? ഗൗരീശങ്കരം 8 ? [Sai] 1863

ഏഴ് മണിയോടെ പുറപ്പെട്ട് ഞങ്ങൾ പാതിരാത്രിയോടടുത്ത് കൊച്ചിയിലെത്തി. എക്സാമിൻ്റെ ടെൻഷൻ ആണെന്ന് തോന്നുന്നു. ദേവൂട്ടി ഫുൾ സൈലൻ്റായിരുന്നു….

ഉച്ചയ്ക്ക് എക്സാം കഴിഞ്ഞ് ഇറങ്ങിയ ദേവൂട്ടി ഫുൾ ഫോമിലായ്….. നേരെ ചെന്നത് ലുലു മാളിൽ…… എം ഗ്രിൽ ല്ലിൽ കയറി ആക്രമണം ആയിരുന്നു. പിന്നെ ഷോപ്പിംഗ് മെട്രോ….. ആകെ ജഗപൊക……. അവളുടെ താളത്തിന് തുള്ളൽ അല്ലാതെ ഞങ്ങൾക്ക് വേറെ ഓപ്ഷൻ ഇല്ല…

എല്ലാം കഴിഞ്ഞ് റൂമിൽ എത്തിയതും അവൾ ഫ്ലാറ്റ്…..

ഞാനും റൂമിൽ ചെന്ന് ഒന്ന് മയങ്ങി. ?

ഒൻപത് മണിയോടടുപ്പിച്ച് സുജാത ചേച്ചി വിളിച്ചപ്പോഴാണ് ഞാൻ എഴുന്നേറ്റത്……

“മനൂ…. നാളെ നമുക്ക് രാവിലെ തന്നെ വിട്ടാലോ…. അപ്പോ ട്രാഫിക്ക് കുറവായിരിക്കൂലേ……”

“ഒരു നാല് മണി കണക്കായി ഇറങ്ങാം…. അതാവുമ്പോ ഒരു മൂന്നര നാല് മണിക്കൂറ് കൊണ്ട് എത്താം…..”

“ആ…. എങ്കിൽ നീ റിസപ്ഷനിൽ വിളിച്ച് വേക്കപ്പ് കോളിനും, ഓരോ കോഫിയും പറയ്ട്ടോ…. ”

“ഓക്കെ…..”
********************************

രാവിലെ എണീച്ചപ്പോ നല്ല തണുപ്പ്….. ഡ്രൈവ് ചെയ്യണ്ടത് കൊണ്ട് തണുത്ത വെള്ളത്തിൽ തന്നെ കുളിച്ചു.
ഊഫ്….

എല്ല് കല്ലായി പോയി………

കാറിന് അടുത്ത് എത്തിയപ്പോഴേക്കും ദേവൂട്ടി താക്കോലിന് വേണ്ടി കൈ നീട്ടി….

“ഡ്രൈവ് ചെയ്യാൻ സമ്മതിക്കരുത് എന്നാണ് ഓഡർ…….” ഞാൻ മാക്സിമം നിഷ്കു ഭാവത്തിൽ നിന്നു.

അവള് പുരികം പൊക്കി ‘അയിന്’ എന്ന ഭാവത്തിൽ നിൽപ്പുണ്ട്.

“പക്ഷേ ഞാൻ തരും….. ഈ ടൗൺ ഒന്ന് കഴിഞ്ഞിട്ട് പോരേ….. ചെക്കിംഗ് ഉണ്ടാവും…… മാഡത്തിന് ലൈസൻസ് ഒന്നൂല്ലല്ലോ…..”

ഒന്ന് ആലോചിച്ച് എന്തക്കയോ പിറുപിറുത്തു കൊണ്ട് അവൾ ബാക്ക് സീറ്റിൽ കയറി ഇരുന്നു.

മിക്കവാറും ലൈസൻസ് കിട്ടാൻ 18 ആവണം എന്ന് നിയമം ഉണ്ടാക്കിയ ആളെ നന്നായി ഒന്ന് സ്മരിച്ചതായിരിക്കും…..