ആദ്യം തന്നെ എല്ലാ വായനക്കാരോടും വലിയ ഒരു ക്ഷമ ചോദിക്കുന്നു …. കാരണം ഈ ഭാഗം നന്നേ വൈകി , ഏകദേശം ഒരു മാസത്തിൽ കൂടുതലായി ……..

പഠിച്ചുകൊണ്ടിരുന്ന സമയത്താണ് ഞാൻ ഈ സൈറ്റിലേയ്ക്ക് വന്നതും കഥകൾ വായിച്ച ശേഷം പിന്നീട് സ്വയം കഥകൾ എഴുതാൻ ആരംഭിച്ചതും . എന്നാൽ ഇപ്പോൾ പഠനം പൂർത്തിയാക്കി ഒരു കമ്പനിയിൽ ട്രെയിനിയായി ജോയിൻ ചെയ്തു . വർക്ക് ടൈം കൂടുതലാണ് രാവിലെ പോയാൽ വീട്ടിൽ തിരിച്ചെത്താൻ നന്നേ വൈകും , പിന്നെ യാത്രാ ക്ഷീണവും ജോലിയുടെ പ്രഷറും കാരണം എഴുതാനുള്ള മാനസിക അവസ്ഥ കഴിഞ്ഞ ദിവസങ്ങളിൽ ഉണ്ടായിരുന്നില്ല ….. അത് കാരണമാണ് ഈ ഭാഗം ഇത്രയും വൈകിയത് … ഇപ്പോൾ പുതിയ സാഹചര്യവുമായി പൊരുത്തപ്പെട്ട് വരുന്നു , അതു കൊണ്ടാണ് സമയം കണ്ടെത്തി എഴുത്ത് തുടരാൻ തീരുമാനിച്ചത് … എല്ലാ പേരോടും ഒരിക്കൽ കൂടി എന്റെ ഭാഗത്ത് നിന്ന് വന്ന പിഴവിന് ക്ഷമ ചോദിക്കുന്നു …..🙏🙏🙏

വായിച്ച് ഇഷ്ടപ്പെട്ടാൽ ഒരു വരിയിലെങ്കിലും അഭിപ്രായം പറയുക പ്രോൽസാഹിപ്പിക്കക . പേജ് കുറവാണ് അടുത്ത പാർട്ട് മുതൽ പരിഹരിക്കാം ….. ഇനി ഇതു പോലെ കഥ അധികം വൈകിപ്പിക്കില്ല പരമാവധി വേഗം അടുത്ത ഭാഗങ്ങൾ തരാൻ ശ്രമിക്കാം ….

തുടരട്ടെ ………..,

💞 അവൾ രാജകുമാരി – 10💞
Aval Raajakumaari Part – 10 | Author : 👼 VICHU[ ചെകുത്താനെ സ്നേഹിച്ച മാലാഖ ] 👼  Previous Part

View post on imgur.com

***************************

ആ ദുർമന്ത്രവാദി ഹോമകുണ്ഡത്തിലെ തീയിൽ താഴ്ത്തി വച്ചിരുന്ന ഒരു കത്തി കയ്യിൽ എടുത്തു . തീയിൽ ഇരുന്ന ആ കത്തി ചുട്ട് പഴുത്ത അവസ്ഥയിലായിരുന്നു .

അയാൾ ആ കത്തിയുമായി ആ വൃദ്ധന്റെ അവസ്ഥയിലേക്ക് മാറ്റപ്പെട്ട അയാളുടെ അടുത്തേയ്ക്ക് ചെന്നു . എന്നിട്ട് എന്തോ മന്ത്രങ്ങൾ ഉരുവിട്ട ശേഷം ആ കത്തി ഉപയോഗിച്ച് നിലത്ത് കിടന്ന അയാളുടെ കഴുത്ത് കീറി മുറിച്ചു . നിലത്ത് കിടന്ന അയാൾ ഒന്ന് പിടയുകയോ ശബ്ദിക്കുകയോ പോലും ചെയ്തില്ല . അയാളുടെ കഴുത്തിലൂടെ രക്തം വാർന്നൊഴുകി . ആ ചുട്ടുപഴുത്ത കത്തിയിൽ മുഴുവൻ അയാളുടെ രക്തം പുരണ്ടു .