? ഗൗരീശങ്കരം 8 ? [Sai] 1862

അല്ലേലും പണ്ടേ അങ്ങനാ……. മൂട്ടിൽ വെയിലടിക്കണവരെ കിടന്നുറങ്ങാം എന്ന് വിചാരിച്ചാൽ….

വീട്ടിലാണേൽ അമ്മ സമ്മതിക്കൂല……

വീട്ടിൽ അല്ലേൽ ഫോണും….

ദേവൻ കോളിങ്ങ്…..

“ഹലോ…… ഗുഡ് മോർണിംഗ്….”

“ടാ കോപ്പേ…. നീ എണീറ്റില്ലേ…. സമയം പതിനൊന്ന് ആയി അപ്പോഴാ അവൻ്റെയൊരു ഗുഡ് മോർണിംഗ്….”

“അത്ര അല്ലേ ആയിട്ടുള്ളൂ ….. പന്ത്രണ്ടാണ് എൻ്റെ കണക്ക്….. നീ എന്താ രാവിലെ…. നിനക്ക് അവിടെ പണിയൊന്നൂലേ മൊയ്ലാളീ….”

“പണി കഴിഞ്ഞുന്ന് പറയാനാ വിളിച്ചേ… വൈകിട്ടത്തെ ഫ്ലൈറ്റിന് വരും…”

“വളരെ നല്ല കാര്യം…..”

“നാളെ രാവിലെ ഇങ്ങോട്ട് വാ….. വരുന്നോ കലാകാരനേയും കൂട്ട് ……”

“രാവിലെ ഒന്നും പറ്റുല…. ഉറക്കം ഒക്കെ കഴിഞ്ഞ് ഉച്ചക്കേ വരൂ…..”

“നീ എന്തേലും ആക്ക്….”

കോൾ കട്ട് ആയതും ഞാൻ എഴുന്നേറ്റ് ടെലഗ്രാമിൽ മെസേജ് അയച്ചു.

‘He will reach home by tonight’
***********************************
സഞ്ജു എപ്പഴാ എണീറ്റ് പോയതാവോ …..

ഫ്രഷ് ആയി വന്നപ്പോഴേക്കും വയറ് വിശന്ന് നിലവിളി തുടങ്ങിയിരുന്നു.

നട്ടുച്ച നേരത്തെ പൊരിവെയില് പ്രതീക്ഷിച്ച് പുറത്തിറങ്ങിയ എന്നെ അൽഭുതപ്പെടുത്തിയത് അപ്പോഴും കുളിര് തങ്ങി നിൽക്കുന്ന തണലാണ്.