പ്രതികാരം 3 🔥 [Swaliha] 110

“നിനക്കെന്താ വട്ടുണ്ടോ സമറെ… നല്ലോണം തീരുമാനിച്ചിട്ട് തന്നെ ആണോ ഈ പറയുന്നേ…. ”

“നല്ലോണം തീരുമാനിച്ചുറപ്പിച്ചിട്ട് തന്നെ ഈ പറയുന്നേ,,,, സമറിനൊറ്റ വാക്കേ ഉള്ളൂ… ”

“സത്യത്തിൽ നിനക്ക്‌ പ്രാന്താണ്… ”

“അല്ലാണ്ട് ഇപ്പൊ ഞാൻ എന്ത് ചെയ്യാനാ..???… ഞാൻ എവിടെ പോയാലും അവിടെന്നൊക്കെ അവനൊഴിപ്പിക്കും ,,, അവന്റെ വീട്ടിൽ ആവുമ്പോ സേഫ് അല്ലെ… ”

എന്നും പറഞ്ഞ് ഫോൺ എടുത്തിറങ്ങി,,,റയാനാണെങ്കിൽ ബില്ല് പേ ചെയ്ത് വന്നു.

“ആഹ് പിന്നെ എനിക്കവന്റെ വീടറിയില്ല,,,, സൊ നൈറ്റ്‌ എന്നെ ഒന്ന് ഡ്രോപ്പ് ചെയ്യണം.. ”

മ്മ് എന്നും പറഞ്ഞ് മൂളികൊണ്ട് ഞങ്ങളാ footpath ലുടെ നടന്നു.

* * *

“അതെ…. അവിടെ എത്തിയിട്ട് അവനെങ്ങാനും നിന്നെ പിടിച്ചാൽ നിന്നെ ഞാൻ ആണ് ഇവിടെ കൊണ്ട് വന്ന് വിട്ടതെന്ന് അവൻ അറിയരുത്… ”

“ആഹ് ആലോചിക്കട്ടെ… “എന്ന് ഞാൻ പറഞ്ഞതും അവനെന്റെ തലക്കിട്ടൊരു കൊട്ട് തന്നു. ഓൻ വണ്ടി പെട്ടെന്നു ബ്രേക്ക്‌ ചവിട്ടിയതും ഞാൻ അവനെ എന്താ എന്നുള്ള രീതിയിൽ നോക്കിയതും സ്ഥലം എത്തി എന്നും പറഞ്ഞവൻ ഇറങ്ങി.

“എന്നിട്ട് താൻ ഇതെങ്ങോട്ടാ പോവുന്നെ…??.. “തല പുറത്തേക്കിട്ട് കൊണ്ട് ഞാൻ ചോദിച്ചു.

“എടി കുട്ടി തേവാങ്കെ,,, കുറച്ച് നടക്കാനുണ്ട് വണ്ടിയുടെ ശബ്ദം കെട്ട് എന്തിനാ അവിടെയുള്ള സെക്യൂരിറ്റിയുടെ കണ്ണിൽ പെടുന്നെ,,, നീ ഇറങ്ങുന്നുണ്ടോ… ”

“yah… yah… ”

ഓന്റെ പിന്നാലെ നടന്നു നടന്നു ഒരു കിലോമീറ്റർ താണ്ടിയോ എന്നെനിക്ക് തന്നെ ഡൌട്ട് ഉണ്ട്.അവസാനം ഒ

രു വലിയ വീടിന്റെ ഗേറ്റിന്റെ മുൻപിൽ ഓൻ ഊരക്ക് കയ്യ് കൊടുത്ത് ഒന്നാകെ വീക്ഷിച്ചു,,, ‘ഓഹ് അപ്പോ ഇതാണെല്ലെ വീട് ‘എന്ന് സ്വയം പറഞ്ഞ്കൊണ്ട് ഞാൻ ഗേറ്റിന്റെ മുൻപിൽ ആരെങ്കിലും ഉണ്ടോ എന്ന് നോക്കിയതും ആ സെക്യൂരിറ്റി ചേട്ടൻ ഭയങ്കര ഉറക്കമാണ്.

“അതെ ചിലപ്പോ ഗേറ്റ് തുറന്ന് അകത്തേക്ക് കയറിയാൽ അങ്ങേര് ഉണരാൻ സാധ്യത ഉണ്ട് അത് കൊണ്ട് മതില് ചാടാം… “എന്നൊൻ പറഞ്ഞതും ഞാൻ ‘ഡബിൾ ഓക്കേ ‘ എന്ന് പറഞ്ഞു.

ആദ്യം റയാൻ മതിലിലേക്ക് ഏന്തി വലിഞ്ഞു കയറി നമ്മക്ക് നേരെ കൈ നീട്ടിയതും നമ്മള് ഓന്റെ കൈയിൽ പിടിച് മതിലിൽ കയറി ഇരുന്നു. ഞങ്ങൾ രണ്ട് പേരും മതിലിൽ നിന്ന് ചാടി,,, ഞാനാണെങ്കിൽ അവന്റെ മുറ്റത്ത് കിടക്കുന്ന കാറിന്റെ എണ്ണം നോക്കി അങ്ങനെ തന്നെ നിന്നു .