്കെ ചിന്തിച്ചുകൊണ്ട് പയ്യെ എഴുന്നേറ്റു.

എന്നിട്ട് അവിടെ ഇരുന്നു ചുറ്റും നോക്കികൊണ്ട് ശുദ്ധവായു ശ്വസിച്ചു.

ആ കാഴ്ച്ച കണ്ടു ബ്രഹസപതിയും മാതംഗിയും വാമിഖയും ഓടി വന്നു.

കുമാരാ…… എങ്ങനുണ്ട് ഇപ്പൊ? പൂർണ ആരോഗ്യവും വീണ്ടെടുത്തില്ലേ?

മാതംഗി ആകാംഷയോടെ ചോദിച്ചു.

ഉവ്വ് മാതംഗിയമ്മേ……. ഞാൻ തിരിച്ചു വന്നിരിക്കുന്നു.

അലോക് ഉത്സാഹത്തോടെ എഴുനേറ്റ് നിന്നു.

എന്നിട്ട് കൈയും കാലും ഒക്കെ അനക്കി ഉഷാർ വീണ്ടെടുത്തു.

ബ്രഹസ്പതി ആയിരുന്നു ഈ കാഴ്‌ച കണ്ടു കോരിത്തരിച്ചത്.

അന്ന് കരിനാഗാജരെ സംബന്ധിച്ചു ഉത്സവത്തിനു സമാനമായിരുന്നു.

കാരണം അവരുടെ രാജകുമാരന്റെ അതും വരും കാല ചക്രവർത്തിയുടെ ഉയിർത്തെഴുന്നേൽപ്പിനാണ് അവിടെ സാക്ഷ്യം വഹിച്ചത്.

——————————————————–

 

ചിറ്റൂർ ഹൈവേയിലെ ഒരു റെസ്റ്റോറന്റിന് മുന്നിൽ ജീപ്പിലെ ബോണറ്റിൽ ചാരിയിരിക്കുവാണ് മഹി എന്ന മഹാദേവ്.

ഇളം കാറ്റിൽ അവന്റെ നീണ്ടു വളർന്ന മുടിയിഴകൾ അനുസരണക്കെടോടെ ആ കാറ്റിനൊപ്പം ഇളകിയാടുന്നു.

ഇട്ടിരിക്കുന്നത് ഒരു ടൈറ്റ് ബ്ലാക്ക് ഷർട്ട് ആയതിനാൽ അവന്റെ ദൃഢമായ പേശികളും കായ ബലമുള്ള ശരീരവും വ്യക്തമായി തെളിഞ്ഞു കാണാം.

ഹെയർ ബാൻഡ് കൊണ്ടു മഹി മുടി പിന്നിലേക്ക് വലിച്ചിട്ടു അവിടെ സ്ഥിരമായി വച്ചു.

പതിവ് പോലെ നേർത്ത നക്ഷത്രക്കണ്ണുകൾ തെളിഞ്ഞു തന്നെ നിന്നു.

ആ സമയം ഒരു ബുള്ളറ്റ് പൊടി പറത്തിക്കൊണ്ട് ഹുങ്കാര ശബ്ദത്തോടെ അവന് സമീപം വന്നു നിന്നു.

ബുള്ളറ്റ് ഓടിച്ചയാൾ ജാക്കറ്റും ജീൻസും ആയിരുന്നു ധരിച്ചിരുന്നത്.

ഇട്ടിരുന്ന ഹെൽമെറ്റ്‌ ഊരിയതും ആളുടെ മുഖം വ്യക്തമായി.

അത്‌ മാറ്റാരുമായിരുന്നില്ല.

യക്ഷമി തന്നെയായിരുന്നു.

ബുള്ളറ്റിൽ നിന്നുമിറങ്ങി ഹെൽമെറ്റ്‌ മിററിൽ കോർത്തിട്ട് യക്ഷമി മഹിയ്ക്ക് സമീപം നടന്നു വന്നു.

എന്താണ് വാധ്യാരെ…….. നമ്മളെയൊക്കെ മറന്നോ?

യക്ഷമി വന്നപാടെ അവന്റെ വയറിൽ ഒരു കുത്തു വച്ചു കൊടുത്തു.

ആഹ്.

മഹി വയറും പൊത്തി പിടിച്ചുകൊണ്ട് അവളെ തുറിച്ചു നോക്കി.

ഡീ ദുഷ്ടേ……. എന്തൊരു വേദനയാ…… ഞാനിപ്പോ ചത്തേനെ.

മഹി പരാതി പറയുന്നത് കേട്ട് യക്ഷമി പൊട്ടിച്ചിരിച്ചു.

ഉവ്വാ….. വയറിൽ കട്ടകട്ടയായിട്ട് ഉരുട്ടി കേറ്റി വച്ചിരിക്കുവല്ലേ…… എന്റെ വിരലാ പോയത്.

യക്ഷമി പതം പറഞ്ഞു.

ഓഹ് പിന്നെ……. എനിക്ക് കുടവയറാ….. ദേ കണ്ടില്ലേ?

വയറു തള്ളി പിടിച്ചുകൊണ്ട് മഹി പറഞ്ഞു.