?കരിനാഗം 18?[ചാണക്യൻ] 349

യക്ഷമിക്ക് ആകാംക്ഷയടക്കാനായില്ല.

അതെന്താണെന്നോ……. കോളജിൽ പഠിക്കുന്ന ഒരു പെണ്ണ് കുറച്ചു ദിവസമായി എന്റെ ജീപ്പിൽ റോസാപൂ കൊണ്ടു വച്ചു മുങ്ങിക്കളയുകയാണ്…… എനിക്ക് പിടി തരാതെ…… അവളെ ഒന്നു കണ്ടു പിടിക്കണം…… പിന്നെ അവളുടെ പ്രത്യേകത എന്താണെന്ന് അറിയുവോ?

മഹി പുരികം പൊക്കി ചോദിച്ചു.

എന്താ?

അവൾക്ക് നല്ല ചന്ദനത്തിന്റെ മണമാ….. നറുമണം…… ഹോ അതെന്റെ സിരയിലൂടങ്ങനെ ഒഴുകി ഒഴുകി………?

വെയിറ്റ്……….. വെയിറ്റ്……. ആർ യൂ ഇൻ ലവ് വിത്ത്‌ some one എൽസ്

യക്ഷമിയുടെ ചോദ്യം കേട്ട് തന്റെ ഇളം പ്രണയം തരളിതമാവുന്നത് മഹി അനുഭവിച്ചറിയുകയായിരുന്നു.

അറിഞ്ഞൂടാ……. ചിലപ്പോൾ

മഹിയുടെ മറുപടി കേട്ട് യക്ഷമി നടുങ്ങി.

അവൾ വായ് പൊത്തിയാണ് അതിനെ വരവേറ്റത്.

മഹി മറ്റൊരാളെ പ്രണയിക്കുന്നുണ്ടെന്ന് അറിഞ്ഞ നിമിഷം നെഞ്ചിനുള്ളിലാരോ കൊളുത്തി വലിക്കുന്ന പോലെയാണ് യക്ഷമിക്ക് തോന്നിയത്.

എന്തോ മറ്റൊരാൾക്ക് സ്വന്തമാകേണ്ട നിധി താൻ കയ്യേറിയ പോലെ.

ഓർക്കുന്തോറും കണ്ണുകൾ നിറഞ്ഞു വന്ന യക്ഷമി കരയാതിരിക്കാൻ പാടു പെട്ടു.

ജീവിതത്തിൽ ആദ്യമായി യക്ഷമി എന്ന കരിനാഗ രാജകുമാരി വിഷാദം എന്തെന്ന് തിരിച്ചറിഞ്ഞു.

കരച്ചിൽ എന്താണെന്ന് ആദ്യമായി തിരിച്ചറിഞ്ഞു.

കണ്ണുനീരിലെ ഉപ്പു രസം എന്തെന്ന് തിരിച്ചറിഞ്ഞു.

പ്രണയമെന്ന ഒറ്റ വികാരത്താൽ.

പ്രണയമെന്ന വികാരത്താൽ ഏതോ ഒരു കാരഗൃഹത്തിൽ അവളിലെ പ്രണയിനിയെ തളച്ചിട്ടിരിക്കുയാണ്.

ഇനി ഒരിക്കലും രക്ഷപ്പെടാൻ പറ്റാത്തത്ര രീതിയിൽ.

മഹിയുടെ പ്രണയം തനിക്ക് സാധ്യമാവില്ലെന്നും മഹിയുടെ മനസ് മാറ്റാർക്കോ വേണ്ടി മന്ത്രിക്കുന്നുവെന്ന് അറിഞ്ഞ നിമിഷം യക്ഷമി തീരുമാനമെടുത്തു.

ആദ്യമായും അവസാനമായും തന്നിലുണ്ടായ പ്രണയം ഇതാണ്.

ഇതുമാത്രം.

മറ്റൊരു പ്രണയം ഇനി തന്റെ ജീവിതത്തിലില്ല.

യക്ഷമി മനസാലെ കടുത്ത തീരുമാനമെടുത്തു.

എടോ താൻ എന്നെ ഹെല്പ് ചെയ്യുവോ ആ പെണ്ണിനെ കണ്ടെത്താൻ?

മഹിയുടെ അപേക്ഷ കേൾക്കാതിരിക്കാൻ അവൾക്ക് കഴിഞ്ഞില്ല.

ഞാൻ ശ്രമിക്കാം മഹി

ഇടർച്ചയോടെ അവൾ പറഞ്ഞൊപ്പിച്ചു.

താങ്ക്സ്‌ യക്ഷമി……. ഇന്ന് തന്നെ കണ്ടെത്തി തരാമോ?

തിടുക്കം കാരണം മഹി ചാടിക്കയറി ചോദിച്ചു.

എങ്ങനെ?

യക്ഷമിയുടെ സംശയത്തിനുള്ള മറുപടി മഹിയുടെ കയ്യിൽ ഭദ്രമായിരുന്നു.

ഞാൻ ഇന്ന് കോളജിൽ പോയി കഴിഞ്ഞ് താനും വരണം കോളജിൽ…… ഉച്ചയൊക്കെ കഴിഞ്ഞ്……. ഉച്ച കഴിഞ്ഞുള്ള സമയത്താ എന്റെ ജീപ്പിൽ ആ പെണ്ണ് പൂവ് കൊണ്ടു വക്കുന്നത്…… അതാരാണെന്ന് കണ്ടെത്തി എനിക്ക് പറഞ്ഞു തരണം.

മഹിയുടെ ആവശ്യം കേട്ട് യക്ഷമി നിർവികാരതയോടെ ഇരുന്നു.

ഒന്നും ചെയ്യാനാവാതെ.