പ്രതികാരം 3 ? [Swaliha] 110

ഡോർ തുറന്ന് കൊണ്ട് ഞാൻ കലിപ്പിൽ പറഞ്ഞതും അവനൊന്ന് എന്നെ നോക്കി ഇളിച്ചു കാണിച്ചു.

“get lost..”എന്നും പറഞ്ഞ് ഡോർ വൻ ശബ്ദത്തോടെ അടച്ചതും വീണ്ടും ആ റൂമിലെ സാധനം മുഴുവൻ തല്ലി പൊളിച്ചു.

കതകിൽ വീണ്ടും മുട്ട് കേട്ടതും ഡോർ തുറന്ന് ദേഷ്യത്തോടെ തെറി പറയാൻ വേണ്ടി വാ തുറന്നതും മമ്മയെ കണ്ടതും എന്റെ വാ പതിയെ അടഞ്ഞു.

“ഇനി ഈ റൂമിൽ നിന്ന് വല്ല ശബ്ദവും കേട്ടാൽ … “എന്ന് മമ്മ താക്കീതോടു കൂടി പറഞ്ഞ് കൊണ്ട് പോയതും ദേഷ്യം കൊണ്ട് മുഷ്ടി ചുരുട്ടി ചുമരിൽ ആഞ്ഞടിച്ച് കൊണ്ട് ദേഷ്യം തീർത്ത് ബെഡിൽ തലക്കും കൈ കൊടുത്തിരുന്നതും അബി റൂമിലേക്ക് കയറി വന്ന് റൂമിന്റെ കോലം നിരീക്ഷിച്ച് എന്റെ അടുത്ത് വന്നിരുന്നു.

“ഡാ അളിയാ… അവളെന്താടാ ഇവിടെ… ”

“ഇന്നലെ ഞാൻ പ്രസവിച്ച് കൊണ്ട് വന്നിട്ടതാ… എന്തെ നിനക്ക് വേണോ..??.. “എന്ന് ഞാൻ അവനോട് ദേഷ്യം വിട്ട് മാറാതെ പറഞ്ഞു.

“അല്ല നിനക്ക്‌ കുഴപ്പമില്ലെങ്കിൽ… “എന്നെ ദേഷ്യം പിടിപ്പിക്കാൻ വേണ്ടി അവൻ എന്റെ പാന്റിൽ കളം വരയ്ക്കാൻ തുടങ്ങിയതും ഒരൊറ്റ തള്ളായിരുന്നു അവനെ,,, കോപ്പൻ.

“എണീറ്റ് പോടാ നാറി… “എന്നും പറഞ്ഞ് കൊണ്ട് അലറിയതും ഓൻ എനിക്ക് ക്ലോസപ്പിന്റെ ചിരിയങ് പാസ്സാക്കി.

“നീ കാര്യം പറ “എന്നവൻ പറഞ്ഞതും ഞാൻ ഇന്നലെ നടന്നതവന് വിവരിച്ചു കൊടുത്തപ്പോ ഇതൊക്കെ എപ്പോ എന്നാ മട്ടിൽ ചെക്കൻ എന്നെ നോക്കുന്നുണ്ട്.

“അളിയ നീ ഇങ്ങനെ ഹീറ്റ് അവല്ലേടാ… നിനക്കവളെ ഈ വീട്ടിൽ നിന്ന് ഒഴിവാക്കിയാൽ പോരെ… ”

“ആഹ്… ”

“അതിനൊക്കെ ഒരു വഴി ഉണ്ട്.. ”

“എന്ത്???… ”

“അവളെ ഡെയിലി ടോർച്ചർ ചെയ്ത് ടോർച്ചർ ചെയ്ത്,,,, അവസാനം അവള് ഇവിടെ കയറി പോയത് അബദ്ധമായി പോയി എന്ന് തോന്നണം.. അവള് തന്നെ ഇവിടേക്ക് എങ്ങനെ കയറിയോ അതെ പോലെ തന്നെ ഇറങ്ങി പോവണം.അതിന് ഡെയിലി അവളെ വട്ട് പിടിപ്പിക്കണം
.. ഓക്കേ… “എന്നവൻ ചോദിച്ചതും ഡബിൾ ഓക്കേ എന്നും പറഞ്ഞു വേഗം എണീറ്റ് ഫ്രഷ് ആയി ഓൾക്ക് കൊടുക്കേണ്ട പണിയെ കുറിച്ചാലോചിക്കാൻ തുടങ്ങി.

അപ്പോഴാണ് അബി കയറി വന്നത്

“എമി… ദെ അവള് നാസ്ത കഴിക്കാൻ ഇരുന്നിട്ടുണ്ട്… അവൾക്കിട്ട് പണികൊടുക്കാൻ എന്തെങ്കിലുമൊരു ചാൻസ് കിട്ടാണ്ടിരിക്കില്ല… ”

അവൻ എന്റെ കൈയും പിടിച്ച് വലിച്ചൊരൊറ്റ ഓട്ടം ആയിരുന്നു,,, ആ പ്രാന്തി ആണെങ്കിൽ ഇതുവരെ ഭക്ഷണം കാണാത്ത പോലെ വെട്ടി വിഴുങ്ങുന്നുണ്ട്. മമ്മയാണെങ്കിൽ വളരെ കൗതുകത്തോട് കൂടെ ഓളെ നോക്കി പുഞ്ചിരിക്കുന്നുണ്ട്. പല്ല് ഞെരിച്ച് കൊണ്ട് ഞാൻ ഓളെ ഓപ്പോസിറ്റിലുള്ള ചെയർ വലിച്ച് ഇരുന്നു.