അതിനുശേഷം മാന്ത്രവാദി ആ കത്തിയുമായി പകുതി അബോധ അവസ്ഥയിൽ കിടക്കുന്ന ആ യുവാവിന്റെ അടുത്ത് എത്തി . ആ യുവാവിന്റെ വായ് മന്ത്രവാദി തന്റെ കൈ കൊണ്ട് പൊത്തി പിടിച്ചു എന്നിട്ട് കത്തി ഉപയോഗിച്ച് യുവാവിന്റെ കഴുത്ത് കീറി മുറിച്ചു . മരണ വെപ്രാളത്തിൽ ആ യുവാവ് ഒന്ന് പിടഞ്ഞു , ഒന്ന് നിലവിളക്കാൻ പോലും ആ യുവാവിന് കഴിഞ്ഞില്ല . ആ യുവാവിന്റെ ശരീരത്തിൽ നിന്നും ജീവൻ പോയെന്ന് ഉറപ്പിച്ചതും ആ ദുർമന്ത്രവാദി ഇരുവരുടെയും രക്തം പുരണ്ട ആ കത്തി ഹോമകുണ്ഡത്തിലേയ്ക്കിട്ടു .

……………………………………………

ഹോമകുണ്ഡത്തിലേയ്ക്കിട്ട ആ കത്തിയിലൂടെ തീ ആളി പടർന്നു , അതിൽ പറ്റിയിരുന്ന രക്തം തീയിൽ അലിഞ്ഞ് ചേർന്നു . പെട്ടെന്ന് ഒരു മായാജാലം പോലെ നിലത്ത് കഴുത്ത് മുറിക്കപ്പെട്ട് കിടന്ന ആ വൃദ്ധന്റെ കഴുത്തിലെ മുറിവ് അപ്രത്യക്ഷമായി . അയാളുടെ നരബാധിച്ച തലമുടിയും ശരീരത്തിലെ രോമങ്ങളും ഒരു യുവാവിന്റേതു പോലെ കറുത്ത നിറമായി മാറ്റപ്പെട്ടു . അയാളുടെ ശരീരത്തിലെ ചുക്കിചുളുങ്ങിയ ചർമ്മങ്ങൾ പെട്ടെന്ന് കരുത്തുറ്റ ഒരു യുവാവിന്റേതു പോലെ ദൃഢമായി മാറി . ഇരുമ്പ് പോലുള്ള അയാളുടെ പേശികളിലെ ഞരിമ്പിലൂടെ രക്തം അതിവേഗം സഞ്ചരിച്ചു ….. നിമിഷ നേരം കൊണ്ട് അയാളുടെ ശരീരം വൃദ്ധന്റെ അവസ്ഥയിൽ നിന്ന് പഴയ യുവത്വത്തത്തിന്റെ അവസ്ഥയിലേക്ക് മാറ്റപ്പെട്ടു .

ഒപ്പം ക്രൂരമായി കഴുത്തറുത്ത് കൊല്ലപ്പട്ട ആ ദരിദ്ര യുവാവിന്റെ ശരീരം ഒരു വൃദ്ധന്റെ ശരീരം പോലെയായി മാറി .

കഴുത്ത് മുറിച്ച് മരണപ്പെട്ട ആ യുവാവിന്റെ മുറിവിൽ നിന്ന് ചെമ്പ് പാത്രത്തിൽ ശേഖരിച്ച ചുടുരക്തം ആ മാന്ത്രിവാദി കൈകളിൽ എടുത്ത് രൂപമാറ്റം സംഭവിച്ച അയാളുടെ വായ തുറന്ന് അതിലേയ്ക്ക് ഒഴിച്ചു .