” ….. മ് പോകൂ …… ഞാൻ പറഞ്ഞത് പോലെയൊക്കെ ചെയ്യുക….. ”

കാലാസുരൻ ഇടിമുഴക്കമുള്ള ശബ്ദത്തോടെ അവരോട് അജ്ഞാപിച്ചു . പൈശാചിക ശക്തികൾ സ്വീകരിച്ച അവൾ കുതിരപ്പുറത്ത് കയറി ആയുധങ്ങളുമായി ഇരുട്ടിനെ ഭേദിച്ചു കൊണ്ട് വനത്തിനു പുറത്തേയ്ക്ക് യാത്ര തിരിച്ചു .

……………………………………………

പിറ്റേന്ന് പുലർച്ചെ ( ആ ആഴ്ചവട്ടത്തിലെ ശുക്രവാരം )

ജ്യോതി ശാസ്ത്രി നിർദ്ദേശിച്ച പ്രകാരം ക്ഷേത്ര ദർശനം നടത്തേണ്ട ദിവസം . പതിവ് പോലെ അവർ യാത്ര തിരിച്ചു വനാതിർത്ഥിയിലുള്ള ചന്ദ്രദേവന്റെ ആ ക്ഷേത്രത്തിലേയ്ക്ക് .

ദൂരങ്ങൾ താണ്ടി അവരുടെ യാത്ര തുടർന്നു . വിജനമായ പ്രദേശം …. എങ്ങും പച്ചപ്പ് മാത്രം ആൾ താമസമില്ലാത്ത ഗ്രാമത്തിന്റെ അതിർത്തി പ്രദേശം . ക്ഷേത്രത്തിന് അടുത്ത് എത്താറായതും പെട്ടെന്ന് അവന്തികയും തോഴിമാരും സഞ്ചരിച്ച ആ കുതിരവണ്ടി നിന്നു .

” എന്തു പറ്റി ….. ക്ഷേത്രത്തിന് സമീപമായില്ലല്ലോ …? . എന്തിനാ യാത്ര നിർത്തിയത് . ”

പെട്ടെന്ന് കുതിരവണ്ടി നിർത്തിയതു കൊണ്ട് കാരണമറിയുവാനായി തോഴി കുതിര വണ്ടി തെളിയ്ക്കുന്ന പടയാളിയോട് ചോദിച്ചു .

” കുമാരീ …… അപകടം …. നിങ്ങ …… ”

അയാൾ വാക്കുകൾ മുഴുവിപ്പിക്കുന്നതിന് മുൻപ് തന്നെ പുറത്ത് ആയുധങ്ങൾ കൂട്ടി മുട്ടുന്ന ശബ്ദവും ഒപ്പം പടയാളികളുടെ നിലവിളിയും കുതിരവണ്ടിയ്ക്കുള്ളിൽ ഇരുന്ന അവരുടെ ചെവികളിലേക്കെത്തി ……..

അവന്തികയുടെയും തോഴിമാരുടെയും മുഖത്ത് ഭയം നിറഞ്ഞു . എന്തോ അരുതാത്തത് പുറത്ത് സംഭവിച്ചു എന്ന് അവർക്ക് മനസ്സിലായി . ഒരു തരം മരണത്തിന്റെ സൂചന …