പ്രതികാരം🔥 [Swaliha] 98

എനിക്കെന്നെ  പേടിയാവുന്നു   ….. “അവനത്  പറഞ്ഞതും  നമ്മളൊന്ന്  പൊട്ടിചിരിച്ചു  അത് കണ്ട്  ഓന് നമ്മളെ നെറ്റിചുളിച്ചൊന്ന്  നോക്കി.

അപ്പോഴേക്കും  ഓർഡർ  ചെയ്ത  ഐറ്റം കൊണ്ട്  അവൾ  വന്നതും  നമ്മള്  ഒരു  സിപ്  കുടിച്ചു  .

“വാട്ട്‌  ഈസ്‌  ദിസ്‌.. “എന്ന്  ഞാൻ  അവള്കൊണ്ടുവന്ന  കാപ്പിചീനോയിൽ  നോക്കി  ചോദിച്ചതും  അവള്  അത്   നോക്കിയിട്ട്   യാതൊരു  കൂസലും  ഇല്ലാതെ  ക്യാപിച്ചീനോ  എന്ന്  പറഞ്ഞതും . ഞാൻ  അബിയുടെ  മുഖത്തേക്ക്  നോക്കി   അവൻ  നല്ല  ഉഷാറായി  മോന്തി  കുടിക്കുന്നുണ്ട്. അപ്പൊ  തന്നെ  അവന്റെ  കാലിനിട്ട്  ഒന്ന്  കൊടുത്തതും ഓൻ  കുടി  നിർത്തി  എന്നെ  ഒന്ന്  നോക്കി.

“ഒട്ടും  ടേസ്റ്റ്  ഇല്ലാത്ത  സാധനം  ആണോ  നിങ്ങൾ  കസ്റ്റമേഴ്സിന്  കൊടുക്കാറ്… ഇഡിയറ്റ്… ”

“സാർ… ഞാനീ  ഷോപ്പിലെ   വെയിറ്റർ  മാത്രമാണ്… “വളരെ  പുച്ഛം  കലർന്ന  രീതിയിൽ  അവൾ  പറഞ്ഞ് കൊണ്ട്  എങ്ങോട്ടോ  നോക്കിയിരുന്നു.

“അപ്പൊ  താൻ  പറയുന്നത്   ഇതിലൊന്നും   തനിക്കു  യാതൊരു  റെസ്പോണ്സിബിലിറ്റിയും  ഇല്ലെന്നാണോ…???.. നോൺസെൻസ്…”

“തനിക്ക്  വേണെങ്കിൽ  മോന്തിയിട്ട്  പോടോ… അല്ലാതെ  എന്റെ  മെക്കട്ട്  കയറല്ല  വേണ്ടത്… ഞാൻ  തന്റെ  അടിമ  ഒന്നുമലല്ലോ… ”

“കാൾ  ദി  മാനേജർ… “എന്ന്  നമ്മള്  അലറിയതും  അവള്  യാതൊരു  കുലുക്കവുമില്ലാതെ  അവിടെ  നിന്നതും  മാനേജർ  ഓടി  പാഞ്ഞു വന്നിട്ട്  ‘എന്താ  സാർ  എന്താ  പ്രശ്നം’  എന്നൊക്കെ  ചോദിച്ചുകൊണ്ടേ  ഇരുന്നു.

“കസ്റ്റമേഴ്സിനോട്  നല്ല  രീതിയിൽ  പെരുമാറാൻ  അറിയാത്ത  ഇവളെ  പോലെയുള്ളവളെ  ആണോ  ഇവിടെ  ജോലിക്ക്  നിർത്തിയിട്ടുള്ളത്. അൽപ്പം  പോലും  കോമൺസെൻസ്  ഇല്ലെ  തനിക്ക്.”

“ഹലോ  ഹലോ  ഹലോ…. താനെന്താ  പറഞ്ഞ്  വരുന്നതപ്പോ  തനിക്ക്  തരുന്ന  കോഫി  ഞാൻ  ആദ്യം  കുടിച്ചു  നോക്കിയിട്ട്  വേണം  തനിക്ക്  തരാൻ  എന്നാണോ… ഞങ്ങളെ  നാട്ടിൽ  ഒക്കെ  അങ്ങനത്തെ  ആൾക്കാരെ  വെറെ  പേരിലാണ്  അറിയപ്പെടാറ്… ”

അതും  കൂടി  കേട്ടതും  യൂ  എന്നും  പറഞ്ഞ്   ടേബിളിൽ  ഉള്ള  കോഫി  അവളെ  മുഖത്തേക്ക്  ചീറ്റിയതും  അവള്  ജീൻസ്  പേന്റിന്റെ  പോക്കറ്റിൽ  നിന്നും  കർചീഫ്  എടുത്ത്  മുഖമൊന്ന്  തോത്തി  നമ്മളെ  നോക്കി  ചുണ്ട്  കോട്ടി  ചിരിച്ച  ശേഷം  തൊട്ടടുത്ത  ടേബിളിൽ  നിന്നും  ഒരു  ജ്യൂസ്‌  എടുത്ത്  നമ്മളെ  വൈറ്റ്  ഷർട്ടിലേക്ക്   ഒഴിച്ചു. അപ്പോൾ  തന്നെ ചെയറിൽ  നിന്നെണീട്ട്  ദേഷ്യം  കൊണ്ട്  മുഷ്ടി  ചുരുട്ടി  മാനേജരേ  നോക്കി.

“സമർ.. ബീഹെവ്  യുവർ  സെൽഫ്… ഹി  ഈസ്‌  ദി  ഓണർ  ഓഫ്  ദി  ഷോപ്പ്… ”

എന്ന്  മാനേജർ  പറഞ്ഞതും  അവളുടെ  കൈയിൽ  നിന്നും  ജ്യൂസ്‌  ഗ്ലാസ്‌  നിലം  പതിച്ചു. അതുകണ്ടതും  ഞാൻ  അവളെ  ഒന്ന്  ചുണ്ട് കൊട്ടി  ചിരിച്ചു

സോറി  സാർ  എന്ന്  ആ മാനേജർ  എന്നോട്  വളരെ  എളിമയോടെ  പറഞ്ഞു . അപ്പോഴും  എന്റെ  നോട്ടം  വന്നു  പതിഞ്ഞത്  എന്റെ  മുൻപിലുള്ള  അവളിലേക്കാണ്  അതിന്റെ  അർത്ഥം  മനസിലാക്കിയെന്ന  വണ്ണം  ആ  മാനേജർ അവളോട്‌  സോറി  പറയാൻ  ആവശ്യപ്പെട്ടു.