?കരിനാഗം 18?[ചാണക്യൻ] 349

കണ്ടറിയാം എന്ത് സംഭവിക്കുമെന്ന്.

ഇരുവരും ഏത് നിമിഷവും അവരവരുടെ യഥാർത്ഥ രൂപങ്ങളിലേക്ക് മാറാൻ തയാറായിയാണ് നിൽപ്പ്.

അപ്പൊ മഹിയുടെ ജീപ്പിൽ പൂവ് കൊണ്ടു വയ്ക്കുന്ന ചന്ദന വാസനയുള്ള പെണ്ണ്…….. മഹി തേടുന്നവൾ……അത്‌ നീയാണല്ലേ രുദ്രാ?

അത്രയും രോഷത്തോടെയായിരുന്നു യക്ഷമി ആ ചോദ്യം ഉന്നയിച്ചത്.

യക്ഷമി പറയുന്നത് അതിലും ക്രോധത്തോടെ ശ്രവിക്കുകയായിരുന്നു രുദ്രരൂപ.

മഹിയെ അറിയാൻ മാത്രം പരിചയം ഇവർ തമ്മിലെങ്ങനെ?

ഇതായിരുന്നു രുദ്രയെ കുഴപ്പിച്ചു കൊണ്ടിരുന്ന ചോദ്യം.

ഏതായാലും അവളുടെ ചോദ്യത്തിന് മറുപടി പറയാൻ രുദ്രരൂപ തയാറായി.

നീ പറഞ്ഞത് അത്രയും സത്യം കരിനാഗ രാജകുമാരി യക്ഷമി…….. മാഷ് തേടിയലയുന്ന പെൺകുട്ടി ഈ ഞാൻ തന്നെയാണ്…….. ഞാൻ മാഷിനെ അത്രത്തോളം ഇഷ്ടപ്പെടുന്നു…… വാക്കുകൾ കൊണ്ട് അതിന്റെ ആഴം അളക്കാൻ നിനക്ക് സാധിക്കില്ല യക്ഷമി…….. നീയുമായി മാഷിന്റെ ബന്ധം എന്തെന്ന് എനിക്ക് ഇതുവരെയും അറിയില്ല…… പക്ഷെ ഇനി മുതൽ ഞങ്ങളുടെ ഇടയിൽ നീയൊരു കരടായി വേണ്ട

രുദ്രരൂപ ശാസനയോടെ പറഞ്ഞു.

ഈ പ്രണയം ഞാനൊരിക്കലും അംഗീകരിക്കില്ല രുദ്രരൂപ…… നിനക്ക് പുശ്ചം തോന്നുന്നില്ലേ രുദ്രാ കേവലം ഒരു മനുഷ്യനുമായി പ്രണയത്തിലകപ്പെടാൻ…… സർപ്പ കുല ധർമങ്ങളിലെ നിയമ സംഹിതകൾ നീ അറിഞ്ഞുകൊണ്ട് കളങ്കം വരുത്തുകയാണോ?

അങ്ങേയറ്റം പുശ്ചത്തോടെ ആയിരുന്നു യക്ഷമി അത്‌ പറഞ്ഞത്.

ഹ…………. ഹ…………… ഹ്……….. നിനക്ക് തെറ്റുപറ്റി യക്ഷമി……. മാഷ് നീ കരുതുന്ന പോലെ കേവലമൊരു മനുഷ്യനല്ല…… ഞങ്ങളെ പോലെ സർപ്പ കുലത്തിൽ പെട്ടവനാണ്……. എന്നാൽ അജ്ഞാതമായ കാരണങ്ങളാൽ മാഷ് ഇപ്പോഴും തിരിച്ചരിഞ്ഞിട്ടില്ല താനൊരു സർപ്പമാണെന്ന്…… ആ നഗ്ന സത്യം അദ്ദേഹത്തെ ഞാൻ അറിയിക്കും…… അതിലൂടെ എന്റെ പ്രണയത്തെ സ്വന്തമാക്കി ഞാൻ എന്റെ പ്രണയത്തെ മഹാതലത്തിലേക്ക് കൊണ്ടു പോകും…… പിന്നീട് സർപ്പ ലോകത്തിൽ ഞങ്ങൾ സസുഖം വസിക്കും……..ഈ ഭൂമി വിട്ടു പോകുന്നതിന് മുന്നേ കരിനാഗ രാജകുമാരന്റെ അന്ത്യം കൂടി കണ്ടിട്ടേ ഈ രുദ്രരൂപയ്ക്ക് മടക്കമുള്ളൂ.

യക്ഷമിയെ പ്രകോപിപ്പിക്കുവാനായി രുദ്ര പറഞ്ഞു.

വിഡ്ഢിത്തം വിളമ്പാതിരിക്കൂ സർപ്പ രാജകുമാരി……… മഹി കേവലം ഒരു മനുഷ്യൻ മാത്രമാണ്…….. പ്രണയത്താൽ അന്ധമായ നിന്റെ കണ്ണുകൾ കൊണ്ട് അങ്ങനെ കാണ്ടേണ്ടി വരുന്നതിൽ ഞാൻ ലജ്ജിക്കുന്നു.

യക്ഷമി വീറോടെ പറഞ്ഞ വാക്കുകൾ രുദ്രരൂപക്ക് കുറിക്ക് കൊള്ളും വിധമായിരുന്നു.

മാഷ് മനുഷ്യനായാലും സർപ്പമായാലും നാം എടുത്ത തീരുമാനത്തിൽ നിന്നും പിന്നോട്ടില്ല…….. നമ്മുടെ പ്രണയം അത്‌ മാഷാണ്……. അത്‌ സ്വന്തമാക്കാതെ ഈ ഭൂമി വിട്ട് ഞാൻ മടങ്ങില്ല…….. ഇത് സത്യം……… സത്യം………. സത്യം…………

ക്രോധത്താൽ വിറളി പൂണ്ട രുദ്രരൂപ ആക്രമിക്കാനായി തയാറെടുത്തു.

തന്റെ പ്രണയത്തെ തട്ടിയകറ്റാൻ വന്ന യക്ഷമിയെ ഏതു വിധേനയും തീർക്കണമെന്ന് കരുതുന്ന രുദ്രരൂപയും മഹിയെ പ്രണയം നടിച്ചു കൊലപ്പെടുത്താൻ വന്ന രുദ്രയിൽ നിന്നും മഹിയെ യുദ്ധം ചെയ്താണേലും രക്ഷപ്പെടുത്തണമെന്ന് കരുതുന്ന യക്ഷമിയും.

തീ പാറുന്ന പോരാട്ടം തന്നെ പ്രതീക്ഷിക്കാം.