?കരിനാഗം 18?[ചാണക്യൻ] 349

എന്നാൽ ആ പെൺകുട്ടിയുടെ മുഖം വ്യക്തമായിരുന്നില്ല.

ആ പെൺകുട്ടി കയ്യിൽ റോസപ്പൂവുമായി മഹിയുടെ ജീപ്പിന് അരികിലേക്ക് വരുന്നതും ആ ഡോർ തുറക്കുന്നതും കണ്ടു നിന്ന യക്ഷമി ഞൊടിയിടയിൽ ആഞ്ഞിലിയുടെ തുഞ്ചത്ത് നിന്നും താഴേക്ക് എടുത്തു ചാടി.

എന്നിട്ട് തിരികെ മനുഷ്യരൂപം സ്വീകരിച്ചു.

അവൾ അതീവ സന്തോഷത്തോടെ ജീപ്പിന് അരികിലേക്ക് ഓടി.

കാരണം തങ്ങളുടെ രാജകുമാരന്റെ മനസ് കീഴടക്കിയ പെൺകുട്ടിയെ ഒരു നോക്ക് കാണുക എന്നത് യക്ഷമിയുടെയും ആഗ്രഹമായിരുന്നു.

ഓടിയോടി അവൾ ജീപ്പിന് സമീപം എത്തി.

അപ്പോഴും ആ കാപ്പി കളർ ചുരിദാർ അണിഞ്ഞ പെൺകുട്ടി ഡോർ തുറന്നു ഉള്ളിൽ റോസാപ്പൂ വയ്ക്കാനൊരുങ്ങുകയാണ്.

കുട്ടീ……… ഒരു നിമിഷം

യക്ഷമി ആ പെണ്ണിനെ നോക്കി വിളിച്ചു.

തിരിഞ്ഞു നിൽക്കുന്നതിനാൽ ആ കുട്ടിയുടെ മുഖം ജീപ്പിന്റെ ഉൾവശത്തായിരുന്നു.

യക്ഷമിയുടെ വിളി കേട്ട് ആ പെൺകുട്ടി പിന്തിരിഞ്ഞു നോക്കി.

മുഖാമുഖം ഇരുവരുടെയും കണ്ണുകൾ തമ്മിൽ കോർത്തു.

കാപ്പി നിറമുള്ള നേർത്ത മിഴികളും നീല നിറമുള്ള നേർത്ത നയനങ്ങളും.

തമ്മിൽ കണ്ട മാത്രയിൽ ഇരുവരുടെയും കണ്ണുകൾ വികസിച്ചു.

സ്‌…………….. സ്‌………………….. സ്‌

സ്‌……………….. സ്‌………………….. സ്‌

ശീൽക്കാരത്തോടെ ഇരുവരും പരസ്പരം കൊത്തു കൂടുവാനായി തയാറായി.

പാസ്പരം കൊല വെറിയോടെ പോരാടാൻ ഇരുവരും ഒരുങ്ങി നിന്നു.

കണ്മുന്നിൽ നിൽക്കുന്ന ആളെ കണ്ടു യക്ഷമി പകച്ചു പോയി.

അവളുടെ ദംഷ്ട്രകൾ വെളിയിലേക്ക് ഉന്തി വന്നു.

അവളുടെ തൂവെള്ള നിറമുള്ള ചർമത്തിൽ കറുപ്പ് നിറമുള്ള ശൽക്കങ്ങൾ തെളിഞ്ഞു വന്നു.

ഇതിനും സമാനമായിരുന്നു യക്ഷമിയുടെ എതിരാളിയുടെ അവസ്ഥ.

ആളുടെ ഇരു നിറമുള്ള ചർമത്ത്തിൽ കാപ്പി നിറമുള്ള ശൽക്കങ്ങൾ അങ്ങിങായി തെളിഞ്ഞു വന്നു.

ഒപ്പം മൂർച്ചയേറിയ ദംഷ്ട്രകൾ പുറത്തേക്കുന്തി വന്നു.

യക്ഷമി കണ്ടത് മറ്റാരെയുമായിരുന്നില്ല.

രുദ്രരൂപയെ തന്നെയായിരുന്നു.

പരസ്പരം പോരാടിക്കാൻ യക്ഷമിയും രുദ്രയും വെമ്പി നിന്നു.

കരിനാഗ രാജകുമാരിയും നാഗ കുലത്തിൽ അതിശക്തയുമായ യക്ഷമിയും സർപ്പ രാജകുമാരിയും ഈരെഴുലകിൽ വച്ചു മന്ത്ര – തന്ത്ര വിദ്യകളിൽ കേമിയുമായ അതിശക്തയായ സർപ്പ ശക്തിയുടെ പ്രതിരൂപമായ രുദ്രരൂപയും നേർക്കുനേർ.