?????? ????? 1 [ അഗർത്ത ] (ѕι∂н) 151

“ പിതാവേ എന്താണ് ഇവിടെ നടക്കുന്നത്……ഈ ഭീകര ജീവികൾ ആരാണ്….. ”

 

“ അവർ നിങ്ങൾ ചിന്തിക്കുന്നതിന് അപ്പുറമാണ്…..ഭയാനകമായ മറ്റൊരു ലോകത്തിൽ നിന്നും നമ്മുടെ ലോകത്തേ നശിപ്പിക്കാൻ വന്നവർ…എന്ത് വില കൊടുത്തും അവരെ തടയണം…….”

 

പിതാവിന്റെ വാക്കുകൾ കേട്ട് അവരിൽ ക്രോധം ജ്വലിച്ചു…..

 

തങ്ങളുടെ ലോകത്തേ നശിപ്പിക്കാൻ വന്നവരെ നശിപ്പിക്കാൻ ഉള്ള. ക്രോധം……!!

 

ഒരു യുദ്ധത്തിന് എന്ന പോൽ അവർ അണിനിരന്നു…….

 

ആദിത്യൻ തന്റെ ഇരു കണ്ണുകളും മെല്ലെ അടച്ചു……“ യമാ ” എന്ന് ഉച്ചരിച്ചു……

 

അടുത്ത നിമിഷം അവന്റെ നെഞ്ചിന്റെ ഭാഗത്ത്‌ നിന്നായി കറുത്ത വള്ളികൾ ശരീരം ആകെ വളരെ വേഗം പൊതിഞ്ഞു….

 

കഴുത്തിന് മുകളിൽ എത്തിയപ്പോൾ അതിന്റെ നിറം കറുപ്പിൽ നിന്ന് വെള്ളയിലേക്ക് മാറി……. ഒരു തലയൊട്ടിയുടെ രൂപമായി അവന്റെ മുഖമാകെ പടർന്നു…….

 

പുറകിലേക്ക് cape പോലെ ഒരു തുണി തൂങ്ങി കിടന്നു……അത് കാറ്റിന് അനുസരിച്ചു വായുവിൽ പറന്നു…..

 

വിരലുകൾ വരെ മറച്ചു കൊണ്ട് ആ വസ്ത്രം അവനിൽ ഒട്ടി നിന്നു……

 

അവന്റെ കണ്ണുകൾ ചുവന്ന നിറത്തിൽ പ്രകാശിച്ചിരുന്നു……

 

അവന്റെ രൂപം മാറ്റം കണ്ട് ആ അച്ഛൻ സന്തോഷിച്ചു……. ആദിത്യൻ തന്റെ ശരീരം സ്വയം നീരീക്ഷിച്ചു കൊണ്ട് ഇരുന്നു….

 

ആദിത്യന്റെ രൂപമാറ്റം കണ്ട് പർത്ഥനിൽ അസൂയ വർധിച്ചു….തനിക്ക് കിട്ടേണ്ട ശക്തി അവന് ലഭിച്ചതിൽ…..

 

പക്ഷേ പർത്ഥൻ നിസാരക്കാരൻ ആയിരുന്നില്ല…….

 

മാന്ത്രിക വിദ്യാകളാൽ അവൻ നിർമിച്ച ഒരായുധം അവന് ഉണ്ടായിരുന്നു….. എപ്പോൾ കൈ നീട്ടിയാലും അവനിൽ വന്നു ചേരുന്ന ഒരു മഴു….!!!

 

അവൻ കൈ നീട്ടിയതും അവർക്ക് നേരെ പറന്ന് ഉയർന്ന darkfly യുടെ ശരീരത്തെ കീറി മുറിച്ചു കൊണ്ട് ആ മഴു അവന്റെ കൈകളിൽ വന്നു ചേർന്നു….

 

അടുത്ത നിമിഷം അവർക്ക് അരികിലായി കുറെ സ്ത്രീകൾ പ്രത്യക്ഷപെട്ടു……

 

അവരെ കണ്ടപ്പോൾ രാജാവിൽ ഉണ്ടായ ആശ്വാസത്തിന്റെ പുഞ്ചിരി മതിയായിരുന്നു മറ്റുള്ളവർക്ക് വന്നവർ ശത്രുക്കൾ അല്ല എന്ന് മനസിലാക്കാൻ…….

 

ഐറിസ രാജാവിനെ നോക്കി ഒന്ന് പുഞ്ചിരിച്ചു…….

 

അവൾ വളരെ ചെറുപ്പമായിരുന്നു…… എല്ലയെ പോലെ……!!

 

അടുത്ത നിമിഷം ഭീകര ജീവികൾ അവർക്ക് നേരെ കുതിച്ചു……