ഉടനെ തന്നെ അതിലൊരുവൻ ആ വില്ലെടുത്തവനെ അതിൽ നിന്ന് തടഞ്ഞു …….

അതിലൊരവൻ ഒരു വലിയ കട്ടി കൂടിയ കറുത്ത തുണി ഉപയോഗിച്ച് ആ കുതിരവണ്ടിയുടെ മൂടിക്കെട്ടിയ ഭാഗത്തിന്റെ പുറം മുഴുവൻ മൂടി , അകത്തിരിക്കുന്നവർക്ക് പുറത്തെ കാഴ്ചകൾ കാണാൻ കഴിയാത്ത വിധത്തിൽ ….. പ്രകാശം പോലും കടക്കാത്ത വിധത്തിൽ .

മരണഭയത്തോടെ കരച്ചിൽ പോലും അടക്കി പിടിച്ചിരുന്ന അവന്തിക നോക്കിയപ്പോൾ അകത്ത് മുഴുവൻ പെട്ടെന്ന് ഇരുട്ട്പോലെയായി ….. പതിയെ ആ കുതിര വണ്ടി മുന്നോട്ട് ചലിക്കാൻ തുടങ്ങി പതിയെ അതിന്റെ വേഗത വർദ്ധിച്ചു …. അവൾക്ക് മനസ്സിലായി തന്നെ ഇവർ എവിടേയ്ക്കോ കൊണ്ട് പോകുകയാണെന്ന് …..

……………………………………………

ആകാശത്ത് വട്ടമിട്ട് പറന്ന കഴുകൻ വേഗം ആ ഗുഹ ലക്ഷ്യമാക്കി മുന്നോട്ട് പറന്നു .

പതിവിൽ വിപരീതമായി കഴുകന്റെ അത്യുച്ചത്തിലുള്ള ശബ്ദം കേട്ടതും ഗുഹയ്ക്കുള്ളിലായിരുന്ന ആദിത്യൻ പുറത്തേയ്ക്ക് ഇറങ്ങി . ആദിത്യന്റെ അടുത്ത് പറന്നിറങ്ങിയ കഴുകൻ ഉച്ചത്തിൽ ശബ്ദിച്ചു കൊണ്ടേയിരുന്നു , അതിനു ശേഷം കഴുകൻ വേഗം തിരിച്ച് വനത്തിന് പുറത്തേയ്ക്ക് പറന്നു . അത് ഒരു അപകട സൂചനയാണെന്ന് മനസ്സിലാക്കിയ ആദിത്യൻ തന്റെ ആയുധവുമായി ആ കഴുകന് പിന്നാലെ അതിവേഗത്തിൽ ഓടി ….

ദൂരങ്ങൾ താണ്ടി ഒടുവിൽ വനാതിർത്തിയുടെ അടുത്തെത്തിയ അവൻ പെട്ടെന്ന് തന്നെ അവിടെ നിന്നു .

” ഇതുവരെ ഈ വനം വിട്ട് പുറത്തേയ്ക്ക് പോയിട്ടില്ല പക്ഷെ ഇപ്പോൾ ….. ”

ക്ലീ…….. ക്ലീ …….. ക്ലീ ………..