?????? ????? 1 [ അഗർത്ത ] (ѕι∂н) 151

താൻ എങ്ങനെ മാതാവിനെ കൊല്ലും….. പുലർകാലം കൊട്ടാരത്തിൽ നിന്നറങ്ങിയ ഞാൻ എങ്ങനെ അവിടെ എത്തി….

 

എന്തോ ചതി ഇതിൽ ഉണ്ട്….. ജേഷ്ഠൻ ആണോ എന്നെ ചതിച്ചത്….. പക്ഷേ മാതാവിനെ കൊല്ലാൻ അവന് എങ്ങനെ കഴിയും….. ഇല്ല…ഒരിക്കലുമില്ല……

 

ഇതിന് പിന്നിൽ മാറ്റാരോ ആണ്…….

 

സ്വയം അങ്ങനെ പറഞ്ഞു വിശ്വസിപ്പിക്കുമ്പോഴും അവന്റെ ഉള്ളിൽ സത്യം തെളിഞ്ഞു നിന്നു……!!

 

ആകാശം ഇരുൾ മൂടി…… ശക്തമായ മഴ ഭൂമിയെ കുളിരണിയിച്ചു കൊണ്ട് പെയ്തിറങ്ങി……

 

അതിന് പിന്നാലെ പ്രകമ്പനം കൊള്ളിച്ചു കൊണ്ട് ഇടിമിന്നൽ ഭൂമിയെ വിറപ്പിച്ചു……

 

അവൻ ചിന്തയിൽ നിന്ന് ഞെട്ടോലോടെ പുറത്തേക്ക് വന്നു…..

 

അവൻ വെറുതെ ഇരുമ്പഴിക്കുള്ളിലൂടെ പുറത്തേക്ക് നോക്കി……

 

മഴ മരങ്ങളെയും ചെടികളെയും കുളിരണിയിപ്പിച്ചു കൊണ്ട് ഇരിക്കുന്ന കാഴ്ച…..

 

പെട്ടന്ന് മഴ കനത്തു…. ചുറ്റും കാണാൻ തന്നെ ബുദ്ധിമുട്ട് തോന്നും വിധം ആയിരുന്നു മഴ…..

 

കുതിരപുറത്ത് കാവലായി സഞ്ചരിച്ചിരുന്ന ഭടന്മാർ നനഞ്ഞു കുതിർന്നു……

 

മുന്നോട്ട് പോകും തോറും പെട്ടന്ന് മരങ്ങൾക്ക് ഇടയിൽ അവനൊരു കാഴ്ച കണ്ടു…..

 

വലിയൊരു പോത്ത്…. അതിന്റെ പേശികൾ എല്ലാം തെളിഞ്ഞു കാണാം…..

 

അതിന്റെ ശരീരത്തിലൂടെ മഴ തുള്ളികൾ ഒലിച്ചു.. ഉറങ്ങുന്നുണ്ട്….. കണ്ടാൽ തന്നെ ഭയം തോന്നുന്ന വിധമുള്ള രൂപം…..

 

പക്ഷേ അതൊന്നുമല്ല അവനെ അത്ഭുതപെടുത്തിയത്……

 

കനത്ത മഴയത്തും തിളങ്ങുന്ന ആ ചുവന്ന കണ്ണുകൾ ആയിരുന്നു…

 

അത് വെട്ടി തിളങ്ങി കൊണ്ടിരുന്നു….അത് അവനെ ഒരു കാര്യം ഓർമിപ്പിക്കുക ആയിരുന്നു……

 

മുന്നോട്ട് പോയി കൊണ്ടിരിക്കുമ്പോഴും ഓരോ ഭാഗത്ത്‌ അതിനെ അവൻ കണ്ട് കൊണ്ടിരുന്നു…….

 

പെട്ടന്ന് അത് കണ്ടത് ആ പോത്തിന് മുകളിൽ ഇരിക്കുന്ന ഒരു രൂപം…..

 

അവൻ മുന്നോട്ട് നീങ്ങിയതും മരം മറഞ്ഞു….. അടുത്ത നിമിഷം ആ രൂപവും അപ്രത്യക്ഷമായിരുന്നു……

 

അവൻ ഒന്നും മനസിലാകാതെ അവിടെ ഇരുന്നു…

 

പെട്ടന്ന് അവന്റെ തലക്ക് അകത്ത് ഒരു ശബ്ദം മുഴങ്ങി.